Questa risorsa digitale è liberamente accessibile per uso personale o scientifico. Ogni uso commerciale è vietato
Tutti i materiali paratestuali della fonte cartacea non riconducibili alla responsabilità dell'autore dell'opera sono stati soppressi nella versione digitale
Livello medio: controllo a video con collazione con edizione di riferimento
I simboli di citazione e di discorso diretto presenti sulla fonte cartacea sono stati rappresentati sulla versione digitale
I trattini di sillabazione a fine riga sono stati soppressi e le parole ricomposte
Driedo la nativita del nostro segnor Yhesu Cristo, Ottavian augusto impera anni XIV. Questo de generacion roman nassudo de pare che ave nome ottavian senador, e la generacion de la mare descendi da Enea, e fo nievo de Iulio Cesaro, e per adotion el fo fyo. Tuto'l mondo el redusse in una monarchia, zoe in uno volere, ne homo de tanto prexio fo senza vicii, che'l serviva ala libidine, zoe ala volonta carnal, e intra XII camare e altre tante donzelle ello soleva zasere; e vezando li povuli de roma questu esser de tanta belleza, che nessun in li otchi soi elo podeva guardare, e de tanta prosperita e paxe, che tuto'l mondo el se fe tributario, zoe che tuti li rendeva tributo, e'li romani li disse: nu te volgiemo adorare, imperzo che dio ein ti, e si questo non fosse, non te andareve tute chosse prospere; el qual questo refuando, lu domanda induxia e aspetto, e chiama sibilla tyburtina savia che vegnisse a lui, a li quali el disse quello che li senadori li avea dito, la qual damanda spatio di tre di, in la quali ella fe streto zezuno. E driedo lo terzo di la repuose al imperador in questo muodo: segno de zudisio, la terra comenzera a bagnarse da sudor; de cielo vegnera el re che vegnera per li siegoli, e le altre cosse che segue. E incontinente averto fo el cielo, e tropo gran splendor descese sovra da ello, et ello vete una bellitissima verzene stagando sovra un altare, e tegnando un fantolin in le soe braze. Ello tropo se maravelgiava, e aldi una voxe digando: Questo altare e del fylgiol de dio; el qual incontinente zetandose a terra lo adora; la qual vision con zo fosse che lu l'avesse recitada e dita ali senadori, elli se meravelgiava molto.Questa vision fo in la camera de Ottavian imperador, do'e mo la chiesia deli frar menor, la qual ven dita la chiesia de santa maria celi.
Conzo fosse chossa che Ottavion retornando venzedor de oriente fosse intrado in roma con tre vitorie, in quella fiada inprima augusto da li romani el fo salutado, imperzo che la chossa publica, zoe li beni del comun lo aveva cressudi. Questo vense per batalgie quelli de dacia e molto gran zente di Germani el sconfisse, in la qual bathalgia XL milia Germani el mena con sie, e sovra la riva del reno in franza li luoga. Nessun in batalgia fo plu ingraciado de lui XLIV anni, inli quali solo el resse, l'imperio; civilissimamente, el vive li XII, e li altri anni el regna chon anthonio. Questo molto se alegra quando lu avea trovada la cita lateriza, e quando lu avea bandonada la citade marmoregna e ornada de molto grande belleza.
In li anni de quello del XXV¸ virgilio mori a brandizo, elle osse de quello fo portade a napoli. In l'anno de quello XXXV Oratio poeta mori a roma. In lo tempo de Ottavian era una thaverna de gran fama de za del thevro, la qual imperzo vegniva dita meritoria, cheli chavalieri degni, quello che per li soi soldi li avea meritado, solazando eli spendeva, dela qual in lo di de la nativita del segnor una fontana d'oio rompe a honor de la beata maria verzine; construta fo li unachiesia del beato calixto primo. Morto e Ottavian augusto in l'anno dela vita soa LXXVII apresso arella cita de Campagna, e fo sepelido in campo marzo.
Inlo tempo de Ottavian computado fo el numero deli citadini de roma LXXXX fia CCC milia et LXXX milia.
Inl'anno del segnor XIV Tyberio segnoreza anni XVIII, in fine al anno in lo qual passionado fo el nostro segnor yhesu cristo, e driedo la passion de quello anni V. Questo fo fiastro de Ottavian e zenere e etiam fyo per adocion, zoe fyo per amor, e fo asai venturado e savio in arme; in lo qual era molta sciencia de lettere. In lo parlare lu era molto chiaro, ma de inzigno pessimo e insidioso, infenzandose de volere quello che non voleva. Questoin li XXIII anni del so imperio, de la etade de LXXXVIII anni, chon gran furor quelli che era senza colpa e non nosevol insiembremente choli stranii ello li puniva, e chon allegreza de tuti el mori in Campagna. Questo, segondo che diseva Iosefo, in tuti li suoi fati lu era moroso, onde quando ello faxeva procuradori in le provincie, a pena che mai ello li mudasse. In lo tempo de questo, ovidio poeta mori, in bando siando, e poncio pylato da tyberio fo mandado procurador in iudea, el qual el maystro dele ystorie afferma esser nassudo in la cita de lyon. In questo luogo mete Iosepho, che fo spianador dele ystorie deli zudei, digando de cristo laldevol testimonianza: el fo a questi tempi savio homo, che lu era fator dele meravelgiose ovre e dotore, e molti che vegniva a ello e molti deli zudei elo amaistra. Cristo questo era; e ploxor altre chosse de la soa passion e resurrecion el disse. Driedo la passion del segnor, el dito imperador Tyberio impara anni V; poncio pylato per molte accusation contra quello fate da Tyberio fo mandado in bando a vienna in bergogna,e per molte pene le qual li lu sostene, si medesmo se alcise chola soa propria man. Erodes, el qual aveva morto zuanne batista, e soto qual fo passionado cristo, con Erodiada soa molgier apresso vienna fo mandado in bando, e li miseramente mori.
Inl'anno del segnor XXXVII Gayo, el qual galicula vegniva dito, segnoreza anni tre, mesi X, di VIII. Questo malissimo homo fo, con doi suo sorori el zase carnalmente, e una fya de una de quelle el cognosce del peccado, e fo nievo de tyberio cesaro. Jeronimo sovra matheo dissi che del gayo cesaro primo tuti li romani re Ciesari ven diti. Questo Gayo conzo fosse chossa che contra tuti ello smaniasse, con gran avaricia e libidine e eciam dio crudelitade, a roma in lo palazo el fo morto.
In li anni del segnor XLII Claudio impara anni XIV, mesi VII, di XXVIII. Questo fo frar de pare (de) Galicola. Questo a quelli de Britagna fe batalgia, e eciamdio algune ysole ultra Britagna messo in lo Occeano alo romano imperio el suiuga, le quale ven dita archades. Questo molto era civile, e vive anni XLIII, e driedo la morte fo consegrado e divo fo appellado. Questo de nessuna memoria fo, e morte soa molgier; puocho driedo zugando in lo triclinio, el demanda perche la dona non vegniva. De cibo e de vino in ogni tempo e luogho lu era disordinado, e impensa de fare statuti e leze, que guederdon ello dovesse dare a quelli che daesse flado e strepido de ventre in convivio, con zo fosse chossa che per continentia e per vergogna ello avesse trovado che un fosse perigulado; e una, la qual ave nome messalina, e si chomoscrive zovenale, la fo de tanta luxuria, che in li bordelli in prima secretamente andava, e poi publicamente a tuti se exponeva, e cosi1 non saciada ma inlassada partandose, le nobele femene a questa medesma chossa si traheva. Questo conzo fosse chossa che'l manchasse, Britanico so fyo per conseio dela moier fazando senza parte del roman imperio, Neron marido de soa fya lo designa e fe imperador, e chossi el zenere in ordene ande inanti al fyo. In lo tempo de questo Claudio, piero apostolo vene a roma, e li XXV anni el resse la chiesia, e predicando la fede salutevole, et de potentissime vertude quella lo aprova. In questi tempi uno oxello che ave nome fenix, aparse in Egypto, la qual avanti VI anni era aparso in Arabia; lo qual oxel vive infine cinque cento anni, si chomo ven dito, e poi si medesmo ardandose in lo nido, si renasci; e questo oxello e a modo de agoya grande, abiando una cresta in cavo e circha el collo cholor d'oro, exceto la coda, lo splendor del quale si chomo rosa e ceruleo, segondo che ven scrito.
In li anni del segnor LVI Neron impara anni XIII, mesi VII, di XXX. Questo lo romano imperio deforma e smenema; el piscava chon rede d'oro, le quale con fune de seda vegniva descese. Infinita parte del senado ello alcise, ali boni homini lu fo inimigho. Citaretico habito o ver tragico lo usa; molti homicidii el comesse, li frar, la molgier, la mare, el maistro lo alcise, la cita de roma lu arse, ali christiani lu de la prima persecucion, e per queste chosse dali romani tuti abandonado insembremente, e del senado el fo zudigado si chomo inimigo. In lo tempo de questo in i'annom VI Iachomo frar del segnor, el qual da tuti vegniva appellado iusto, deli zudei in prima fo lapidado, e poi chon una pertegha li fo rotti li cervelli e mori; e seneca de Cordubia pare de lucan poeta commandador de Neron, de vita e de sciencia preclaro, per salassadura de vena per caxon de veneno de commandamento de Neron si mori. In questo tempo Iudea alli romani se fe rebella, e da Neron vespaxian fo mandado contra quel. Neron etiam dio a tute li suoi malitie azonse che'li santi de dio piero e poli fosse morto; e conzo fosse cossa perche lu aveva fatto ardere parte de roma, e per altri soi malifitii el fosse cerchado per darighi pena, ello fuzi fuora del palazo,e in lo borgho, el qual era intro salaria e numentana el quarto melgiar de roma, si medesmo alcise, e dali lovi el fo manza, si chom ven dito. De quello disse Svetonio, che conzo fosse chossa che fosse malissimo, nessun homo per alguna parte del corpo casto o puro ello zudigava; nessuna veste II fiada el vesti, alli muli el fe suocle d'arzento, e in nessuna chossa el fo plu dannoso chom in edificare, che la largeza del so palazo per structura e de adornamento de oro e de arzento e de gemme e de avolio con brieve parola non se po comprendere. In questi tempi el coliseo a roma fo redrizado, habiando de alteza pie C e VII.
Inl'anni del segnor LXX Galba impera mesi VII, e in ybernia, la qual e parte de spagna, vitello in germania, Otton lo roman imperio per anno rezando, intro si se alcise.
Inli anni del segnor LXX Vespasian impera anni IX, mesi X, di XXII. Questo fo fato imperador apresso palestrina e obscuramente lu nassi, ma in alcune chose el fo da esser comparado. Soto questo Iudea se desparti del romano imperio. Questo con lo tyto so fyo de yerusalem triumpha, e per amor de questo al senado e al puovolo de roma ello fo amabile e iocondo; per fluxo de ventre el mori, e conzo fosse che'l fosse constreto da la morte, ello se driza im'pie e disse: el se diexe alo imperador partirse e andar allo imperador eterno. Questo de Claudio imperador in Germania e in Britagna trenta fiade mandado e doi fiade chon hoste, ello scomfisse la fortissima zente e allo imperio romano ello li sottometesse.
In l'anno del segnor LXXIX Tyto impera anni tre. Questo con so pare vespaxian Jerusalem destrusse, e da quelli tuti li ornamenti del templo fo portadi a roma, e apresso da questo, Jeronimo in la exposicion de Ioele disse che in lo tempo de paxe li fo reponudi. Questo, fo meravelgioso de tute vertude in tanto che delicie dela humana generacion el fosse dito. Questo quelli che aveva conventi, siando stadi in contra da lui, ello li lagava quel medesma familiaritade,la quali inanti aveva abiudo, remagnando; de tanta liberalitade el fo, che a nessun ello non negava chossa alchuna, digando che nessun dal imperador se doveva partir tristo, digando che ello avea perdu quel di, in lo qual niente aveva dado;e fo sepelido apresso li sabini in quella villa, in la qual fo so pare;e siando morto, tanto planto fo in roma, che quasi tuti la soa morte planzeva, e quamvisdio che'l pare fosse de gran vertu, ampo el fyo impara ch'ello passa el pare de vertu, e'l vene inanti messo al pare in le scriture e in lo parlare.
In l'anni del segnor LXXXII Domitian impera anni XIII, mesi V. Questo frar de tyto fo. In li primi anni el fo atemperado, e per lo imperio incontinente a grandissimi vicii ello se'de in tanto, e fe che li meriti del pare e deli fradelli ello dispresia. Lu alcise de nobilissimi homini del senado, segnor e segnor primo se fe appellare, e nessuna statua se no d'arzento o d'oro ello soffri che fosse messo a ello in lo capitolio: li cosini soi lu si alzise; zuanne evangelista fo per ello mandado in patmo. Driedo Neron ello de la segonda persecution ali christiani; quamvisdio che fosse stado fyo de vespaxian e frar de Tyto, a nessuna cossa fo a elli simile, ma si fo simile a neron o ver a Galicula; e per amor de zo, conzo fosse chossa che per queste malicie a tute persone fosse in noia, ello fo morto dali soi in pallazo in li anni XXXVI dela etade soa, e con deshonor ello fo sepelido. In lo tempo de questo, dyonisio ariopagita fo passionado choli suoi compagni, e san lucian discipulo del beado piero apostolo, li quali san Clemento aveva conzonti mandandoli in franza. In lo tempo de questo edificado fo lo templo pantheon, el qual mo ven dito santa maria reonda, e fato fo in questo muodo: li senadori sapiando che quelli de persia aveva revelado, conzo fosse chossa ch'eli volesse mandar la Marcho agripa prefeto de roma, e quello non volesse andar, demandando deliberacion de tre di, conzo fosse che una note sovra questo pensando l'avesse dormio, e'li aparse una femena digando, che se imprometesse de far un templo a honor de quella, e cosi com li dirave, el venzerave per lo so alturio, digando si esser chiamada cymbelle, mare de tuti li dii; e conzo fosse che Agrippa questo avesse impromesso, levandose la doman, e questa vision ali senadori lu avesse dito, el fo mandado con grande aprestamento de nave e de cinque legion de chavalieri in persia, e silla scombati e vense.
In li anni del segnor LXXXXV Nerva impera anno I, mesi IV. Questo danna tute quelle chosse, le qualle domician aveva fate; onde zuane evangelista retornadel bandizamento in lo qual lu era in effeso mandado.
Inli anni del segnor LXXXXVI Traian impera anni XIX. Questo abiando preso asia e Babilonia alle fin de Judea, poi lu ande in alexandria. Questu, non per si, ma per li suoi conselgieri comanda che'l fosse dada la terza persecucion alli cristiani. Questo siando de la famelgia apresso agrippa, in spagna, in ytalia e in franza fato fo imperador. Questo driedo augusto le fin del romano imperio lonzi e amplamente amplia, e infine ali fin de India lu ande; in lo mare rubro el messe navilio, azo che per quello le fine de India el guastasse; a Roma e per le provencie fazandose inguale a tuti, li amisi suoi el visitava per caxon da saludarli, e visitava li infirmi, a tuti lu era liberal.Questo driedo la gran gloria de bathalgia retornando de persia, apresso silentica del fluxo de ventre el mori, elle osse de quello fo messo in una urna d'oro e a Roma fo portade in lo mercado, lo qual ello ediffica , e soto la colona fo messi, l'alteza dela qual era CXL pie. Questo solo de tuti apresso roma fo sepelido, e intro li divi fo reputado. De questo si e questo gran memoriale, che in lo senadonon altramente deli principi de esser chiamado, se no plu beado augusto, meior de traiano. Soto ello fo passionado santo Ignacio discipulo de san zuanne evangelista, veschovo de anthiochia, el qual ande a Traian che retornava dela vitoria, e menazava de dar morte ali cristiani; e confessandose esser cristiano, el fo vento con ferro e fo portado a Roma. El chuor de questo, conzo fosse che'l fosse diviso in molte parte, el nome de cristo in zaschadune parte de letere d'oro fo trovado scrito.
In quel tempo Eustachio, el qual fo so nome plaido, maistro dela cavalaria de traian imperador, al qual don fina a tanto che'l fosse a chazare, intra le corne da un cervo li aparse cristo in croxe, e poi chola molgier e filgioli fo batiza, e si chomo cristo li aveva dito davanti, molte aversitade chola molgier e choli filgioli ello sostenne; e pantheon a roma da sayta de fuogo fo arso, e alli perfin fo reparado. Plinio orador e ystorico flori, el qual mitiga traian imperador dela persecucion dali cristiani, lo qual li perseguiva, scrivando al imperador, che niente de mal se trovava in quelli, dastier che alle ydole i'no sacrificava, e in anzi di li levava adorar Dio.
Inlo tempo de questo Symon eleofas chosin de Jachomo apostolo, el qual avea succedu a ello in lo veschovado Jerusalem, fo incoronado de martirio.
Inl'anno del segnor CXXI Adrian impera anni XV. Questo la segonda fia suiuga li zudei che aveva revelado, e roma e Jerusalem lu restaura e amplia, non zudei ma altra zente in quella, logando. Questo fo in tute chosse glorioso, leze molte el fe, e una colona in so nome el fe fare, el qual quamvisdio che'l fosse nievo de traian, ampo alla gloria de traian abiando invidia, incontinente tre provencie, zoe syria, Mesopothanea e armenia, le qual traian ali romani aveva aquistade, ello le lassa. Anchora de dacia sforzandose de far al simile, li amixi peizora quello, imperzo che traian abiando venta dacia, de tuto lo mondo l'avea manda a Roma infinita moltitudene de homini a coltivar li campi e le citade; paxe ampo in omni tempo l'ave del suo imperio. De latina parola el fo sommo parlador, e del griego parlare el fo molto amaistrado, diligentissimo circa lo errario, zoe lo luogo oe che sta l'avere, e circa la disciplina deli cavalieri. El mori in campagna in l'anno del imperio so XXI. Lo senado non volse dare a ello li divini honore, e ampo el so soccessor chom molta fatiga apresso li senadori apena ave quello; e adrian abiando refato, Jerusalem, comanda che a nessun zudio fosse dada licencia da intrar, ma solamente ali cristiani. E in quel tempo fato fo che lo luogho dela passion de cristo fosse dentro dali muri, el qual in prima era de fuora; e imperzo che'l vegniva chiamado Elyo Adrian, volse che Jerusalem fosse chiamado del so nome Elya.
Soto adrian fo passionada la beada verzene Seraphia de anthiochia per generacion, stagando in la chasa de la nobilissima femina Sabina, la qual per la soa dotrina l'avea convertida; onde santa sabina imperzo che'l fo accusada che l'avea recolte le osse de serafia, alle per fin de martirio la fo coronada. In questi tempi eciamdio flori el segondo philosopho, el qual philosopha in ogni tempo, servando scilencio; ella chaxon del silencio inlo so libro se demonstra. In questo tempo aquila de generacion pontico, segondo interpredo dela leze de moyses, flori. Questo adrian comanda per una lettera, che a nessun fosse licita chossa li cristiani condannare senza obieto de peccado o verpruova. Questo daspo che la chossa publica chon iustissime leze l'ave ordenado, e lo luogho oe che sta li libri athenes l'ave construta de meravelgiosa ovra, el mori in campagna. In lo tempo de questo in quella fiada inprima mente al muodo griesischo in la chiesia oriental deli cristiani li ministerii fo celebradi, li quali avanti era stadi celebradi al muodo zudaico.
Inli anni del segnor CXL Antoino piathoso impera choli filgioli anni XXXII, mesi III. Questo imperador per questo cothal nome receve, imperzo che in ogni regno siando ritenute plezarie, li debiti deli creditori ello relaxa . Quello zenere de Adrian fo, circha li cristiani el fo piathoso, e in tanto lu regna quieta mente, che degna mente ello fo dito piathoso, e pare lo errario, oe che sta l'avere, pieno e richo lo lagha, e li beni del comun lu acresce; e driedo la morte soa si chomo romulo vegniva coltivado e honorado, e mori apresso orta villa soa, la qual era XII melgia lonzi de roma e intro li divi fo portado e degna mente fo consegrado. In lo tempo de questo, Gualtier medigho, che fo de nacion de Bergamo, a roma clarifica, zoe fo apresiado in vertude.In quel tempo flori, zoe fo aprexiado, pompeyo de nacion de spagna, el quale le ystorie de tut'el mondo dal tempo de Nin re de quelli de Assyria infina alla monarchia de Cesaro lu redusse in latina parola, distinguandole per libri XLIV; la abreviacion deli qual fe Iustino so discipulo, el qual Iustin philosopho ad Anthonio piathoso [...] lo libro componudo dela cristiana religion, e benigno fo quello alli cristiani. Questo antonio in tanto fo piathoso, che a nessun fo axerbo, fazando ali boni honore, el qual non [ven?] dito che avesse dito chotal parola: piu volentiera volgio per: exempio de scipion un citadin servare, che mille inimisi alcidere. La fya de questo antonio, la quale avea nome faustina, conzo fosse cossa ch'ell'avesse vezudi li gladiadori combatando in siembre, la se inamora; per la qual chossa, conzo fosse chossa che la comenzasse d'avere male, a so marido marcho antonio la chason del so mal la manifesta; el qual per lo conseio deli medisi de Caldea uno de quelli gladiatori fe alcidere, e del sangue de quello el corpo de faustina fe onzere, maxima mente quella parte del corpo, doe libidine dela concupiscencia mazor mente se inflamma; la qual chossa siando fata, la tentation cessa e eciamdio la infirmitade.
Inlo tempo de questo anthonio flori Tholomio homo meravelgioso in sciencia mathematica, el qual plu azonse in astronomia cha fosse tuto quelo, el qual inanti scrito ello trova; e fo portado ad alexandria, e con instrumenti de astronomia lu observa le stelle in lo tempo del predito imperador in alexandria e in Ruodo: el fo etiamdio de statura moderado, de color blanco, de forte ira, de puoco cibo, abiando el flador odorifero e le vestimente resplendente. E compose molti libri, zoe Almaiesti e la perspectiva, e inli iudicii quadrupartido, e centilogio e ploxor altri, e vive anni LXXVIII; e deli proverbii suoi e maravelgiosa chossa che intra li homini l'e plu alto, el qual non cura in man de chi sia el mondo, e questo el qual per altru non ven correto, altro per elli correti sera, e queste ultime promission se cavi.
In l'anno del segnor CLXXII Marcho anthonio vetchio chon so frar luzo aurelio in que modo lu impera anni XIX. De questo Roma comenza ad aver II imperadori. Questo optimo fo, ampo dali suoi movesta fo ali cristiani la quarta persecucion. In lo tempo de questi in prima la chossa publica per ingual raxon obedi a quelli che aministrava lo imperio. Morto ampo l'uno, solo Anthonio la chossa publica resse, e si in oriente in asia, chomo in occidente in franza molti de martirio fo coronadi. In asia santo policarpo e altri con ello XII de philadelfia, in franza sen iusto veschovo de vienna e forcio veschovo de lyon con innumerabile moltitudine de martirio fo coronadi; el qual marcho antonio, che digna mente el possa laldare, del comenzamento dela vita soa el fo tranquillo. Questo a nessun aiugnimento claro, le provencie chon gran benignitade e moderamento trata, intanto che dala infancia soa el volto ne per allegreza ne per grameza ello non avesse muado, in scientia philosophistica de lettere si griege chomo latine molto fo amaistrado, in dare doni allegro, driedo la vitoria magnifico. Questo etiamdio in panonia mori, da tuti chiamado certe mente, intro li divi portado fo. Per quel medesmo tempo flori Zilio scritor ystoriograffo e la beada prasceda, la quale conzo fosse chossa che la se sepelisse li corpi deli martere, ella, azo che la possesse de questo mondo driedo quelli, ora allo segnor, incontinente exaldida la soa oracion, morando in paxe a cristo.
Questo driedo la batalgia, la qual aveva contra li germani, schlavi, Glanachi e assamati, conzo fosse chossa che siando nudado lo errario, nessuna chossa avesse da dare ali chavalieri, no volgiando de algun esser molesto, mazor mente alle leze li vasi d'arzento e d'oro e lo ornamento dela molgier e molti altri ornamenti alienare, cha lo senado o ver le provincie gravare; ma abiando ello abiu vitoria, no sola mente quelle el recovra, ma eciamdio a tute le provincie li trabuti elo relaxa.
Inl'anno del segnor CLXXXVII Comodo driedo anthonio impera anni XIII con luzo anthonio. Theodosio interpredo terzo fo abiu, e yrengo veschovo de lyon in dotrina fo reputado meravelgioso. Questo comodo de anthonio fyo niente ave de proprietate del pare, senno che contra li germani beada mente el combate; el se sforza de redur al so nome el mese de settembre, azo che'l fosse dito Comodo. El mori de morte subitanea con tanta disgracia deli homini, che inimigho dela humana , generacion ello era zudigado. Questo dito Comodo a tuti incomodo in la chasa vestale strangulado mori. Questo don fina tanto che'l regnasse, el manda philippo nobile roman in Egyto, azo che'l fosse prefeto de Alexandria; del qual soa fya Eugenia, con II soi eunuchi, protho e iacinto, segreta mente partandose del pare zentil, in abito de homo, Eugenio chiamandose, se fe bathezare; e siando fati monesi in un monestiero, conzo fosse che, morto siando l'abade, Eugenio fosse fato prelato, per una femina, la qual era inamorada in ello, imperzo ch'lo noli avea consentido, si chomo oppressor e rio homo fo desfamado chon tuti li monesi. E questo don fina a tanto che, siando preso, el vegnisse a tormentare dinanzi del prefecto, siandogli squarzade le veste, la si mostra esser soa fya Eugenia, e li eunuchi protho e iacinto esser. Grande allegreza fo fata; el pare chon tuti fo batezado, e Melancia, la quale era desfamadrixe, da fuogo de cielo fo arsa.
Inl'anno del segnor CC Elyo pertinaxe e Severo impara anni XVIII. Questo elyo siando pregado del senado, che la moieraugusta e'l fyo lo feze cesaro, e ello non volgiando fare, disse che'l bastava che'l dovesse regnare; ale perfine per tradimento dali cavalieri pretoriani fo talgiado a peze. Symaco IV interpredo fo abu, Narcisio veschovo de yerusalem de vertude ploxor fo celebrado. Ternulliano affer inla chiesia fo trovado meravelgioso, origene in alexandria in studii fo amaystrado. Questo elyo pertinaxe, homo de gran tempo et in tute chosse drito, uncha mai no tolse doni, e uncha mai non fo seduto a vendegarse; el qual fo morto el sexto mese, inlo qual ello comenza a regnare.
In l'anno del segnor CCXVIII Severo de generacion de affrica impara anni XVII. Questo homo fo de batalgia, de griege e latine lettere el fo molto amaistrado, a demandare diligente, a dar liberal. Severo eciamdio la quinta persecucion adovra in li cristiani, in la qual molti santi per diverse provincie fo passionadi, intro li quali fo a'leoricio pare de origene talgiado el cavo, lassando origene anchora de tenera etade chon setti fradelli ella mare de quelli vedova; ma el predito origenes abiando XVII anni, si amaistrado era in gramatica, che amaistrando in quella,la mare e li fradelli lu sustentava. In quella fiada fo passionado yrengho chon gran multitudene de puovolo, e severo mori in Britania, la qual mo ven dita anglia de Eborazo. Questo severo, de natura servo, molte batalgie beata mente el fe; el venzi quelli de parcia e de arabia, e molte chosse a lo romano imperio in tuto'l mondo el recovra; el qual etiandio trata fuora la gloria dela batalgia, alli civili studii e in sciencia de philosophia el fo chiaro. La dredana batalgia in Britagna lo ave, e azo che le provencie aquistade con ogni segurtade lo guarnisse, spacio de CXXXII melgiara del mare in fina a lo mare el redusse. Questo in prima fo avocato; alle perfine per diversi officii montando pervenne allo imperio. Questo e'l primo e l'ultimo imperador che fo de affrica.
In l'anno del segnor CCXXXV Anthonio carathalla impara anni VII, e severin fyo so. Questo fo fyo de Severo imperador e fo pessimo. In Jericho la quinta adicion de scriture e trovada, el fator dela qual non appare. Questo fo deli costumi del pare piu aspero, de luxuria impacientissimo, in tanto che soa maregna iulia ello tolse per moier. Questo conzo fosse ch'elo aprestasse batalgia a quelli de parcia, el mori apresso Edissa citade in l'anno del so imperio VII.
In l'anno del segnor CCXLII Martin impara anno uno. Questo con so fyo per invidia fo talgiado.
Inl'anno del segnor CCXLIII Anthonio impara anni tre. La sesta edicion e trovada a Nicopoli. Sabelio nassi.Questo anthonio luxuriosa mente vive, in tanto che nessuna generacion de luxuria fosse che elo non adovrasse, e fo morto del rumor dali cavalieri de roma chon soa mare.
Inl'anno del segnor CCXLVI Alexandro impera anni XIII. Questo de l'oste cesaro e del senado dito augusto, Persia el venzi per batalgia. Questo resse la disciplina deli cavalieri crudelissima mente; per assessor l'ave ulpian conditor de raxon, e a roma el fo favorevole, e mori in franza; per remor deli cavalieri fo degolado in magoncia. In quel tempo Origenes driedo li apostoli sovra tuti in la chiesia de dio in sciencia, in eloquentia e in vita flori, e in quella fiada comenza de diversi libri componere, abiando VII donzelle e VII zovene, excepto li altri scritori, che de la bocha soa scriveva le matierie de diversi libri; e tante chosse scrissi, che'l beato Jeronimo confessa se aver letto VII milia volumine de libri, excepto le epistole, le qual a diversi el scrisse. De quello era proverbio, che thal chomo era la soa vita, cothal era la soa dotrina, che sovra leto mai non zasse, chalzari uncha mai non porta, carne uncha mai non manza, vino uncha mai el non bevi, segondo che se leze inla ecclisiastica ystoria; e conzo sia chossa che de santissima vita el sia stado e de dottrina meravelgiosa li gran dotori si lo scusa deli errori, li quali ven imponudi a ello, si chomo Eusebio de Cesaria e ruffino preve; del qual scrivando Jeronimo, e molti altri, e dise che driedo la morte soa li heretisi ad oscurar el claro nome so ali libri soi si oppone chose de rixia. Mammea mare del imperador cristiana auditrixe fo de origene e deli altri cristiani amaistrarixe, e per questo da so fyo la fo morta. Santo ypolito veschovo de porto a quel tempo fe bone chosse molte e chiare.
Inl'anno del segnor CCLXIX Maximian impera anni III. Questo primo del corpo di chavalieri senza decreto del senado fo fato imperador, e persegui li cristiani; el venzi li zermani e li parti;alle per fine, siando abandonado dali chavalieri soi, da pipin de acquilia chon so fyo, lo qual era anchora puto, fo morto.
Inl'anno del segnor CCLXII Gordian impera anni VI: fabian fo revelado per testimonianza de spirito santo in specie de columba sovra el cavo de quello, digando: tu sera ordenado veschovo de roma. Questo Gordian daspo che de persia lu ave vitoria, vegnando a roma, apresso la citade per inganno de philippo el fo morto. In questi tempi flori affrican, intra li scritori dela chiesia molto nomenado.
Inl'anno del segnor CCLXVIII Philippo con so philippo impera anni VII. Questo fo el primo imperador cristian, del qual etiamdio el primo anno, mille anni da poi che roma fo fato, ven dito che fosse complidi; per la qual chossa li romani fe meravelgiosa solennita; li deniava per spacio de III note in molta allegreza. Questo fo batizado del beado poncio martere in Nicena cita de provenza. Intrambi questi del osto fo morti, el pare a roma, el fyo a verona, el qual fyo in tanto fo de crudele animo, che per quello che savesse fare algun, el non se posseva meter a rider. Questi do imperadori li thesauri soi al beado systo lassa e alla chiesia; li quali decio plu zovene, el qual non era imperador, ma cesaro fo, dal beado lorenzo recheri, si chomo se leze in la legenda del beado lorenzo. Questo philippo piu vetchio in tanto era confirmado in la fe de cristo, che promta mente confessando li suoi peccadi, in la festa de pasqua denanzi da tuto el puovolo el comunegasse.
Inl'anno del segnor CCLXXV Decio impera anni II, mesi IV. Questo in tute chosse fo rio, ma ampo lu fo savio in arme; lu ave in odio li poveri, e ali cristiani lu de la septima persecucion. Questo de la pononia de soto nassudo, in batalgia fo morto dali barbari.
Inl'anno del segnor CCLXXIX Gallo chon volusiano impera anni II, mesi IV; per ingurdisia del ventre el mori. Cyprian veschovo in Carthagine flori.
Inl'anno del segnor CCLXXIX Valerian con so fyo Garieno impara anni XV. Questo, Gotta, grecia, Macedonia scombati e asya. Questo in Jerusalem e Mesopothamia fazando batalgia, da Sapor re de persia vento fo e in le servitude e reduto; e tanto quanto elvive, el re de quella medesma provincia, metando el pe su la testa de quello, lu era usado montar a chavallo. Questo in lo principio del so imperio persegui molto li cristiani, e molto sangue de santi fo sparto. In quella fiada fo passionado Cyprian, marzo luzo papa. Garieno in priemera mente la cossa publica rezando, poi retornando in lascivia e in vanitade, pezorando la chossa publica, per inganno de aurelio doxe so, morto fo da valerian, e Garieno un decio in Cesaro fo creado, ma ampo non fo lu imparador el dito decio menor; e da questo san syxto e san lorenzo fo marturizadi. El beado syxto in yspagna fe bone operacion, doe zovene, zoe lorenzo e vincenzo, componudi de belli costumi ello li guarda e chon si lo mena a roma, e lorenzo remagnando, vincenzo in yspagna retorna, e soto dyoclitian marturizado fo.
Inl'anno del segnor CCXCIV Claudio impera anno VII, mesi VIII. Questo li Gotthi, Illirico e macedonia guastando recovra, e abiando venti li alemani, de infirmitade el mori.
Inl'anno del segnor CCXCV Aurelio impera anni cinque. Questofazando persecucion ali cristiani, da folminerio da cielo el fo corretto, ma non mori. Questo de dacia rivese siando nassudo, possente in bathalgia, cinque fiade li Gotthi potentissima mente vense. Questo in prima apresso li romani la corona messe in cavo so, adornada con gemme. Questo chon muri piu forti roma cense, el templo del sole lu edifica, in lo qual infinito oro e gemme el messe, lo uso dela carne de porcho al puovolo restitui. Questo aurelio imperador vignando in franza, crudeli statuti ordena contra li cristiani, e vignando a senon, santa Colomba e tuti li cristiani alcise. Ad antysiodoro molti de martirio incorona; la cita de franza, la qual Genabo vegniva dita, per lo nome so aureliana la chiama. El fo morto per malicia da un so servo, e intro li divi fo portado.
Inl'anno del segnor CCC Athyco impera mesi VII. Questo savio e largo fo, e ampo niente pote mostrare, per che ello mori de subita morte.
Inl'anno del segnor CCC Pio impera anni VII, mesi III. Questo do re vense; Manicheo heretigo se leva. Questo de generacion de persia, aguzo de inzigno, de cuostumi barbaro, Manes in prima dito, ma per aietto, zoe per sovra nome, Manichio se disse. Questo affermava II principi, l'uno de ben e l'altro de mal, un de luxe e l'altro de tenebre, e molti lassa successori del so errore. Per certo pro imperador apresso Guitrio del remor dali chavalieri el fo morto.
Inl'anno del segnor CCCVII Florian impara anni II. Questo ven dito che morisse per talgiadura de vene. Questo niente fe che sia degno de memoria.
Inl'anno del segnor CCCIX Laro con suo filgioli Carino e munerian impera anni II. Questo, in tute chosse rio, de pizolo fulminerio el peri; eciamdio li fylgioli de quello intrambi fo morti.
Inl'anno del segnor CCCXI Dyoclician e Maximian impera anni XX. Questo dyoclician obscura mente nassu, con divini libri adusti, li cristiani in tuto'l mondo persegui X anni. Questo inprima mente le gemme ale veste e ale calciamente comanda che fosse messe, conzo fosse che tuti li principi da li in driedo usasse de sola purpura; alle perfin el mori per veneno. Questo, nassu de dalmacia, Maximian un ciesaro fe, mandandolo in franza contra el puovolo deli villani, li quali con grieve man al roman imperio seaveva opponu, li quali ello castiga e constrense; ma in quella via la legion de thebe, dela quale el beato mauricio era cavo, conzo fosse cossa che'l renunciasse de sacrificare alle ydole del prefato Maximian, in un luogo de franza per cristo volentiera mori. In questo mezo dyoclitian in oriente e Maximian in occidente fe guastare le chiesie e alcidere li cristiani, la qual persecucion quasi piu dura era de tuti li antecessori, che per X anni chon varii statuti li libri dela divina leze li fe ardere, e le chiesie in zaschadun luogo fe ruinare, e li prelati dele chiesie fe talgiare; non etade, non sexo, non condicion scampava, che'l non fosse tajadi quelli che non sacrificava.
In quel tempo siando incoronado de martirio Gayo papa, Marcellin fo eletto, in lo tempo del qual tanta forza de persecucion fo, che in XXX die XXXII milia intra homini e femene per diverse provincie fo coronadi de martirio, in tal muodo che quel Marcellin papa duto per paura sacrifica ali ydoli; ma poi retornando a penitencia e sentenza contra si dagando, per che lu era andado contra el papado, de dyoclician fo incoronado de martirio. Per quella medesma persecucion passionado fo in roma Anastaxia verzene, sebastian, Agnese, Agatha verzene, Gorgon, Quintino e grisogono. In quel tempo apresso egea fo passionadi Cosma e damian in un die nassudi, in carne e in spirito zemelli: apresso frigia una cita tuta de cristiani circundada, azo ch'eli no podesse fuzire, con tuti arsa fo. In Britagna e in Engelterra in quella fiada quasi tuta la cristianita fo destructa; in quella fiada eciamdio fo passionado el beado Grigolo martere.
Inl'anno del segnor CCCXXXI Valerio impera anni II con Constantin e lucin. Questo Constantin spagna suiuga a si, e la fya del re de Britania per nome elena tolse per concubina, dela qual el zenera Constantin grande; el qual ale per fin in Eboracia in Britagna mori, e Constantin fyo so, nassu de quella concubina, imperador lassa de franza; el qual fato imperador, alli citadini e alli soldadi del oste e altri el fo aceto e amado; e vignando a roma contra Maxenzo, el qual li romani avea fato imperador, el qual in tanto fo plen de vicii, che nessun vicio non era che ello non lo fazesse, inlo segno de la croxe, el qual g'e monstrado, el vense. Soto questoMaxcencio fo passionada la beata catherina.
Inl'anno del segnor CCCXXXIII Constantin impera anni XXX, mesi X, di XI. Questo, dito grando, fato cristian, de licencia ali cristiani libera mente de congregarse, e le chiesie a honor de yesu cristo el fe fare. In questi tempi la rexia arriana nasci e apparse, e lo concilio fo congregado a Nicena de Constantin a condannare la rexia, e fo de CCCXVIII veschovi; in lo qual concilio el beado Nicolo veschovo de Mirea fi letto esser stado. Scisma deli donatisti nassi da un donado affricano, el qual li gradi dela menoritade in le persone meteva. Questi, siando venti Maxenzo e lucino e severo imperador, da Silvestro papa per caxon da mundarlo dela levra ello fo batezado, onde tute le imperial dignita ello li de al papa, e ello passa a Constantinopoli. Algun a dito che Constantin in l'ultimo tempo dela vita soa fo rebatizado da Eusebio veschovo de Nicomedia, e per la dotrina soa Martiano se converti; ma questo da Constantin ven dito mendosa mente, imperzo che'l beado Grigolo in lo registro so, quando el parla a Mauritio, ello lu appella de bona memoria. In la ystoria tripartita la sua morte e li soi fati ven trovadi boni, e sovra lo salmo XIII el beado ambrosio disse quello esser de gran merito apresso de dio, imperzo che lo primo dali imperadori la via dela fe e dela devocion alli principi ello lassa, e ysidoro inle Cronice suoe reprovando queste chosse, al pestuto disse quello beada mente aver terminado; onde li Griexi anumera Constantino in lo cathalogo dali santi, e con solennita fa festa de quello a XXI di de mazo. Ma quelle chosse, le quale mendosa mente del predito Constantino e dito, de Constanzo so fyo tute verasie ven trovade;e noa v'e de vertu simele principe de tanta devocion, in tanto aver merchado, che cossi vil mente ello l'avisse dispreziado el baptesmo, el qual lu avea recevudo del beado silvestro, per lo qual si e corporal mente dela levra e spiritual mente del peccado ello avea cognoscudo esser mondado, e eciamdio lu avea testimoniado si aver vezudo cristo in lo batesmo; onde che per la gran religion, la qual ello avea a coltivar cristo, e per tropo gran reverencia, la qual lu avea ala chieresia, el ven creto questo dali aversarii dela fede esser dito fiticia mente, che in tanto lu ama de coltivar cristo, che in continente chomo el fo batizado, el comanda che chiesie dali cristiani in ogni luogo fosse redrizade; e in lo palazo laterano, a honor de cristo, la chiesia, che mo ven dita la chiesia del salvador, ello la fe fare, azo che per questo la universita deli homini savesse che nessuna dubitacion circha la fe de cristo e del error passado in lo cuor so non era romasa chossa alguna; la qual chiesia silvestro papa solenne mente la consegra, la qual consegracion in fina anchosi, chomo alla prima chiesia, non solamente a roma, ma etiamdio inle circumstante region, solenne mente ven celebrada el nono die de novembre. Inlo tempo de la qual consegraxon, la ymagine del salvador, non per ovra de homo ma per ovra divina, in quella fiada in prima a tut'el puovol de roma aparse impenta in un muro, la qual apar in fina anchoi; e conzo fosse chossa che quello medesmo papa abia ordenado in zaschadun luogho inle chiesie esser altare de piera, in la predita chiesia ello non adriza altare de pria, ma de legno; inanzi l'abito stabili e ordena, e lo altare, in lo qual el beato piero e li altri suo successori in fina ali tempi de silvestro ven dito aver celebrado; e in quella fiada regnando la persecucion, certo statio de veschovo non era in roma, ma dove melgio li posseva, o ver in criti, o ver in cimitierii soto terra, over in chasa de homini fideli o de femene, li celebrava messa sovra l'altar de legno, el qual era concavo o de archa, abiando IV circuli in li canton, per li quali IV prievedi al luogho che se celebrava si staxeva; e per reverencia de san piero e deli altri santi pontifici, el beado silvestro ordena che nessun celebrasse sovra questo, se'l non fosse veschovo, el qual infina anchoi ven observado; ma intro quella deponuda la mensa, solo el sommo pontifico celebra, la qual ven deponuda
Inl'anno del segnor CCCLXIV Constantin con constante e Constanzo fradelli resse lo impierio anni XXXIV.Questi fyoli del gran Constantin fo, e questi fradelli combatando , le forze de roma se consumava; poi solo Constantin triumphando, tene l'imperio e fo cristian, el qual li duxe del frar deConstanzo l'alcise, e ali perfine abiando tolto l'imperio, Constanzo fato fo arian. Li cristiani in tuto'l mondo lu perseguiva; per lo favor dal qual frieto Ario, don fina tanto che in Constantinopoli alla chiesia lu andasse, combatando dela fe contra li cristiani, e andando per la casa de Constanzo alo necessario, li lu perse la vita, mandando fuora l'enteriori. Donado, del'arte dela gramatica scritor e precetor de Jeronimo, sommo fo abiu; Antonio monego mori; le osse del beado andrea apostolo e del beado luca evangelista fo portadi a Constantinopoli. Questo bandeza li defensori dela fe, zoe Anastasio e alexandrin e eusebio de verceij, li quali poi fo revocadi con ylario e dyonisio da millan; e polin de trevere mori, siando in bando per paura de questo Constanzo. Zuliano apostata se fe monegho, azo che'l non fosse morto da quello: lu era stado nievo de Constantin grande, de so frar nassudo. Onde conzo fosse chossa che'l frar de zulian lu avesse za morto, themandose zulian che'l non fesse quella medesma chossa, imprima monego fato, dende luogo fuzando per diverse provencie, magi e astrologi domandava se'l podesse esser fato imperador: al qual conzo fosse che'l demonio fosse aparso, siando li presente uno mago, abiando el dito demonio recevuda la renovacion dela cristiana fe, ello li disse che'l deveva esser imperadore.
Inl'anno del segnor CCCXCVII Zulian impera anni II, mesi VIII. Questo zulian apostata fo. In lo tempo de questo el beato martin, abiando lassa la chavalaria, flori. Questo nievo de Constantin fo; el qual in tanto l'imperio desirava, che etiamdio la cristiana religion ello lassa. Questo siando amaistrado si deli libri seculari chomo deli divini, dela fede e dela monastica vita ello declina; el qual de Costanzo fato Ciesaro, siando mandado contra franceschi e contra allemani, ello li vense, e per queste chosse ello e insuperbido, contra constanzo augusto se redriza; e per la morte de Constanzo fato Augusto, el comenza de perseguir li cristiani imprima per honori plu che per tormenti, tragando quelli alle ydole. Alle perfin fazando varij statuti contra li cristiani, molti fo coronadi de martirio, intro li quali polo e zuanne de Constanza, fya del gran Constantin cubiculario. Anchora Cirilo dyachono e molti altri per terra e per mare fo morti. Elo etiandio de licencia a li zudei de edificare el templo in Jerusalem; li quali siando congregadi de tute parte, quello ch'eli aveva edificado con gran fadiga, per terremoti fo destruto infina inli fundamenti, e illi, lo luogo e lo lavoriero; e conzo fosse che lu avesse procedu de combater contra quelli de persia, passando per Cesaria de Capodocia, molti deshonori fe al beado Basilio veschovo de quella citade e ali cristiani; e manazandoli da far male per lo tempo che deveva vegnire, el beado Basilio orando e zezunando choli cristiani, vete la beada verzene comandando a mercurio chavalier, longo tempo inanzi in un monestiero sepelido, che si e'l fyo so de zulian el vendegasse; la qual chossa fata fo, e zulian blastemando mori e clama: tu a vento, o gallileo.
In l'anno del segnor CCCC Iobinian impera mese VII. Questo cristian fo, e con sopore re de persia el corpo de zulian sepeli.
Inl'anno del segnor CCCC Valentinian con so frar valente impera anni XI. Questo fo cristian nassudo de panonia cibalese. Questo, soto zulian augusto, con zo fosse che la fe de cristianitade intiegra ello portasse, e fosse tribuno deli schutarii, de commandamento del sacrilego imperador siando a ello comandado o vero lu sacrificasse ali ydole, o vero refutasse la chavalaria, e de spontanea volonta ello lassa la milicia; e pocho driedo siando morto zulian e Iobinian morto, el qual per lo nome de cristo aveva perduto el tribunado, soccedando al so persecudor, lu recevi l'imperio. Questo sujuga la zente terribile de quelli de saxognia ali romani in lidi de Ocean; e in l'anno ultimo del so imperio, conzo fosse chossa che quelli de saxognia se avesse sparti per le pannonie e quelle guastasse, don fina tanto che lu prestasse batalgia contra da quelli, apresso lo castello strigonese subita mente per fluxo de sangue el mori. El fo imperador egregio, dexevole in volto, de sotil inzigno, de parola eloquentissimo, quamvisdio che a parlare el fosse atemperado. Questo castiga so frar valente, el qual poi chol filgiol so valentinian impera anni IV, volgiando perseguir li cristiani, imperzo che'l fosse de la fe che se appella arriana, in lo tempo che'l vive. In lo tempo de questo valentinian, e per so confortamento, santo ambroso fo fato arziveschovo de milan.
Inl'anno del segnor CCCCXI Valente con gracian e valencian impara anni IV. Queste tre imperial dignita optima mente tegne a roma. Inlo tempo de questo, ambroso clarifica a milan in l'anno III del imperio de valente, el qual impera a Constantinopoli; IV generacion, zoe Gotti, ypogothi, Gipidi e vandali, una lengua abiando, per nome sola mente divisi, insiembre mente in compagnia el danubio passa. Questo valente siando arrian, molte persecucion alli cristiani fazando, dali Gothi in batalgia fo morto. Queste leze avea dado, che li monexi fosse homini d'arme, e non volgiandolo fare, ello si li fe alcidere choli bastoni.
Inl'anno del segnor CDXV Gracian con so frar valentinian impera anni VI. Per quel medesmo tempo le chiesie deli cristiani, le quale era destrute, de comandamento de theodosio fo refate. Questo gracian, con zo fosse chossa che'l vedesse inextimabile multitudine de inimisi contra si vegnando, apresso de arzentina cita de franza, frieto per la potencia de cristo vense, e piu de trenta milia franceschi ello alcise. Questo a quelli dela cultura dela verasia fede; e conzo fosse che infine ali tempi de quello la rexia de Arrianin ytalia regnasse, alla verasia fe la fe retornare; e fo Graciarn de lettere instruto, atemperado de cibo, de sonno e de luxuria venzidor, e de tuti bene pieno e mori.
Inl'anno del segnor CDXXI Theodosio primo con valentinian impera anni XI. Inlo tempo de questo, gran scisma fo intro li pagani e zudei. Questo destrusse li templi deli ydole. Soto questo translata Ieronimo el novo e'l vetchio testamento;Ambroso driedo ylario compuose li ynni, Augustin a roma clarifica, de senador fato monego. Augustin, conzo fosse che'l fosse manicheo, el se converti a la fe. Questo, cristianissimo imperador fo; li suoi inimisi non solamente con ferro, ma etiandio confiandose del zezunio e dele oracion, ello li vense. Questo per la perfection dele vertu etiamdio dali barbari molti vegniva amado; onde molta zente a so induto, lassando li errori dele ydole, a cristo se converti. Questo possedando pacificamente inle parte de oriente e de occidente, apresso milan el mori, el corpo del qual in quel medesmo anno portado fo a Constantinopoli; e fo Theodosio dela cossa publica amplificador, de costumi e del corpo a traian simile, pietoso, comun, pensando sola mente col habito si esser differente e diviso da tuti li altri, in tute chosse honorifico, largo spendedor de cose in ben.
Inl'anno del segnor CDXXXII Archadio e honorio impera anni tredexi. In questi tempi donado veschovo de pyro fo abu meravelgioso de vertude, el qual alcise un gran draghon, spuando inla bocha de quello, el qual a pena che VIII para de buo el pote trar allo luogho la che'l fo arso, azo che se'l fosse vegnu fredo, che lu non avesse corrotho l'aere. Per quel medesmo tempo li corpi deli santi abakuk e michea propheti fon produti, e augustin fo chiaro in scientia e dotrina. Inlo tempo de questo, priscilian e pellagio heretisi fo. Questo archadio fo fyo de theodosio, homo de gran vertude e de prudencia. In lo tempo de questo, Alberigo re deli Gothi vignando in affrica, intra in ytalia, prese roma, e a fuogo e ferro la guasta, dagando in prima quelli securi, li quali era in li luoghi santi, e specialmente in le chiesie deli apostoli piero e polo fosse recevudi; e de la per pulgia e Calavria in affrica andando, Alberigo apresso basentin de subita morte mori; e li Gothi partando el flume Basentin, Alberigo, in mezo del flumecon molte richeze sepeli, el flume retornando al so proprio discurrimento e andamento; e'l re acolfo parente de alberigo constituando re, li retorna a roma, e si alguna chossa de residuo li fo, a muodo de locuste lo consuma. In quel tempo clarissimi luoghi de roma per fulminerii fo roti et deruinadi, li quali no pote esser arsi del inimisi; e chossi in tuta roma queste biasteme de quelli che chiamava, imperzo si per Cristo sostegnir diseva, per che'l fo despresiado li sacrificii dali dii; ma li Gothi partandose de roma, Galla fya de Theodosio principo, soror de archadio e de honorio, con si la tolse, la qual oculfo la tolse per moier, la qual poi ala chossa publica molto fo utele.
Inl'anno del segnor CDXLV Honorio con theodosio menor, fyo del frar, impera anni XV. In li tempi de questo, li Gotthi prese roma, li vandali spagna e franza occupa e guasta, e rodagines re deli Gotthi dal oste deli romani fo morto. In questo tempo Pellagio predicava li amaistramenti del suo error, alla dannacion del qual el concilio apresso Cartagine de CCCXIII veschovi fo congregadi. In questo tempo Cirilo veschovo de alexandria fo reputado meravelgioso. Questo honorio fyo de theodosio e frar de archadio fo; in lo tempo del qual uno Erodian con tre milia e cinquecento nave de affrica andando a roma, la zente de Constanzo, el qual honorio aveva capitanio dele soe batalgie, si lo sconfisse in tal muodo, che solo intrando in nave retorna a Cartagene e li fo morto. In questi di, al commandamento de honorio, e Constanzo favorizando, confondudi li eretixi apresso affrica, le paxe alle chiesie fo renduda. In quella fya apresso ypon floriva el beado augustin veschovo. In questi tempi apresso bethleem de palestina, el beado Ieronimo, in l'anno XCI dela soa etade passa a cristo. Per certo honorio, de costume e dela religion al pare so theodosio simile, la chossa publica lassando pagada, a roma mori, e apresso la chiesia del beado piero apostolo in manseleo fo sepelido, non lassando alchun herede; e doe fye de Stelicono, Maria e hermancia, l'una driedo l'altra al so matrimonio compagnada, l'una el l'altra vignando la morte subita mente per lo zudisio de dio, de questa vita verzene mori; in lo tempo del qual quamvisdio che molte batalgie se comenzasse, ampo fo'le apaxade o ver studade con nessun o ver com puocho sangue. Questa clemencia de honorio, zoe pietade, per la qual fazando lu andava in anti a tuti; e quando algun a ello avesse dito, per che ello non alcideva li soi inimisi o ver li rebelli, el respondeva: volesse dio che'l me fosse possibile li morti a vita far retornare.
Inl'anno del segnor CDLX Theodosio segondo menor con valentinan so zenero impera anni XXVII. Questo abiando tolto l'imperio, incontinente ello feze Cesaro valentinian fyo de una soa amia. La zente deli vandali, de quelli de spagna, in affrica passa, e si la guasta, e in ogni luogo la fe catholica subvertiva de gran impietade. Per quel medesmo tempo Nestorio veschovo de Constantinopoli se sforzava in lo error dela soa malvasitade, contra la qual siando congregado el capitolo ad epheso, el fo condanna la soa malvasia dotrina. In questo tempo el dyavolo, in certa specie de moyses demonstrandose, don fina a tanto che'l prometesse da redur li zudei in terra de promission per lo mare con seco pe, ploxor de quelli ello li anega e alcise; ma quelli che scampa, ala gracia de Cristo se converti. In lo tempo de questo, el die de san pierode vincula da soa molgier fo ordenado che'l fosse vardado. Questo theodosio fyo de archadio recevi lo imperio de oriente; el qual, morto honorio, el manda valentinian, fyo dela soa amigha, azo ch'elo recevesse lo imperio de occidente. In questi tempi, Genserigo re dali vandali, de spagna in affrica vignando, quasi tuta a ferro e fiamma e robandola crudelissima mente la guasta. Soto questa tribulacion, el beado Augustin in li LXXVI anni dela etade soa e XXIX complidi in lo veschovado, mori in cristo, e theodosio a presso Constintinopoli agrevado de infirmita mori e li fo sepelido. In quel tempo, lo re deli hynni, atilla, don fina tanto che con so frar bella el regno de panonia e dacia lo governasse, uno so chosin e consorte del so regno ello l'alcise per batalgia: e fornido del alturio dele fortissime zente, le quale ello ave suiugade al so dominio, ello intendeva a destrur el roman imperio, e fo con li romani, Bergognon, franscischi, quelli de saxogna e puocho men tut'el puovolo de occidente, e assemblasse in alvernia ; e in prima el scomfisse el re de Bergogna, lo qual venne in contra, e alle perfin in tanto fo forte mente combatuin bathalgia, che a pena se trova uncha mai in alghuna ystoria, che talgiadi e morti fo de l'una e de l'altra parte CLXXX milia homini;e tanto sangue fo sparto, che uno pizulo riazulo, che li discorreva, de sangue e fato flume, e passa li corpi morti deli homini; e atilla, si chomo homo vento, retorna a panonia; e fazando poi mazor oste, chon furor intra in ytalia, e in prima pyando agolia, lu occupa tute le cita; e alle perfine de lio papa santissimo ensando de ytalia, in panonia mori; e in la note dela morte de quello, Martian imperador, el qual in quella fiada a Constantinopoli demorava, vete in sonno l'archo de Atilla roto, per questo intendando ello esser morto; e valentin zener de theodosio, per quel theodosio siando mandado ciesaro ale parte de occidente, de consentimento de tuta ytalia imperador fo fato, e per decreto de Theodosio augusto fo appellado. VII dormiente fradelli, sotto decio tormentadi, don fina a tanto ch'eli declinasse la crudelitade deli tormentadori, in una speloncha se messe, e li driedo la oracion dormisse, decio sera la spelunca; e in lo tempo de theodosio da dio desmesceadi del somno, in lo qual CCanni li avea dormido, elli leva su e confessa la fe dela resurreccion dinanzi da theodosio imperador. Alguni eretisi in quella fiada levadi la negava, anchora presente lo imperador, e molti fideli de cristo li dormi in cristo.
Inl'anno del segnor CDLXXXVII Martian e Valentin impera anni VII, per lo comenzamento del qual imperio el concilio de Calcidonia fo fato, oe Eutiches con dyostero fo condannado. In l'anno etiamdio VI del imperio de questo, Theodorigo re deli Gotti con grande oste assalgi yspagna. Santa Genovefa clarificha a parixe. Soto questo fo marturizado le XI milia verzene apresso Cologna. Questa marcian imperador apresso Constantinopoli, fata conspiracion contra da ello per li suoi, elo fo morto. In quella fiada etiamdio la cita Agripina e tute le altre citade sovra lo reno, e a parixe, reme, Beluacese, Embiam, e'l tygro, e quasi tute le cita de franza, de questi vandali prese e destrute fo.
Inl'anno del segnor CDXCIV Lyo primo impera anni XVII. Allexandro et egypto per lo error de dyoschoro heretigo deventando languido, implida in lo mondola canina rabia, de spirito comenza abalgiare. Per quel medesmo tempo la parse la resia deli acefali, impugnando el concilio de Calcedonia. In lo tempo de questo, helyseo propheta fo translata in alexandria, e'l corpo de san marcho a venexia. Inlo tempo de questo lyo, Augustulo apresso ytalia el regno del imperio assalgi, ma edonater, de generacion de tutene, con li puteni vignando in ytalia, siando preso cicerano et destruta a ferro et fuogo, horeste preso in plaxenza fo degolado, e augustulo, el qual aveva impensado de occupare l'imperio, e XV mese ampo la chossa publica avesse governado, vezando che Edonater [che] tuta ytalia avesse occupada, spaventando da gran paura, per spontana volunta zetando via,la purpura, la maiesta imperiale depuose; e chosi edonater intrando in la cita de roma, ello ave tuto lo regno de ytalia, la qual chossa che conzo fosse per anni XIV ello l'avesse governada, nessuno imbrigandolo, theodorico re deli gothi vignando deli parte de oriente, lu intra per possidere ytalia. Per quel medesmo tempo san Mamerto veschovo de vienna clarifica, lo qual tre die dele rogation inanzi l'assension del segnor ordena da esser zezuna. Flori etiamdio in questi tempi prospero de nacion aquitanico, del beato lyo papa notario; el qual, apresso lo regno de ytalia fato veschovo, per dotrina mirabile clarificha, e li honorevol mente reposa. In questo tempo Aymondo re deli lombardi, conzo fosse che anchora el fosse in panonia, per accidente trova VII puti apresso una piscina, li quali [da] una meretrice in uno parto avea parturido, e perche li morisse, ella li avea cecadi; e conzo fosse chosa che'l volesse savere che chossa el fosse, stagando sul cavallo, chola lanza che lu portava in man ello revolse, e un deli puti l'asta del re tegni chola man; la qual chossa vezando lo re, el se meravelgia, e pronuntiando questo esser gran judicio che deveva vegnir, chon diligencia li fe nudrigare; el qual poi per meravelgiosa prodeza in re eletto, chon molta felicitade el governa li lombardi.
Inl'anno del segnor DXI Zeno impera anni XVII. Questo fe ploxor leze, circhando de alcidere lyo fyo de Augusto, e per quello la mare de ello presenta altra figura simele, e quello lyo cherigo occulta mente fe, el qual in lo chierigado infine ali tempi de Iustinvive. Per quel medesmo tempo el corpo del beado Barnaba apostolo, e'l evangelio de Mathio, per lo stilo de quello scrito, quello medesmo revelando fo trovado. Questo zeno choli Gotti fe patto de paxe. Theodorigho siando puto, da so pare, principo deli Gotti, a zen imperador fo dado per ostagio; el qual theodorico, conzo fosse ch'ello avesse XIII anni, lo imperador zen, guardando la utilitade dela chossa publica, manda quelli choli gotti e chola zente soa in ytalia, la qual Edonater tegniva occupada; e conzo fosse che theodoricho per volgaria e panonia in ytalia fosse pervegnu, e poi driedo gran fadighe non lonzi da acquilea in li ubertosi pascoli si e li suoi elo se recreasse, Edonater con tute le sforze de ytalia li luogo assalgiando, quello scomfito fo da Theodorico; si che Edonater chon pochi romani fuzando, conzo fosse che del puovolo el non fosse lassa intrar in roma, e a ravenna se luogha; la qual theodoricho driedo lo assiedio de tri anni la destrusse, e a roma vignando chon allegreze fo recevudo. Poi theodoricho ogna chossa quieta mente tegnando, la fya del re de franza si mena per molgier. In questi tempi henrigo re de affrica, dela rexia arriana maculado, plu che trecento chiesie de veschovi sera, e li veschovi in bando a Serdegna manda. In quel medesmo tempo la zente dali sarraxini driedo molte e dure batalgie tuta la ysula de Bretagna, la qual mo ven dita Engilterra, possede. In quel tempo san zerman de Antisiora e'l lupo trecese a descazare la rexia pellagiana in bertagna per lo papa fo mandado. In quel medesmo tempo fulgencio clarifica in fede e in sciencia.
Inl'anno del segnor DXXVIII Anastasio impera anni XXVI. In lo tempo de questo, Trantamondo re deli vandali in affrica le catholice chiesie sera, CCXX veschovi in bando li manda in sardegna. Per quel medesmo tempo, apresso Cartagine Olympio I veschovo arrian la santa trinita biastemando in li bagni, mandando l'angelo tre faxelle de fuogo, visibil mente fo arso; e barabas veschovo, el qual era de la fe arriana, don fina tanto che contra la regula dela fe batizando uno l'avesse dito: Bateza te barrabas per lo fyo in nome del pare e per lo spiritu santo, incontenente l'aqua, la qual era prestada a batizar, in nessun muodo non aparse; laqual chossa guardando quello che se doveva batizar, ello se parti, e seghondo la usanza dela fe ello recevi el batesmo. A questo hormisda papa, el qual aveva succedudo a Symacho, zoe che lu era stado papa driedo ello, solenne legati mandando in Constantinopoli, si lo amoni che de'la resia arriana el se despartisse, el qual non solamente li legati volse aldire, ma etiamdio ello non li volse videre; e subitamente, per zudisio divino, dela sagita de celo el mori; e regna chossi desventurosa mente, si con cercondado de campagnie de diversi inimisi, zemendo spesse fiade e plazando; nessuna vendeta lu merita de aldire dali soi inimisi, imperzo che ello non serva la raxon dele chiesie, ma favorizando li heretixi, ello persegui li catholici.
Inl'anno del segnor DLIV Iustin impera anni IX. Questo per ardor dela fe combateva, azo che lu podesse dissipare li heretixi; la qual chossa aldando Theodorigo, re arrian de ytalia, el manda li suoi messi a Constantinopoli a Iustin imperador, commando che si ello non restituisse le chiesie alli heretixi, ello guasterave tuta ytalia; poi Transmondoillirico receve lo regno dali vandali, el qual siando astreto, per sagramento de Theodorigo, a zo che'l [elo] non conseiasse li catholici in lo so regno, in anzi che lu recevesse lo regno, li veschovi ello li revoca de bando e revoca le chiesie. Questo Iustin, imperador cristianissimo, ordena che in zaschadun luogo [che] le chiesie deli heretisi fosse per la catholica religion, e che fosse consegrade; e conzo fosse chossa che lo re theodorigo gottho, insozado dela resia arriana, questo avesse aldu, zuan papa e li altri homini conselgieri in Constantinopoli a Iustin mandado, ello manaza, che si ello non restituiva le chiesie alli arriani, ello alciderave tuti li cristiani per ytalia con gladio; li quali honorevol mente recevudi da Iustino, a li priegi del papa e deli messi, abiando compassion dela morte de cristiani, le chiesie deli arriani ello induxia e sovra sede; e don fina tanto che questi messi demorasse inla via, Theodorico, stimulado de rabia e dela iniquitade, ello alcise a gladio Boetio senador, el qual ello aveva mandado in prima in bando, elli altri homini catholici. Zuan papa con quelli, cholli quali lu era, abiando fato ben, da poi ch'eli torna a ravenna, da quello in prexon lu li fe morir; ma driedo questa crudelitade la divina justisia e seguida, che XC di driedo questa malicia de subita morte ello fa morto, l'anima del qual un homo santo remitta vete per zuan papa esser zetada in la bocha del volchan. A guesto Iustino cristianissimo, manda hormisda, venerabile papa, in Constantinopoli German veschovo de Capoa, chon molte altre persone, per la revocacion dali veschovi, li quali Anastasio perfido aveva descazadi; li quali messi chon gran allegreza el clementissimo imperador receve.
In quel medesmo tempo la beada Brigida verzene mori in Scotia. Circa questo tempo, hyberigo re de franza, dali suo descazado del regno per caxon dela vana e luxuriosa vita, VIII anni romase apresso Basin re deli toringi; el qual siando revocado in la soa segnoria, Basina mojer del re Basin deli toringi abiando abandonada so marido, ella venne via chon olderigo; el qual tolgiandola per molgier, el zenera de quella Clodoveo, el qual poi, batezado per santo remigio, cristianissimo fato fo, e inlo numero deli santi foaggregado. In questo tempo ogni belleza dela cita de anthiochia per terramoto fo zetada in terra.
Inl'anno del segnor DLXIII Iustinian primo impera anni XXXVIII. Questo imperador Agapito papa homo de dio revoca del error de Artemio. Questo ordena leze e compli libri, zoe el codego e'l digesto. Belisario patricio meravelgiosa mente triumpha de persia, el qual de Iustinian mandado fo de zudea a affrica, e destrusse lo re deli vandali. In questo tempo roma fo assediada dali Gotthi in circuito de un anno, ma liberado fo da belisario patricio. Arador subdyachono dela chiesia de roma, poeta meravelioso, el qual compuose li acti deli apostoli per versi, clarifica; priscian gramadego flori. Questo Iustinian abrevia le leze deli romani. In lo tempo de questo fata fo mortalitade apresso Constantinopoli, per la qual caxon instituida fo la solennita dela purificacion dela beada verzene maria, la qual ven dita ypapanti domini, ypantese in lengua griega; in la latina lengua ven dita incontrare. In li tempi de questo,apresso monte cassin poi solitaria e streta vita in un convento de monesi san benedito staseva. In li tempi de questo la chossa publica molto fo prospera, si in oriente, chomo in occidente; e quamvisdio che'l fosse circha li libri e le leze intento, ampoi per patricio, Belisario per nome, el qual ello constitui alle bathalgie, prospera mente in zascadun luogo el fe li fati; e daspo che lu ave vento persia con incredibili vitoria, el passa in affrica contra li vandali, e abiandoli venti, elo li sotopuose al romano imperio, e passa in ytalia contra li gotthi, li quali quella e eciamdio roma aveva occupado; e passando per sicilia vene a napoli; ma imperzo che li citadini per caxon deli gotti, li quali era dentro, ello non volse quello recevere, e puochi di combatando, quella si la prese, el qual non sola mente smaniado in li gothi, ma eciamdio in li citadini, crudel mente a nessun etade o sexo perdonar non volse: ello destrusse li beni deli monestieri e deli chierisi e dele altre chiesie; alle per fine conzo fosse che alla cita de roma approssimasse, li goti, li quali era dentro, in lo tempo dela note siando diverse porte de roma averte, in ver ravena li fuzi, e li luogho siando congregadi in batalgia de campo, tuti fo venti; e belisario patricio abiando abiu vitoria, ello retorna a Iustinian a Constantinopoli, condugando con si preso lo re deli Gotti.
In questi tempi tanta fame fata fo per tuta ytalia, che le mare le carne deli suoi puti manzava. In quel tempo flori Cassiodoro a ravenna senador, poi monegho fato, ornado in sciencia e in loquela. Eciamdio in questo tempo, santo herculan veschovo de perosa mori, siando fato a ello talgiar la testa da lo re deli Gotti. Questo Iustinian daspo ch'el fe construr el meravelgioso templo in Constantinopoli a honor de santa sophia, zoe de cristo, li luogho in molta paxe morando fo sepelido. In lo tempo de questo, li zudei cho li sarraxini, adunadi insiembre, alcise tuti li cristiani de Cesaria palestina; la qual cossa aldando l'imperador, manda uno, e gran vendeta de questa chossa feze. In questi tempi fo construto el monestiero de san Mauricio e dali suoi compagni, da Sigismondo re de bergogna, per la morte de soa fyo, el qual de conselgio de soa maregna aveva morto. In questo tempo Clodoveo, re de franza cristianissimo, scomfisse Illarico re deli Gotti, arrian, apresso Tolosa. In questo tempo eciamdio in pago de parixe santa Genovefa clarifica.
Inl'anno del segnor DCXIV Iustin segondo impera anni XI. Narses patricio, daspo ch'elo sotopuose el re deli Gotti in ytalia a Iustin augusto, inspaurido per le minace de Sophia augusta, molgier de Iustin, ello se muda alli lombardi e introdusse quelli in ytalia;e conzo fosse che la zente deli longobardi habitasse in panonia, Narses con arbuto, che fo re de quelli, e con Rotario soccessor so, fati fo si amisi, quasi com si fosse sta cosini zermani, e ordena conselgio, per lo qual li podesse tuor lo regno de ytalia a Augustin imperador e ali suoi successori; la qual cosa fato fo, e asoluto fo lo regno de ytalia dela servitudine de Constantinopoli; e da quel tempo li romani per patricii comenza a segnorizare, e fato fo del regno de ytalia habitacion deli longobardi, li quali habiando scombatu e vento Millan, ticino, Bressa e Bergamo, li comenza ad habitare; e driedo Rotario regna Gisulfo e Elbereto, al qual herbereto succede lo re lombrando, e a lombrando succede Grimualdo. El fyo de quel Grimualdo imperava a li sampniti. In quelli tempi quamvisdio che li longobardi fosse batezadi, niente de meno elli coltivava le ydole, si chomo li arbori, e eciamdio al muodo bestial lo ydolo dela vipera; del qual error el santo omo barbato per nome, veschovo de bonevento, quello retrasse, imperzo che l'arbor, el qual elli adorava, ello lu sfesse, e lo ydolo dela vipera de oro lu lo muda in un calixe. Poi succedi in lo regno deli longobardi Arstolfo re, contra lo qual vene lo re pippin de franza, chiamado per lo papa, si chomo fi monstrado dove che ven dito de pippino. In li tempi de questo Romualdo, el corpo del beado Bartholomeo, apostolo de India, in prima pervenne inla ysola deli lippari, poi in Bonivento translatado fo. In lo tempo de questo, li armenii receve la fe cristiana. In quel medesmo tempo, li longobardi li cavelli del cavo li tondeva, e questo dela cima del cavo infina al zuffo ragnuda nudava; li cavelli dela faza infina ala bocha li avea destexi; le vestimente de quelli era large e longe, e maxima mente quelli de lin, segondo che li frixoni soleva avere; le calze de quelli era pendente in fina alle cadechie, alli lazi dele correze, de qua e de la pendando ligade. E Iustin imperador, el qual fo homo catholico, in mazor paxe averave finidi li die suoi, se, conselgia de soa molgier, Narsenso patricio si ello non l'avesse turbado; da ogni parte batalgie a Iustino imperador li vegniva fate, daspo che narses era partido da Iustino; el qual molto vegniva temudo, imperzo che Narses era homo molto pietoso, in la religion catholico, in li puovri donador, studioso in reparar le chiesie deli santi; alle vigilie e alle oration tanto era intento, che piu avea vitoria per prieghi che'l faxeva a dio, che per batalgia de arme.
Inl'anno del segnor DCXXV Tyberio impera anni VII. In lo tempo de questo, i longobardi chon gran possanza prese ytalia, e quelli vense li Gotthi; li quali era pagani e heretixi, fati fo cristiani. Questo imperador eciamdio cristianissimo, ali povri era molto piatoso, li thesauri del pallazo alli puovri el daxea; e conzo fosse che'l vegnisse represo, che lu era dissipador deli ben del comun, lu respuose: E me confido in lo segnor, che al comun nostro non manchera peccunia; ma de quelle cosse che dio ne a dade, aquistemo thesauri in cielo. E conzo fosse chossa che'l passasse per un palazo imperiale, el vete in lo solaro covertura una tavola de marmore, in la qual era la croxe scolpia; e conzo fosse che la tavola lu avesse fata levare, digando indegna chossa esser che la croxe fosse calcada choli pei, la qual in li peti e in li fronti deli homini de esser, li aparse soto quella una altra croxe in quel muodo sculpida; e conzo fosse che lu avesse fato levare quel altra tavola, li aparse la terza tavola simele; e conzo fosse che l'imperador meravelgiandose quella avesse fata levare, ello atrova infinito thesauro.
In l'anno del segnor DCXXXII Mauritio impera anni XX. In quel medesmo tempo, san Grigolo meravelgioso homo fo reputado. Elypsades, zoe quella zente che chossi era chiamadi, combatando contra li romani, fo descazadi plu per oro che per ferro, e ali ben del comun asai utele; el qual vense persia e armenia per batalgie e per fuogo, e menahomini in captivita per lo so prefeto el primo anno del so imperio. In lo tempo de questo, san Grigolo Arzizagno in papa fo eletto; e lo so consentimento lu afferma alli imperiali lettere. In quel tempo, in Sephat, non lonzi de Ierusalem, la gonella del segnor lavorada sotil mente fo trovada, e del veschovo Grigolo de anthiochia, de Thomaxo veschovo da Ierusalem e da altri in una archa de marmore fo logada in yerusalem. In l'anno XIII de Mauricio, el beado Grigolo manda in Engelterra augustin monego per far convertir quelli de saxognia, li quali de novello era intradi in Britagna forte mente, e quelli de Britagna, deli quali anchora li guallengi era romasi, da luyterio papa don fina tanto ch'eli fosse fati cristiani; alle per fin mauricio imperador chol beado Grigolo discordava molto, in tanto che driedo molte tractacion, le qual el faxeva al papa, e eciamdio a ello manazasse dare morte, le aparse in quella fiada a roma un homo in habito de monegho, abiando in man una spada trata, a andando per la cita chiamando: In questo medesmo anno Mauricio morira chon gladio; la qual cossal'imperador vezando, dali suoi mali se penti, e per si e per altri lu ora a dio, azo che questa sentenza lu retraesse; e fato queste chosse, lu aldi in sonno una voxe digando: A pena o qua o in lo zudixio che de vegnir, a ti e perdona; e l'imperador respuose: Amador deli miseri, dio, qua a mi rendi mal, azo che in lo tempo, che die vegnir, tu mi perdoni. Poi siando Mauricio moriente, conzo fosse chossa che lu costrenzesse li suoi chavallieri, ch'eli non fesse rapine ne furti, ne a elli ampo elo daesse li soldi che lu era usado, li cavalieri provocadi li crea, e constitui sovra de si, focha contra mauritio ciesaro; la qual chossa abiando alduda Mauritio, a una ysula el fuzi, e li chola molgier e doi filgioli per focha el fo morto. Questo fo lo primo dela zente deli griesi, che soccedi al romano imperio.
Inlo tempo de questo, apresso damio una femina parturi un puto senza otchi, senza brazi, senza man; dal umbigol in anzi lu era si chom una coda de pesce; e in lo flume del Nilo, apresso l'ysola de lera, serene, con faza d'omo e de femena, dal oste de roma si fo vezude, da domane infina a mezo di. In questo tempo clarifica zuanne veschovode alexandria, el qual, per la grandissima pietade di povri de cristo, zuan elemosinario dito fo.
Inl'anno del segnor DCLII Focha impera anni VIII. Questo per tradimento dela cavallaria imperador fato fo. Mauricio augusto nobele e molti altri ne fo morti da ello. Grevissime batalgie in contra el re de persia el move; per li quali li romani forte mente scombatudi, ploxor provencie e instessa yerusalem li lassa. Questo concedi al beado bonifacio papa IV veschovi de roma e'l templo, el qual pantheon era chiamado, a zo che'l fosse consegrado a honor dela beada Maria verzene e de tuti li santi; e patricio, focha homicida non sustegnando, a Eraclio in affrica lo manda, azo che so fyo Eraclio contra focha el mandasse, la qual chossa fato fo, che Eraclio con navilio vegnando vense focha.
Inl'anno del segnor DCLX Eraclio con Constantin so fyo impera anni XXXI. In questi tempi, Sisebusto gloriosissimo principo deli Gotti ploxor cita deli romani tolse, le quale era a ello rebelli, e li zudei del regno, so soieti, ala fe de Cristo el'li converti. El terzo anno del imperio de questo Eraclio, Cosdroe re de persia molta parte deli ben del comun prese, e guasta yerusalem, e arse le venerabili luoghi; el qual imprexonando gran copie de puovoli, insembre mente chol patriarcha zacharia, el precioso lengno dela santa croxe in persia dusse; e in l'anno XII de Eraclio, Cosdroe re de persia fo morto per Eraclio, e in quella fiada el puovolo dela captivita fo liberadi, chola santa croxe fo revocado. In quel tempo Macometo propheta deli sarraxini se leva e fo grande; e azo che nessun percevesse, el diseva che parlava chol l'angelo quante fiade el zazesse, e del principado deli laroni el pervenne al regno; e eciamdio da un monegho, el qual avea nome sergio apostata, el vegniva informado per inganar el puovol cristiano. Questo eraclio abiando venta persia, con gloria retornando, ello redusse a Ierusalem Zacharia patriarcha e tuto'l puovol cristiano, che era stado in prexon cativado; e portando la santa croxe, la qual da Cosdroe lu avea recevuda, ornado dela regal corona, don fina tanto che'l volesse intra per la porta, per la qual essi cristo portando la croxe ala passion, la porta per divina vertu fo serada; e siando umiliado a intrare, la porta se avri, e chossi siando portada la croxe, lu institui che la festadela exaltacion de quella croxe fosse fata ogni anno.
In quel tempo flori ysidoro veschovo de yspalo, soccessor del beado leandro. Questo homo, molto amaistrado, [in] lo libro dele ytimologie ello compuose, la cronica etiamdio del tempo de Ieronimo in fine ala morte soa el scrisse. In questi tempi flori san gallo abbado in allemagnia, discipulo de san columbano. In l'anno del imperio de Eralio XV, li sarraxini, li quali da li in driedo soto lo regno de persia era stadi, Eraclio quelli abiando venti, al romano imperio li rende. In quel tempo Machometo principo dali sarraxini mori, poi Bobier principa. Eraclio, conzo fosse cossa che'l fosse astronomo el vete in le stelle lo regno so da la zente circumcisa dever esser vastado; per la qual chossa el comanda allo re de Franza ch'el coma (sic) che tuti li zudei in lo so regno fosse batezadi, la qual chossa fato fo. Vero e che poi dentro li romani el'li sarraxini nassi batalgia da non perdonare, in tanto che Eraclio temandose dela croxe del segnor, quella de yerusalem in Constantinopoli transporta; dela qual gran parte poi, in l'anno del segnor MCCXLVIII, a instancia del cristianissimo lovixe re de franza a parixe fo portado.
In quel tempo santa aurea clarifica, la qual santo Eligio la messe inlo monestiero, el qual a parixe ello avea construto apresso el palazo del re,
Inl'anno XVIII de Eraclio, li sarrasini, li quali avea revelado a ello, abiando destruto Ierusalem, elli prese anthiochia; e dendo luogho Eraclio fato ydropico, mori maculado dela rexia deli monacheliti, li quali niega in cristo esser stado doe voluntade; e da po che la croxe del segnor el porta in yerusalem, el stete in quelle porte, e chol patriarcha dali Iacobiti disputando, da quello el fo ingannado: e li Iacobiti e cristiani, li quali lo apostolo Iachomo converti alla fede, ma li sente mal dela fede, ch'eli afferma cristo nassu dela verzene e in celo esser ascendudo, ma in nessun muodo dio esser stado. Inlo tempo de Eraclio, lo regno de persia, el qual per la vertu soa lu avea schosso choli romani, in quella fiada dali sarraxini fo vento; e quelli de Arabia, siando descazado lo so re Ormisda, in fin in lo presente tempo a quello possedu. Syssebusto eciamdio, re deli Gotti in spagnia, molte citade lu occupa, le qual li roman tegniva; e da quel tempo in qua,in zaschadun luogho per lo mondo comenza a manchare irrecuperabile mente la segnoria dali romani.
Inl'anno del segnor DCXCI Constantin terzo in ytalia con yradon so frar impara anni XXVII. Questo fyo de Eraclio fo e in Sicilia fo morto. Soto questo, gran parte deli beni del comun fo desolada, imperzo che fo pessimo in tute le chosse, e fe alcire Martin papa. Anchora vignando Constantin a roma, ello depuose tuto quello, lo quale era ad ornamento dela cita de roma, e porta chon si in Sicilia. In l'anno de Constantin sexto, li sarrasini occupa affrica. Questo constantin vignando da polo de Constantinopoli, redusse typo contra la fe catholica, zoe ne una ne doe volunta over operacion in Cristo da esser confessar; e per questo Martin papa fazando concilio de CC veschovi, si anathema e scomunega li heretisi, zoe tyto, Sergio e polo del presente error intentor. Per questa caxon el papa Martin de comandamento de Constantin imperador fo preso, e alle per fin a tersona, doe san Clemento era sta mandado in bandizamento, el mori.
In quel tempo, santo ydocho, fyo del re de Bertagna, abiando abandonado el regno e'l mondo, fato fo heremita; in pago pontino reposa in lo segnor. Questo Constantin molti dela fede ortodoxa a bote e bandizamenti condanna, imperzo che alla soa rexia li non volesse obedire; per la qual cosa, don fina tanto che apresso Constantinopoli quasi a tuti el fosse in oio, et in italia navegha, voiandola tuor de man deli longobardi, e li reposare e demorare, e conzo fosse che'l fosse vegnu alle per fine de Bonivento, Grimaldo, de quella provencia dux, fortemente contrastando, l'oste de quello el sconfisse; e imperzo vezando che li el non fesse alghun ben, lo anda a roma, al qual venne incontra reverente mente el papa vitalian per VI melgiar lonzi de roma, e quello con moltitudine de puovolo el condusse alla beada chiesia de san piero; e conzo fosse chossa che'l fosse stado in roma per XII di, per gran cupidita duto, varii ornamenti da bronzo e de marmore, deli quali roma vegniva ornada, elo li fe portare al theuro, azo che ello li transportasse a Constantinopoli; intra le quale lu discovri le coverture de bronzo dela mare de dio, el martiro, lo qual de qua indriedo vegniva dito pantheon. Adoncha siando despartido de roma, conzo fosse chossa che'l navegasse in Sicilia, in un bagno fo morto da la soa zente; e driedo la soa morte, li cavalieri crea un imperador armeno, maxencio per nome; ma no molto driedo, Constantin fyo de Constantin vignando li chon navilio, ello receve la purpura imperial; e Maxenzo, con quel che avea morto el pare, de morte crudelissima li condanna. Inlo tempo de questo, humaco, principo dali sarrasini, in lo luogo doe imprima era stado el templo deli zudei, el qual vespaxian aveva destruto, el templo ch'e mo in Ierusalem lu construsse, in lo qual adora li sarrasini.
In questi tempi, lo exercito deli franceschi vignando de proenza, intrando in lombardia, al qual, conzo fosse che Grimaldo choli lombarbi fosse andadi in contra, [e] infenzandose che se metesse in fuga, laxando li pavalgioni vuodi de homini, ma pleno de beni e mazor mente de vin; e conzo fosse chossa che li franceschi, pensando che quelli fosse fuzidi per paura de lor, e fosse vegnudi alli pavioni, e fosse implidi de cibo e iniuriadi de vin, de note, don fina tanto ch'eli dormisse, Grimaldo chola soa zente andando sovra quelli, quasi tuti alcise.
In l'anno del segnor DCCXVIII Constantin quarto, fyo de Constantin, impera anni XVII. In lo tempo de questo, li sarrasini asalgi sicilia, e con molta gran preda se parti. Inlo tempo etiandio de questo, lo VI capitulo fo celebrado a Constantinopoli, contra Grigolo patriarcha, de CCVIII veschovi. Questo da fede fo catholico e atemperado, e usado de savio conseio, con quelli de arabia, li quali abitava in damasco, e con volgari , ello feze firmissima paxe, e reconza le chiesie, le qual per li heretixi era sta ruinade e rote dali tempi de Eraclio so besavo; e ande contra li monathiliti, li quali el par e l'avo l'avea defesi, impenzando destruxer le soe opinion; per lo qual, lo sexto capitolo universal el congrega a Constantinopoli, de CCLXXXIX veschovi; el qual capitolo declara do nature e do voluntade in un segnor yhesu cristo.
Inl'anno primo de questo, Grimaldo re deli longobardi e deli Beneventani, conzo fosse che lu, nove die driedo la salaxadura, abiando tolesto l'archo per voler ferire una colomba, la vena del brazo si li rompe, e sovra metando li medisi medigamenti venenadi, el mori. In lo tempo de questo, la cita Tyricia per pestilencia romase senza puovolo in tal muodo, che fuzando li homini per li colli di monti, intra la predita citade le erbe nascesse; e morto apresso Constantinopoli Ortodoxo augusto, so fyo Iustiniano succede a esso in lo imperio. In lo tempo etiamdio de questo Constantin, la molgier del re de persia, la qual avea nome Cesarea, de per lia, chom pochi fideli, secreta mente ela venne a Constantinopoli; doe conzo fosse che per lo imperador del santo fonte la fosse sta levada, e ale perfin trovada non volere tornare al so marido, se im prima ello non fosse fatto cristiano, elo, chon XL milia homini vignando a Constantinopoli pacifica mente, con tuti ello fo batezado. In quel tempo Buldegari, li quali abitava oltra li paludi de Meotida, doe che e la gran Bolgaria, le fine deli romani guastava; li quali, imperzo che Constantin imperador no li pote soperchiare, in confusion deli romani feze pasi con quelli, pagando a quelli trabuto ogni anno. Inl'anno del segnor DCCXXXV Iustinian seghondo impera anni X. Questo contradisse la paxe contra li sarraxini X anni per mare e per terra. Questo, savio, largo, bon, amplifica molto lo imperio roman, li fati del qual se leze in pantheon , e feze molte leze, e molto honora li ecclesiastici beneficii; ma, circha la fin so, el sexto capitolo, el qual so pare avea fato,el se sforza da rompere; e sergio papa in questo contrastando a ello, [e] la chiesia indarno elo se sforza de turbare; e in l'anno X so, lyo patricio priva Iustinian del regno e abiandolo privado quello del naso e dela lengua, elo lu manda in bando a tersona. In questo tempo flori el venerabile Beda prievede. Circha questo medesmo tempo san Colomban de ybernia venne in Bergogna.
Inl anno del segnor DCCXLV lyo segondo impera anni III. A questo lyo, tyberio talgia el naso, abiandol descaza del imperio, e mandalo a Tersona in bando e impera per quello. In quel medesmo tempo gran scisma fo, che siando fato el capitolo de Agolia, elo non volse recevere el quinto capitolo universal da Iustin primo e da vigilio papa celebrado a Constantinopoli, li qual Sergio papa redusse a concordia.
Inl'anno del segnor DCCXLV Tyberio terzo impera anni VII. Inlo tempo de questo, Gisolfo dux de Bonivento guasta ytalia. Inlo tempo de questo Tyberio, conzo fosse chossa che Iustinian fosse messo in bando a Tersona, digando al puovolo publica mente che anchora elo torave lo imperio, el puovolo per cielo de augusto intendesse quello alcidere, el fuzi al principo deli turchi, el qual de a ello per molgier una soa germana, e per alturio de quello e deli Bulgari elo recovra l'imperio, e a lyon e a tyberio occupador del imperio elo li fe talgiare la testa. In tanto ello adovra vendeta inli soi adversarii, che cotante fiade, quante ello forbiva una goza de reuma, descorrando del so naso talgiado, quasi tante fiade ello alcidisse algun deli suoi adversarii.
Inl'anno del segnor DCCLV Iustinian segondo impera anni VI. Questo e quel medesmo, el qual de sovra era sta privado del imperio. In chotal anno per questo dal tre cavo el veti recitado; e imperzo Iustinian seghondo, da po che luave recevu l'imperio, abiando abrazado la fede ortodoxa, elo invida Constantin papa a Constantinopoli; e quello vignando e retornando, lu onora dela gloria apostolica dignita. Per certo Iustinian ordena che'l fosse destruta Tersona, doe lu era stado in bando;e abiando congregade tute le nave che'l pote avere, per lo patricio so lu alcise tuti, exceto li fantolini; e conzo fosse che li fantolini el volesse alcidere, li homini dela proencia feze so capitaino un bandezado, el qual aveva nome philippo, el qual vignando a Constantinopoli, elo alcise Iustinian chol fyo.
Inl'anno del segnor DCCLXI Philippo segondo impera anno uno, mesi VI. Questo fuzi in Sicilia per caxon del oste deli romani. Questo conzo fosse che'l fosse heretico, el comanda che'l fosse tolta via tute le penture de le chiesie; per la qual chossa li romani non volse recevere la ymagene del nome so.
Inl'anno del segnor DCCLXII Anastaxio segondo impera anni III. Questo abiando preso philippo, elo li fe trar li otchi. Questo in tute chosse rio fo; l'oste de questo alesse Theodoxio per l'imperador, el qual abiando vento Anastaxio, ordena quello in prievede. Inl'anno del segnor DCCLXV Theodoxio III impera anno uno. Questo benigno fo; in humele cuor el tene l'imperio; el qual lyo potentissimo el depuose del imperio; el qual poi fato chierigo, el residio de la vita el dusse in paxe.
Inl'anno del segnor DCCLXVI Lyo III chon Constantin so fyo impera anni XXV. In lo tempo de questo, li sarraxini vene a Constantinopoli, e III anni assedia la cita, e dende luogo tolse molti beni. In l'anno IV de lyo, Luprando, re deli longobardi, aldando che li sarraxini, li quali avea disfato Sardegna de puovolo, guastava quelli luogi, in li quali le osse del beado Augustino era, le quale per la guastacion deli sarraxini da ypona infina li era portade, elo si manda legati, li quali abiando dado molto oro, quelle pretiose reliquie chon si porta infina a zenoa, doe lo re prefato personal mente vignando incontra, chon grande allegreza e devocion quelle reliquie portando a pavia, li in la chiesia del beato piero apostolo, la qual lu avea construta, honorevol mente le sepeli. In lo tempo de questo lyo, Raboto, dux deli frixon, dutto alla predicacion da ulfran arziveschovode zenoa, azo ch'el fosse batezado, conzo fosse chossa che lu avesse messo un pe in la fonte, l'altro ello retrasse, domandando doe plu fosse deli suoi mazore, in l'inferno o in paradiso; e oldando che in l'inferno en fosse plu, el pe, che lu avea dentro, ello lo retrasse eciamdio e disse: Li doe li piu lieve chosa che io segua li plu, cha li men; e chossi beffado del dyavolo, conzo fosse che molti beni elo l'imprometesse in ploxor anni, el terzo di subita mente el fo morto. Questo lyo imperador, seduto da uno che aveva abandonada la fe, contra le ymagine de dio e deli santi indusse batalgia, e commanda in zaschadun luogo esser deponude e arse. Per lo errore, Grigolo papa in li scriti molto quello represe, ma invano; e queli de Constantinopoli, perche l'avea deponudo le ymagine, contra quello fe remore algun: eciandio per queste chosse fo marturizadi, e morto questo lyo in questa malicia, succede so fyo Constantin.
In lo tempo de questo a Constantinopoli CCC milia homini per pestilencia peri. Circha quel medesmo tempo, un de syria falso veschovo aparse, e molti deli zudei sedusse. In quel tempo,la zente dali sarraxini per lo mare augusto passando,tuta spagna prese e occupa: e conzo fosse che, driedo X anni, li avesse volgiudo occupare Aquitania, Charlo martello con quelli fazando batalgia, piu de CCC milia de quelli elo alcise, perdando deli suoi solamente MD.
Inl'anno del segnor DCCXCI Constantin V, fyo de lyo, impera anni XXXV. Questo, successor dele impieta e malicie del pare, e persecutor dele leze dade dal pare in ogni tempo dela vita soa, ali malificii e operacion deli magi servando alle luxurie, e molti chierisi e monesi e layci per quello in la fede fo periguladi; e ello etiamdio aveva chi li consentiva in tute chosse, Anastaxio, de falso nome patriarcha de Constantinopoli. In l'anno ottavo de questo imperador, Rachis, re deli longobardi, don fina tanto che, siando roto el pato, ello se sforzasse per assalgire e imbrigar li romani, de Zacharia papa non solamente del male el fo fato cessar, ma etiamdio, per lo instinto de quel papa, chola molgier e li fylgioli vignando a roma, fo fato monegho; al qual arstolfo so frar succedi inlo regno. E in l'anno de quello XI, Arstolfo re deli longobardi rescosse trabuto deli romani, e'l papa stephano se sforza de domandarel'alturio de pipin. In l'anno de Constantin XII, siando vegnu pipin in lombardia, l'oste de arstolfo fo vento dali franceschi. Anchora Constantin, siando convocado el capitolo a Constantinopoli, comandando che'l fosse deponude le ymagine, grevissima mente scandaliza la chiesia de Dio; che tute le ymagine, si cristo chomo l'altri santi representando, el comanda che le fosse deponude. E insozado dele tentacion deli demonii e deli sacrificii sacrilegii, e eciamdio deli malicie deli monisi, chossi la chiesia de Dio persegui, che eciamdio la malicia e la crudelitade de dyoclician, de qua in driedo persecudor dela chiesia, el parea passare. Quel medesmo Constantin quinto, chon so fyo lyon e con pipin re da franza e patricio deli romani e con so filgioli e Carlo magno, impera anni XVI; e imperzo che chi a luogo caze la ystoria de pipin, e sia sapiu chi sia stado questo pipin, la generacion per ordene nu desgraeremo. Siando morto el primo pipin, principo dali franceschi, fato fo principo so fyo de una soa concubina, zoe soa femina, Carlo dito martello. Questo fo homo de molte gran bathalgie: ello suiuga quelli de saxogna per arme, el vense lamfredo dux deli allemani, e allemagnia lu feze a si respondere. Ello eciamdio vense li svevi e li Barbari e Eudon dux de Equitania, e chossi alle per fine Equitania e Bergogna suiuga e sotomesse a si; e conzo fosse chossa che a ello fosse contrastado per molte batalgie, ello spolgia e roba molte chiesie, dagando le deceme ali cavalieri. Per la qual chossa sant Anchiero veschovo de aurelia poi l'anema de quello vete in l'inferno.
In quel tempo ylderigo regna in franza tuto debile e remesso, e niente lu avea inlo regno, se no el nome. Karlo martello vitoriosissimo poi mori, e in santo dyonisio fo sepelido; ma driedo algun tempo, in la sepultura soa niente al pestuto del so corpo fo trovado, se no un gran serpente. De questo principado heredi fati fo Karlo magno, Pipino, el qual a Karlo magno si chomo a primogenito succedi, et vene in Turingia e austria, e a Pipin menore Bergogna e proenza; ma Karlo magno, in l'anno V del principado so, per caxon de devocion ande a roma a visitare la chiesia deli apostoli, li luogo denanzi da Zacaria papa renontiando el mondo; da quel papa fo tondudo in chierigo e fato fo monego; lu ande in lo monte da Syrapti, e fato li un luogo a honor de san silvestro e un altro monestiero de sant andrea, non lonzi da quel medesmo monte, siando quelli ben dotadi, li religiosa mente conversado; e conzo fosse chossa che molti deli franceschi et deli todeschi, che vegniva a roma, quello inquietasse, el passa a monte cassin, e li, driedo laldevol vita, lu repossa in cristo.
In quel tempo clarifico san Bonifacio magonthin arziveschovo in la ysola Boethana, e'l monestiero ultese fonda in le parte de Germania, el qual era plu chiaro de tuti l'altri monestieri. L'abbado de quel monestiero de gran honor vene reputado in la corte del imperador; e pipin, siando so frar Karlo monego, solo governa el principado deli franceschi: e mazor segnor vegniva dito, e manda a zacaria, papa chi mazor mente dovesse esser re: o quello el qual e dado al ocio, o quello el qual ogni peso del regno sustegniva. Al qual conzo fosse che'l papa avesse respuoso che quello, che mazor mente, el qual piu utel mente governasse el regno, li franceschi incontenente, siando incluso lo re ylderigo e soa molgier in un monestiero, constitui so re pipin, el qual san Bonifacio arziveschovo magontin per commandamento del papa lo onse per re; dende luogo Zacharia papa fo eleto e consegrado. In lo tempo de questo, Arstolfo re deli longobardi, per certi pessimi romani induto, occupa toschana e la valle de spoliti, in fine a roma pervenne, le chiesie, doe li corpi santi repossava, el'li altri luoghi santi a fuogho e a ferro guastando, del cavo de zaschadun demandando censo; el papa Stephano, vezando le affliction deli homini e dele chiesie, personal mente ande in franza a pipin, azo ch'el reprimesse e descazasse Arstolfo re; el qual con si in ytalia e in fina a roma ello l'avea conduto. In quella fiada pipin fo eleto in patricio deli romani, e abiando ello con forte mane compremudo Arstolfo re deli longobardi, e siando restituide le forze de san piero, pipin retorna in franza; e morto Arstolfo, desiderio re deli longobardi fo fato.
In quel tempo, el corpo de san Vido martere per l'abbado de san dyonisio, el qual avea nome folchardo, de Roma fo portado in franza; e funda la batalgia de Aquitania, in alverna e in guascogna; e mori pipin e a san dyonisio fo sepelido, e Carlo Magno so fyo in re fo substituido. In questi tempi l'imperador de Constantinopoli, per solo nome sola mente imperava, [e] imperzo che in oriente e in occidente, de mezo'di, quasi tuto lo principo dali sarrasini avea occupado; per la qual chossa la chiesia deli fideli molta persecucion sostenne, im per quello ch'eli biastemava Machometo, e li sarraxini alcise ploxor dali cristiani.
Inl'anno dal segnor DCCCXXVI Lyo quarto impera anni V per si. Questo, conzo fosse che lu ardesse in cupiditade, el desiderava la corona de una chiesia, la qual aveva carbonculi; e conzo fosse cossa che lu la portasse in cavo, siando lu presa la fevra, el mori.
Inl'anno del segnor DCCCXXXI Constantin VI, fyo de lyo, con yrenza mare soa impera anni X; ma perche elo priva la mare del imperio, ela, stimulada de rancor femenile, tragando li otchi al fyo, impera anni III, e Constantin innanzi che'l fosse cecado da soa mare, impera anni V. In lo primo anno de questo Constantin, in una sepultura, zazando li un morto, trovado fo chon questa scritura: Cristo nascera da una verzene e crezo in ello. Soto Constantin e yrenza imperadori, o sol, anchora tu me vedera. In lo anno VIII del imperio de questi, fato e lo capitoloa Nicena de CCCL padri veschovi, in lo qual affermado fo el spirito santo dal pare e del fyo procedere. In li tempi de questa, el sol se obscura, per XVII di non aparse, si che molti diseva che questo era per la ciegazon del pietoso imperador [questo e] adevegnu; e yrenza, a zo che plu segura mente la regnasse, li otchi deli fyoli de constantin so fyo la fe trar, a zo che nessuna chosa de mal in ver de ela, per caxon dela azegaxon del pare, la qual la morte aveva seguida, eli non ymaginasse.
Inl'anno del segnor DCCCL Nicheforo impera in Constantinopoli anni IX, in li qual tempi lo imperio oriental quasi a niente era vegnudo.
Inl'anno del segnor DCCCL Michel impera anni II. Homo era ortodoxo, e amabile a tuti fo; el qual consola tuli quelli, li quali l'avaricia de Nicheforo aveva offesso, quelli fazando richi; e eciamdio tuti quelli, li quali contrariava ala fe orthodoxa, elo se sforzava de farli morir.
Inl'anno del segnor DCCCLII Carlo primo magno imperador tolse lo imperio deli romani, e impara anni XIV, mese uno, di IV. Questo siando re de franza in anti ch'el fosse imperador, per li priegi de Arian papael fo chiamado, e assedia li longobardi in pavia, doe che'l prese desiderio re e soa molgier, li quali cativi el condusse in franza; el qual vignando a roma, conferma tute quelle chosse, le quale so pare pipin avea dado al beado piero apostolo; azonzando a ello el ducato de spoliti e de Bonivento, e per priegi dali romani fato fo imperador. Inlo tempo de questo, li conti paladini Rollando e tuti li altri vense li sarrasini in spagna; ma per tradimento de Gaino el conte, morti fo. Questo abiando venti quelli de saxogna e altri zermani e quasi tute le region de occidente, a Colognia de qua del reno doi ponti construsse. Questo portando la barba alla longeza del pe, de cibo e de bevanda el fo molto atemperado; elo faxeva suoi filgioli chavalcare chosi tosto chomo la eta la sostegniva, e al arme intendere, e le fye faxea usare ala lana o ver chola rocha e chol fuso, azo ch'ele non fosse pigre per star ociose. El regno deli franceschi, el qual driedo so pare pipin l'avea recevudo a rezere, molto l'amplia e acresce; cristo sempre lu adora e honora con somma pietade. Vignando ello a roma, a un meio da lonzi el dismonta da cavallo, e andando a pe per roma humel, el baxava le porte dele chiesie; e etiamdio in quella fiada in roma alli monestierii e alle chiesie molti doni lu fe. Questo sentando la terra santa occupa dali sarrasini, abiando recevudo li legati del patriarcha de Ierusalem e de Constantin imperador de Constantinopoli, abiando compassion a quella terra santa, con grande oste venne li luogo, e abiando recovra la terra santa, conzo fosse chossa che'l retornasse per constantinopoli, abiando portado oro, arzento e gemme preciose Constantin imperador per presentare a ello, el non le volse recever, e sole le reliquie de cristo e deli santi el domanda; e fazando in prima zezunio e oracion, el receve parte dela corona del segnor, la qual in quella fiada vezando ello, la flori, e receve un agudo dela passion del segnor, parte dela croxe del segnor, el sudario del segnor, la camisa dela beada Maria, el brazo de san symeon, le qual chose tute acompagnandole molti miraculi, el porta con si, e in aquisgrani in la chiesia de santa maria, la qual ello avea construta, elo le repose e loga. Al numero etiamdio deli alimenti, zoe dele letere in l'alfabeto, el fonda monestieri, e in cadun per ordene una letera fabricada d'oro, vaiando plu che C libre de tornisi, elo lagha, azo che per ordene dele letere el tempo dela fondacion de zascadun monestiero se cognoscesse, le qual letere anchora in ploxor monestieri se trova. Questo eciamdio IV arzivescovadi, zoe quello de trevere, quello de Cologna e magontin e quello de Salsburgene, de richeze e de honore li amplia. Karlo de bone operacion mori, siando so fyo lovixe primogenito coronado, e in aquis grani in la chiesia de santa maria, la qual la avea construta, honorevol mente fo sepelido; e in anzi che'l morisse, abiando chiamado li prelati dele chiesie, li quali el puote aver, tuti li thesauri a quelli lo dona, azo ch'eli fosse distribuidi per le chiesie.
Inl'anno del segnor DCCCLXVI Lovixe chon lothario so fyo impera anni XXV. Questo fyo de Karlo magno ave do fradelli, l'uno che ave terra todescha, e l'altro el qual receve spagna; e intrambi li soperchia, li quali in l'ultimo mal fine ave. Questo lovixe tre fylgioli avea, zoe lothario, pipin e lovixe; el primo, zoe lothario, elo el fe ciesaro, el qual etiamdio elcomesse ytalia a rezere; el segondo, zoe pipin, elo lo fe re de aquitania; el terzo, zoe lovixe, re e principo fe deli bavari e deli zermani. In questo tempo, li legati de Michel imperador de Constantinopoli porta al imperador lovixe, intra le altre chosse, doni, zoe li libri de san dyonisio, li quali chon gran allegreza fo recevudi. In quel tempo flori Rabano monego, abbado de Valde, gran poeta, preclaro in sciencia, zoe in theologia. In questi di evoldo re deli danni a Magonza fo batezadi. In questo tempo etiamdio lovixe re deli zermani fe batezare XIV duxi de Boemia chon li suoi sequaci, e in la fe cristiana li fe amaistrare. Lovixe imperador chon Pipin re de aquitania asali Britania, e quella guasta a ferro e a fuogo; ma poi, contra lovixe imperador, da suoi filgioli e deli mazori nassi grandissimo movimento; ma lo imperador bandeza ploxor deli grandi, e per questo li grandi e li fylgioli de quelli plu contra de si lo provocha.
Driede queste chosse, per malicia d'alguni fato fo, che eciamdio de consentimento del papa e eciamdio deli veschovi, e per zudisio deli zentili, el pietoso imperador depuose la dignita del imperio, El puovolo zaera partido del pare, apozandose ali filgioli; e chossi el pietoso imperador, dali suoi inganado e reduto in possanza deli filgioli, depose l'arme e fo reserado in prexon; ma disponando Dio, in quel medesmo anno el puovolo siando pentido del defetto del imperador, restitui quello al primiero honore, e li filgioli domanda perdonanza per quello ch'eli aveva commesso. In quel medesmo tempo, le osse del beado Vido martere da parixe fo translatado in Corbia de Saxognia, monestiero molto solenne; onde elli atestimoniando queste chosse esser adevegnude in presagio, che da quel tempo in qua la gloria deli franceschi quanto al impierio fo translatada in quelli de saxognia.
In quel tempo li normani, li quali era una chossa medesma che noverni, grieve mente infestava franza; e lovixe imperador, da poi che lu aveva confirmado tute quelle chosse, le quale Constantin avea dade alla chiesia de roma, vignando a ello lothario so filgio, a ello el fo reconciliado, e lagando a ello la corona del imperio, e passa de questa vita. In questo tempo, in lo territorio tolese una fantulina de XII anni, da po chel l'ave recevudo la santa comunion del prievede in lo di de pasqua, per se mese pane e aqua dezunando, e dende luogo in anzi da ogni cibo e bevanda per tri anni se retenne. Eciamdio in lo tempo de questo, in franza el solsticio de istade siando nassuda gran tempestade con tempesta, gran rompamento de glaza chazi; la largeza fo de VI pie e la longeza de XV, e l'alteza fo de II. E strabo discipulo de rabano clarifica, el qual scrisse lo libro del officio dela chiesia a lovixe imperador.
Inl'anno del segnor DCCCXCI Lothario primo impera anni X. Inlo tempo de questo, li sarrasini destrusse le chiesie deli apostoli piero e polo, infine inle fondamenti, con tute le confine deli romani; li quali poi in affrica retornando, onde li era vegnudi, in l'alto pellago se anega. Questo siando el piu vetgio fyo de lovixe, solo usurpa l'imperio; e de questo siando grami l'altri doi fradelli suoi, contra ello li apresta bathalgia; e assunandose inlo pago de altesiodora, tanta mortalitade fata fo da intrambe parte in la zente deli franceschi, la qual per nessun tempo denanzi fata fo in la zente deli franceschi; e conzo fosse cossa che le forze de quelli tante fosse assetyade, che alli aversarii suoi li no poesse contrastare, elli fe paxe intro si, partando li regni dentro de si, e romagnando ampo l'imperio a lothario. In quella fia insi la fama in affrica e in spagna dela pugna de questi tre frar per lo imperio, e imperzo li sarraxini e le altre diverse zente contendeva in que muodo li assaysse lo regno. Inlo tempo, Normani intrando in franza del mare per ligero, quasi tuta la guasta a ferro e a fuogho; e eciamdio quelli de saxogna da l'altra parte metandose contra l'imperio, franza guasta a ferro e fuogho. Anchora lothario con lovixe so fyo impera anni V; e lothario el XV anno del so imperio abiando partido el regno dentro suoi filgioli, elo renuncia el mondo, e po fe penitencia in un monestiero, abiando ello recevudo l'abito de monego; e non molto driedo el passa de questa vita, del anema del qual gran question fo dentro li angeli e li demonii, si che vezando e siando tuti li presente, el corpo parea vegnir trato; ma orando li monesi, li demonii se parti.
Inl'anno IX de lothario, santa elena, mare de Constantino, sepelida a roma in la chiesia de santo Marcellino e de san piero, fo portado in franza, e in la dyocesi de zeme, inlo monestiero de altovillari, chon gran veneracion ven coltivada.
Inl'anno del segnor CMI Lovixe segondo impera anni XXI. Questo ave bathalgia choli romani. Questo fo fyo de lothario; e da Sergio papa coronado in re, sede anni XXI, e senza so pare regna. Inlo tempo etiamdio de questo, li corpi santi, zoe de urban papa e Tyburcio, ven dito che fosse translatadi ad altisiodoro, e in la chiesia de san german deponudi. Li Normani de Equitania, per quel medesmo tempo revignando, guasta Andegavis, Turon e pytania; ali quali arnolfo duxe de Aquitania vignando in contra, fo morto, e tuti li altri deli normani si chomo li piegore dali luvi li fo consumadi. Eciamdio inlo tempo de questo la zente deli danni guasta Engelterra, ello re molto piatoso e cristianissimo de quella provencia li condanna de capital sentenza. In quel tempo in bressa de ytalia, si chom ven dito, tre di e tre notte sangue de cielo plove. Karlo, fyo menore de questo lovixe, in presencia del pare e deli barroni fo ingombrado del demonio; e in quella inombracion el confessa, questo esser da ello devegnudo, imperzo che lu avea tratado conspiraxon contra so pare lovixi; mori in italia, e Karlo so barba in imperador fo levado. In lo tempo de lovixe, la desmestega cura afflisse Karlo re de franza in li filgioli; che, don fina tanto ch'el fosse provesto al ordene del dyachonado, el pare el prese e si lo aciegha, per quello che, ad apostaxia convertido, in ogna generacion de nosere, perturbando lo regno, un altro zulian lo era fato; e in verita l'altro deli filgioli, zoe Karlo, don fina tanto che'l volesse provar la soa forteza con alguno, incauta mente fo morto. Inlo tempo de questo, zan scotto molto amaistrado in scriture venne in franza, e per prieghi de lovixi la yerarchia de dyonisio lu translata de griego in latin; el qual poi per li discipuli soi, li quali ello amaistrava, con stilli forado el mori.
Inl'anno del segnor CMXXII Karlo segondo impera anni III, mesi IX. Inlo tempo de questo, li sarrasini perde Sicilia. Questo Carlo dito Calvo ande a roma de zuanne papa, e li romani, per presenti tragando a si, imperador fo fato; ma incontinente batalgiacontra da ello fo aprestada da lovixe so frar, imperzo che senza el so conselgio l'avea usurpado l'imperio. Questo Karlo si in franza chomo in ytalia construsse e fe far monestieri de diverse religion e chiesie de gran possession, e quelle ch'era destrute, si le repara. In lo so tempo el contado de fiandra ave discordia, e fiandra non era de tanto nome ne de richeze, si chomo l'a mo, ma dali frostieri, zoe del re de franza la vegniva reta; e conzo fosse chossa chel'lo imperador de franza in ytalia andasse, per uno zudi[s]io, el qual avea nome sedachia, el fo abeverado, e inle alpe lu fini el dredan di. Questo in compendio fonda el monastiero de san Cornelio. Questa forteza l'avea impensa da fare a similitudene de Constantinopoli, e del nome so za lu avea appellado Kariopolo.
Inl'anno del segnor CMXXV Karlo terzo, el qual ven dito grosso o ver plu zovene, impera anni XII. Inlo tempo de questo gran fame fo quasi per tuta ytalia. Questo possedando pacifica mente franza e Germania, inl'anno segondo del so imperio del papa zuan fo coronado. In questi di plu che V milia deli normani abiando alturio da
In questi di le zente deli ungari siando insidi de assyria, venta da li pincernati, in panonia in prima venne, e siando descazadi de la li avari, li infina anchoi romase. Questa zente, in quel tempo fo dito ch'ela fosse in tanto desordenada da viver, che carne cruda li manzasse, e usasse da bevere el sangue de homo, si chomo e fallangi, li qual sta oltra e li reteni monti.
Inl'anno del segnor CMXXXVII Arnolfo impera anni XII. Questo combati e scomfisse li normani, li quali abiando guastada franza, la thoringia e dardania circha leodio e circha magonza guastava con incredibile plaga; e in quella fiada comenza a cessare el zovo deli normani e deli dani, li quali XL anni franza avea guastada; e dendo luogo l'imperador Arnolfo fato fo infermo de longa infirmita, per nessuna arte de medesina se podea aidare, che'l non fosse consumado dalipediculi; e Arnolfo soccede so fylgio lovixe, ma ala corona del imperio el non pervenne, onde el fo fin del imperio, quanto ala posteritade de Karlo; e questo fo per li suoa colpe e peccadi, imperzo che le chiesie, le quale i suo pare aveva construte e fate, elli no li mantegniva, ma se li dissipava.
Inl'anno del segnor CMXLIX Lovixe terzo impera anni VI. Inlo tempo de questo, li ytaliani comenza a imperare; tolto via l'imperio deli franceschi, el fo transportado dali taliani, segondo la sentenza dali romani, imperzo che la zente de franza non aidava roma contra li lombardi revelando, fazando a quelli molte inzurie; per la qual caxon, in lo tempo de quello lovixe el comenza a partirse l'imperio, imperzo che alguni, segondo che de soto sera manifesto, sola mente in ytalia, e alghuni sola mente per allemagnia imperava, in fina a Otton primo, el qual comenza intrambi luogi a imperare. Questo lovixe infuga Berengero, el qual in quella fia regnava per ytalia; e conzo fosse che per ello el regnasse, a verona el fo preso e acechado, e Berengiero al imperio fo restituido.
Inl'anno del segnor CMLV Berengiero primo impera anni IV. Questo molto savio in arme, ave bataia choli romani. In questo tempo, da Ulgelmo, primo principo de Bergogna, el monestiero de Colognia fo fondado.
Inl'anno del segnor CMLXIV Corado Almano impera anni VII; ampo intra li imperadori ello non ven numerado, imperzo che lu non impera in ytalia, e imperzo ello non l'ave la benedicion imperiale. Inlo tempo de questo, li sarraxini guasta pulgya, Calavria e quasi tuta ytalia. Inl'anno VII Corado re morando, denanzi dali principi del regno desegna re henrigo, fyo de otto, duxe de saxognia.
Inl'anno del segnor CMLXVI Berengiero II impera anni VIII in ytalia.
Inl'anno del segnor CMLXXIV Henrigo re impera anni XVIII, e questo per allemagnia, ne questo intra li imperadori fo computado, imperzo che lu non regna in ytalia, e no fo per lo papa incoronado. In lo tempo de questo, Syrenco dux deli Boemi se converti alla fede: el qual, quamvisdio che'l fosse nuovo in la fede, sovra tuti li altri ampo justa mente e religiosa mente el segnoreza; driedo el qual venzeslao so fyo per justixia,santitade e religione preclaro fosse, so frar Bolerlao, abiando invidia, ali soi piatosi e santi ati inigha mente aversa; e poi, el primo anno, Otton da quello el fo morto, usurpando el principado; in vendeta del qual, otto imperador assay Burlao Bolerlao per batalgia, e per XIV anni combatando con quello, con grande ruina deli suoi, [e] soperchia quello, guastando tuta Boemia. El predito santo venzeslao , quamvisdio che'l fosse principo e segnor, de tanta humilita e devocion el fo, che chomo un servo segretamente de note ala soa selva lu andava, e portando le legne choli proprie humeri, in anzi le porte dele vedoe e deli povri secretamente deponeva, e eciamdio lu recolgeva le spige de note del campo so, e segretamente dela verga batando, e chola man propria le ostie fazando, per le chiesie e distribuiva. Questo, driedo CCC anni dela passion soa, alo re dali dadi henrico, dormando, per vision aparse; e revela a lui, che doveva morire dela soa generacion de morte; comandando a ello, che in honor de si, el qual venzislao vegniva dito, el construsse un monestiero; el qual re, levando dal sonno, meravelgiandose dela vision, comenza de santo venzeslao, del qual ello non avea mai aldu parlar, dali veschovi e dali altri inquirire chi lu fosse; e siando certificado che'l fosse stado principo de Boemia e da so frar morto, el comenza, a honor del nome de quello, in ravalia del ordene de Cestella un monestiero de gran possession construre; ma in anzi che lu lo compisse, procurando so frar abel de compirlo, e complido quello, segondo che'l santo avea revelado, el mori.
Inl'anno del segnor CMXCII Berengaro III impera anni VIII. Inlo tempo de questo, gran scisma fo in ytalia.
Inl'anno del segnor M Lothario II impera anni II. Inlo tempo de questo, fato fo el sol chomo sangue, onde, driedo puochi di, mortalitade de homini grandissima seguida fo.
Inl'anno del segnor M Henrico re, e so fyo Otto primo, in re fo coronado.
Inl'anno del segnor MII Berengaro IV, con Alberto so fyo, impera in ytalia anni XI; el qual Berengaro con tropo gran crudelitade premeva ytalia e tegniva incarcerada Dalinda, che fo molgier de lothario imperador; ma Otto re de allemagna, intrando in ytalia potente mente, deschaza Berengario e libera la rayna, e quella tolgiando per mojer, la festa dela nativita del segnor a pavia el celebra; ma poi revudo in gratia Berengaro de otto, lu li rendi lombardia, excepto la marcha trivisina e veronese e Agolia; ma puoi in pizol tempo, da la apostolica sedia e da lombardia venne legati a otto, lamentandosse da Berengaro tyranno; e Otto, chiamado per la corona del imperio, andando a roma, conzo fosse che'l fosse vegnudo in lombardia, lu imprexona Berengario, e in Bavaria mandado in bandizamento, vignando a roma del papa e dali romani solenne mente fo recevudo a incoronarse. Circa qusto tempo in Guascogna una femina dal umbigul in su divisa, abiando doi petti e doi cavi, uno manzando, e l'altro alcuna fia non manzava, e vive molto tempo, e intrambi si mori.
Inl'anno del segnor MXIII Otto primo impera anni XII. Questo fo el primo imperador deli todeschi, e tolto l'imperio dali taliani, soli li todeschi impera in fine al presente tempo. Questo, conzo fosse chossa che'l fosse possente in Saxongnia e molti anni avesse regnado per allemagna, alchuni dali cardenali e deli romani, per lo rio stado de zuanne papa XII, messi manda occulta mente, azo che ello vegnisse a roma per la necessita dela chiesia de roma, e chossi possedisse li governamenti del imperio; e ello, per longobardia e per tuschana potente mente vignando a roma, del papa, dela chieresia et del puovolo da roma honorevol mente el fo recevudo e coronado in imperador; molte done feze ale chiesie. Questo abiando pacificado ytalia, chon soa molgier longobarda retorna in Saxogna, de la qual el zenera un fyo, successore si del so nome, chomo del regno; al qual eciamdio la fya del imperador de Constantinopoli, inzenerada del roman sangue, li de per molgier. Dende luogho per lo bon stado dela chiesia de roma ploxor fiade a roma vignando, e anchora in le parte soe retornando, li chon piathose ovre intendando, inla soa habitacion apresso Maydemburch fabrica una chiesia de meravelgiosa belleza a honor de san Mauricio, e quella de grandissime possession amplifica. Questo, driedo la deposicion de zuan papa per caxon dela infamia, siando creado papa lyo dela chieresia de Roma, daspoi che a roma, siando ello assente, el terzo papa, zoe Benedeto, li avesse creado, vignando a roma chon grande hoste, quella ello assedia, don fina tanto ch'eli li presenta Benedeto papa in destreta; el qual abiando reduto papa lyo alla sedia soa, e abiando pacificadi tuti, ello retorna in Saxongnia, menando chon si Benedeto papa, el qual fo si sepelido, siando stado in bando. Questo eciamdio convertando a Cristo moltetudine de pagani, abitando circha quello medesmo luogho, beada mente mori, e Maidenburg inla chiesia de san Mauricio fo sepelido.
Inl'anno del segnor MXXV Otto segondo impera anni XX con Otto so fyo. Questo conzo fosse chossa che lu perseguisse griesi in Calavria, no cauta mente abiando per se li soi cavalieri, ensando deli man de quelli, ello scapola; e alle perfine congregando hoste, lu assedia Bonivento, e abiandol preso, le osse de san bartholomio, segondo che ven dito, dende luogo tolse e a roma in una ysola in una concha le logha, e in la terra soa, per lo thevro e per mare, in la predita concha lu aveva pensa de portar; ma elo in brieve morando, el precioso thesauro li romase infina al di d'anchoi. Questo abiando laga so fyo Otto in saxogna, chola rayna e chon gran hoste passando per ytalia vene a roma, e li da Benedeto settimo con allegreza fo coronado con la rayna.
Eciamdio era grandissima paxe intra el papa e l'imperador. Adevene che in quel medesmo tempo li Agareni e li barbari, abiando passade le confine de Calavria, ogni chosa a ferro e a fuogo li guasta; contra li quali Otto imperador choli todeschi, longobardi e franceschi e romani procedando, dura mente combate; ma li romani e Boniventani volzando le spalle, l'oste deli cristiani quasi al pestuto fo abatudo, ello l'imperador solo pervignando al mare, el pregha alguni che lo recevesse in nave, digando si esser un deli chavalieri del imperador; li quali abiandol recevudo in nave, considerando la disposicion e la belleza de quello, li parlava in lengua griegha, crezando quello non intendere, che lu fosse l'imperador, e ch'eli volesse quello condure a Constantinopoli al imperador so; la qual chossa intendando l'imperador e grievemente dojandose, ello se aprossima la da elli, digando che lu aveva gran peccunia ascosa in Sicilia, pregandoli ch'eli andasse la, e abiando recevudo la pecunia, insembre mente con allegreza li andasse; e queli, per amor de questo, andando allo lydo, l'imperador vete lo veschovo prodoino in arme, el qual aveva nome censo; e abiandol chiamado el so alturio, lo imperador chol veschovo tuti li notchieri, zoe XL, li taja, deli quali un solo non scampa per vertu de san piero apostolo, el qual lo imperador solicita mente invocava; e chossi vignando dela imperarixe, con allegreza de quella e dali soi baroni recevudo, retornando a roma, driedo puochi di el mori, e apresso san piero honorevol mente el fo sepelido.
In questo tempo Alberto de nacion de Boemia flori. Questo, in prima praganese veschovo, poi per revelacion de dio vignando a panonia, batiza el primo re deli Ungari, zoe santo Stephano, con molti altri; dende luogo passando per pollonia, e quelli in la fede confermando, e vignando in Brexa e predicando li la fede, el fo coronado de martirio in l'anno del segnor MXLV. Soto questo tempo, santo Edujardo re d'engelterra da soa maregnia, segondo che ven dito, per inganno fo morto, fazando grandissimi miraculi.
Inl'anno del segnor MXLV Otto III impera anni XIX. Questo Otto terzo, fyo del segondo otto, vignando a roma, del papa Grigolo quinto in imperador fo coronado, e da roma passa in pulgia a sant anzelo per caxon de pelegrinacion e de oracion; e fazando retornamento per benevento, el corpo del beado veschovo polo con si porta a roma. Questo, abiando ordinada ytalia, fazando transito per franxa, in Saxongnia retorna; ma crescenso, consulo deli romani, abiando infugado Grigolo papa, el feze papa un griego, el qual ave nome zuanne, veschovo de plaxenza molto pecunioso; la qual chossa aldando l'imperador, retornando a roma, con gran furor assedia crescenso in lo castello de sant anzelo si longa mente, don fina tanto che quello cholo castello siando preso, a quel cressenzo fe taiare la testa, e a quel pontifico fe trar li otchi, e de tute le altre membre lo debilita. E dende luogo l'imperador abiando ordenado le chosse del imperio, e menando con si alghuni nobili romani, in Saxognia retorna, e visitando lo luogo in pollonia, doe santo alberto martere repossava, abiando tolto el so brazo, a roma el retorna, logando quello in l'ysola in la chiesia, in la qual ven dito che mo repossa san Bartholomio apostolo. In quella fiada l'imperador comenza construere el pallazo de zulian imperador; ma contrastando li romani, l'imperador abiando recevudo molte persecucion dali romani, driedo puochi di la vita fini; e quamvisdio che questi tre otti per succession de generacion avesse regnado, ampo el fo instituido daspo, che per li officiali del imperio l'imperador fosse eletto; li quali e VII, zoe: tre cancelieri, si chomo quel de magonza, el canceliero de Germania, el treverese de franza, el colognese de ytalia, el marchese brandenburgese, el camerlengo palatin, confaloniero dapifer, dux de saxognia, porta la spada, el seschalco, el re de Boemia; unde versus:
In questi tempi flori folberto veschovo de Cracovia, el qual, intra le altre chosse laldevole, el compose li resposi de schiata de yesse, e lo sole de justisia, e'l cuor de nuova Ierusalem.
Inl'anno del segnor MLXIV Henrico primo impera anni XII, mesi V, e romase el regno vuodo anni II. Inlo tempo de questo, la luna se converti in sangue, zoe in color de sangue; e nota, plu e henrigi re che henrici imperadori, onde, quando el se leze henrico primo, per raxon del imperio fi dito primo, e per raxon de nome fi dito segondo. El fo uno henrico re in anzi da quello, zoe intendo deli Coradi: de questo henrico imperador fo so moier sancta Tymegondis, e intrambe romagni verzene, e in la chiesia bavergese, la qual li edifica, li repossa, fazando miracoli. Questo henrigo, dux deli Boemi, da tuti li principi eleto imperador, molte batalgie prospera mente feze in Germania, Boemia e ytalia; alle perfin volgiando a solo dio servire, conzo fosse che'l fosse cristianissimo, el veschovado babergese el fonda, e allo re dali ungari Stephano soa seror dagando per molgier, si quello, chomo tuto lo regno de quello, chiama alla fede. Questo eciamdio la citade babergese, la qual fo de san piero, per la Narginese apresso el papa commuda.
Inl'anno del segnor MLXXVIII Conrado primo impera anni XX, e romase el regno vuodo anni II. Questo molte leze feze. Questo, desirando servare paxe in terra, statui che qualuncha deli principi rompesse paxe, fosse a ello talgia la testa; ma transgressor de questo statuto el conte lupoldo fo accusado, el qual desirando servare la vita, con puochi, chola molgier e choli fylgioli o ver puti, occultamente fuzando, in una soletudene o ver selva andando, quella molti tempi si chomo heremita habitava, nessuna persona questo sapiando lo che'l fosse vegnudo. Ma adevene, che'l imperador ande a quelle parte; e conzo fosse chossa che, per caxon de chazar, perseguando bestie, el descorresse per la selva, ello si se deslonga da tuti, che solo romagnando, al pestuto, el no savesse la dove che'l fosse; e aproximando la note, lo imperador, molto anxio, per caxo venne al remitorio del predito conte; el qual benigna mente fo recevudo; conzo fosse che driedo la fadiga el dormisse in lo letto, e in quella note medesma la moier del predito conte avesse parturido un fyo, l'imperador aldi una voxe in sonno, che quel puto serave anchora so zenere e successor del imperio. Questa voxe l'imperador in prima disprexiando, conzo fosse chossa che daltre cavo fosse anxio , abiando vezudo el puto de do mane, con zo fosse chossa che'l fosse pervegnu dali soi, abiando chiamado doi secretarii suoi, occulta mente comanda che'l predito fantolin elli tolesse e in la selva l'alcidesse, e a ello el chuor del fantolin li portasse; e quelli, segondo el comandamento predito, el fantolin tolse, e siando movesti a misericordia, elli non l'alcise, ma lassandolo in lo boscho, el chuor de una lievore che era preso, in argumento de quella morte al imperador li porta. E adevene, che in quella hora el dux henrigo, per caxon de cazare, in quella medesma selva radegando solo, lu aldi el fantolin vagando e planzando; e vezandolo bello e portandolo occulta mente a soa moier, che non podeva aver filgioli, el comanda a quella ch'ela affermasse ch'eli l'avesse inzenerado, e chossi fo fato, e chiamalo del so nome henrico. E con zo fosse chossa che l'imperador questo puto avesse vezudo, pensando quello esser el volto, el qual de qua in driedo avea vezudo, e etiamdio la etade, el imperador retene el zovene, che lu li servisse denanzi, quamvisdio el non plaxesse a so pare, zoe el duxe henricho, tratando a presso da si, chomo quello acculta mente el desperdesse; e driedo algun tempo, el manda quello con lettere ala imperarixe, scrivando che se ella voleva, tegnir la soa gracia, in quel di el qual quel zovene vignisse da ela, quello occulta mente fesse soffogare. Ma lo zovene fazando la soa via, conzo fosse chossa che in la chasa de un prieve el reposasse, el prieve, dormando quello, el cerca le lettere de quello, e vete che era lettere del imperador; e avrando quelle scaltrida mente, elo le muda dextra mente, che abiando raso: in quello die muora, el remesse suso: in quel die mia fya li sia dada; la qual chossa fato fo, quamvisdio che'l fosse con grande ammiracion dela imperarixe per lo suobito commandamento, del qual la se feze gran meravelgia; la qual chossa vezando l'imperador, se meravelgia molto; ma poi trova el pare verasio de quello un nobele conte esser stado, el qual credeva che'l fosse stado villan, e'l so dolor fo mitigado; el qual henrico poi soccedi a Conrado in l'imperio, e in lo logo dove che nasce, ello fe far un gran monestiero.
Inl'anno del segnor MCI Henrico segondo impera anni XVII. Questo henrico ven dito fyo de Corado, o ver, segondo altri, zenere de quello. Questo vignando in ytalia, el prese pandolfo principo de Capoa, e quello siando preso, con si el porta via, e un altro pandolfo conte theatin ordena principo. Inlo tempo de questo, li Normani intra in roma, e Cadulo aveva bathalgia contra li Normani in li pradi de san piero. In quel tempo, el duxe Gottifredo venne in ytalia, e li Normani si persegui quello da roma infina ad aquin. Inlo tempo de questo imperador, el corpo de un ziganto fo trovado a roma non corroto; l'avertura dela plagha de quello, dove che fo implegado, era IV pe e mezo; el corpo so de quello soperchiava l'alteza del muro, e fo trovado una lucerna, del cavo de quello, ardando, la qual chol fia non se podea morzare, ne con liquor; ma, con stilo fato un forame sotto la fiamma, amorzado fo per quel forame, siando li introduto l'aere. Questo ven dito esser stado morto da turno; el titulo de questo era: Palas, fyo de evandro, el qual la lanza de turno cavaliere alcise, al so costume o ver usanza zase chi.
In questo tempo, una statoa de marmore era in pulgia, abiando circha el cavo so, un circulo de bronso, in lo qual era scrito:
Inl'anno del segnor MCXVIII Henrigo III impera anni XLIX. Questo in prima venne a roma del mese de mazo DXXV(?). In quel tempo fame e mortalitade fo quasi in ogni terra; e assedia la cita tyburtina die III del mese de zugno. In lo tempo de questo, una stella clarissima in lo circuito dela prima luna andada e XIII del kalende, in lo commenzamento dela note. Inlo tempo de questo, yldebrando cardenal, el qual poi Grigolo papa fato e, conzo fosse chossa che'l fosse legato in franza, e in lo concilio lu avesse procedu contra molti veschovi per symonia, e conzo fosse che contra un veschovo molto infamado el volesse prociedere, e quelli per peccunia avesse corruti li testimonii che l'aveva accusado, disse lo legato in lo concilio: Cesse lo humano judixio; sia produto in mezo lo oraculo dela deitade, conzo fosse cosa che'l fosse certo, che la gracia dela dignita del veschovo sia don[de] de spiritu santo, e qualuncha che compra el veschovado, fa contra el spiritu santo. Se tu adoncha [fa] contra el spiritu santo tu non hai fato, debi dire
In lo tempo de questo, un possente homo, don fina chel sedesse in lo convivio, chiara mente fo circomdato da s[f]orze; e conzo fosse chossa che'l fosse innumerabile moltitudine de sorze, de nessun li pilgiava, se no de quello; ma conzo fosse chossa che dali soi in lo pellago del mare fosse conduto, niente a ello zoa; imperzo che le sorze seguando la nave, quella, infina che l'aqua intrava dentro, rosegava. Adoncha desmontando ello in terra, dali sorze tuto fo squarzado e manzado. Quella medesma chossa ven dita [a] esser devegnuda a un principo de polonia; e questa ven zudighada menor meravelgia, imperzo che'l ven dito per certo, che in algune terre, se lyopardo algun homo mordera, incontinente par che vegna sorze in quantitade, azo che mitege l'emplegado; e eciamdio ven trovado da un principo, che per nessuna arte de medixina podea esser aidado, che li pedotchi non lo consumasse. E siando questo henrico imperador, meravelgiosa moltitudene deli franceschi abiando recevuda la croxe in alturio dela terra santa, li quali era da no poder esser scombatudi, passando per terra, e alle per fine per la cita de Constantinopoli, pervenne ad Anthiochia; e fo capitanio de questo hoste Gotofredo de lothoringia, el conte blessese, el conte de fiandra de sen zilio, e molti altri nobili e baroni. In anzi che anthiochia fosse presa, santo Andrea aparse a un villan simplize, de generacion provincial, digando: Vegni, che io te mostraro la lanza, chola qual fo forado yesu cristo; el qual villan, siando presa la dita cita, de presente lo dito conte e'l capellan so, in la chiesia de san piero cavando terra, in lo luogo in lo qual lu avea avudo revelacion, lu trova la lanza inl'anno del segnor MLXXXIX; e ploxor dubitando ch'ela non fosse la lanza de cristo, uno, el qual per nome era chiamado Bartholomeo, al qual cristo aparse e dela lanza li avea significado, con quella lanza, per lo fuogho de XIII pie, el qual lu avea commandado che fosse fato, el passa senza pena alghuna; e chossi l'oste ave fidanza in cristo e inla lanza, e ande in anzi senza paura per Acri, la qual ven dito Tholomaida; li venne a Cesaria, doe, conzo fosse chossa che li fosse un sparviero, zeta una colomba volando de sovra l'oste, grieve mente implagada, circha la qual trovado fo letere, le quale la portava de tal sentencia: Lo re acharon cavina(?) vene; zente contenciosa, contra li quali per ti e per altri la toa leze defendi. Anchora annuncia le altre cita, poi, vignando li, assedia Ierusalem; si e cita metuda e situada in montagne, non abiando ni fontane ne selve, excepto la fontana sicilice, oe alla fiada aqua sufficiente mente se truova; e era stada, driedo la destrucion de tyto e de vexpaxian, per helyo Adrian meravelgiosa mente reparada; ma non [ne] in quel medesmo luogo, oe la fo in prima. Ine luogo Gotifredo, el qual li era stado re lo segondo anno, morto fo sepelido; e ven creto che in quella fiada fato avesse passazo plu che CC milia cristiani in alturio dela terra santa.
Anchora inl'anno del segnor MCXLVII, a instancia de Eugenio papa e del beado Bernardo e dela soa predicacion, el re de franza dito lovixe, da quello abiando recevudo la croxe, e'l imperador Corado chon gran moltetudene de franceschi e de todeschi, altri per panonia, altri per mare in fina a Constantinopoli vignando, altro ad elli venne che quelli ch'eli sperava, imperzo che alguni de quelli, priesi da turchi, altri per fadiga e ploxor per fame e per besogna fo consumadi, si che l'imperador con puochi a pena retorna; e lo re lovixe, per caxon de oracion si chomo pelegrin in Ierusalem alghuna chossa o ver pocho romagnado, torna a casa;e'l imperador Henrigo siando in italia, el principo de allemagnia vignando in prothen, un Redolfo duxe de saxognia, in re a si eleze; el qual imperzo che Grigolo papa, a peticion del imperador, ne convento ne confesso scomunigare volse, el imperador, chon gran batalgia abiando abu vitoria contra redolfo, e abiando chiamada la corte in Brixina, Guiperto, arziveschovo de ravenna, el procura ch'el fosse eletto in papa; per la qual chossa da Grigolo papa el fosse stato scomunegha, al pestuto vignando a roma con l'antipapa, Grigolo papa elli cardenali, con molte hoste lor, assedia in roma. Ma daspo che'l fosse destruti li campi elle vigne, conzo fosse chossa che'l imperador avesse tratto a si el favor del puovolo roman, intrando in roma e fazando consegrare Guiperto in papa, da ello el fo incoronado imperador; e'l papa Grigolo, cholli cardenali, in lo castello de sant anzelo, in lo qual lu era andado, fo serado; contra lo qual Roberto de Guichardo re de pulgia chon gran hoste vignando, e roma un die pilgiando, e'l imperador chol so antipapa infina a sena fuzando, el trasse fuora el papa Grigolo e li cardenali del castellode sant anzelo
Inl'anno del segnor MCLXVII Henrigo IV fyo de henrico impera anni XV. Questo abiando recevudo l'imperio pyando so pare, elo el fe morir in prexon. Inlo tempo de questo, Roberto de Guicardo vense Alessio Cumano. Questo roberto fo de la zente de franza, el qual venne a roma chon grande hoste, volgiando, se lu avesse possudo, occupare roma; ma quello siando cazado de la, intro in lo regno de Sicilia e de pulgia, el qual lu pilgia a puocho puocho. Questo ave un fyo, el qual ave nome rugiero re de Sicilia, e una fya, la imperarixe de Constantinopoli, mare de federico imperador, el qual fo promovesto contra otto. Questo
In lo tempo de questo, el papa Calixto lo veschovo postellan, per reverencia del beado Iachomo apostolo, el qual li reposa, lu l'institui arziveschovo, soto ponando a ello tuta la Emeritana provincia, e la luchana chiesia lu la privilegia dela gracia del palio. Questo henrico, imperzo che so pare lu aveva deshonestado, per iuxto iudixio de Dio ven creto senza heriedo esser descazudo che ello mori, non abiando ne fyo ne fya, al qual soccede lothario dux de saxongnia.
Inl'anno del segnor MCLXXXII lothario IV impera anni XI. In lo tempo de questo, grande fame fo, e quasi tuta ytalia assaij. Questo, imperador fato, in ytalia feze hoste, e con arziveschovi e veschovi el papa Innocencio loga in la chiesia laterana; e da quel medesmo Innocencio, lothario fo incoronado per imperador. Questo, inlo primo anno del so imperio, contra li Boemi andando, per tradimento de alguni suoi cavalieri, o principi, gran batalgia deli suoi cavalieri a sostegnudo. Questo eciamdio, driedo la soa incoronacion, aceso de l'amor de dio e dela chiesia, si chomo homo verasia mente catholico e avocato dela chiesia, le forze del imperio in contenente excita, e contra rogiero conte, el qual se era redrizado contra el papa, e lo regno de Sicilia l'avea occupado, insembre mente chol papa Innocentio in pulgia potente mente intra, e abiando infugado Ruziero in Sicilia, constitui dux de pulgia el conte Raymondo. A questa vitoria, li pisani con navilio molto fo obedienti al sommo pontifico. Eciamdio in quel tempo, contra volunta de Innocencio papa, li romani se resforza de renovare el senado. Per quel medesmo tempo, tanta sicitade fo in franza, che li fiume, le fontane, li lachi e li pozi se sechava, e'l fuogho, el qual intrava in la terra, ne per le sfessure, ne per fredo, ne per altra arte non se posseva amorzare.
Inl'anno del segnor MCXCIII Corado segondo impera anni XV. Inlo tempo de questo
In quel tempo flori Richardo de san vetore. In questo tempo, fo translatado lo libro de zuanne damasceno in latin; e maistro piero lombardo flori, el qual compuose le sentencie; e inl'anno del segnor MCLII, Gracian monegho, de Glassa cita de Toschana nassudo, compuose lo decreto, segondo che dise hugazon, II, questione VI, uod forma
In li tempi de questo, el sol se oscura, un puocho inanti nona, e longa hora driedo l'hora de nona in quel medesmo stado romase. In questo anno, gran fame fo. In quel medesmo anno, preso fo el sepulchro del segnor e la soa croxe del soldan. Questo, conzo fosse chossa che'l fosse vegnudo a roma per la incoronacion, e pacifica mente chon grande allegreza da Adrian papa el fosse stado incoronado, e fato tute chosse: conzo fosse chossa che, inanti nona, al luogo so, el qual era inlo prado de Neron, el fosse insaido, li romani, con arme incalzando la famelgia dela porta de sant Anzolo, crudelmente l'assaij, infina al territorio del imperador crudel mente perseguando; ma ingrossando el remore, li todeschi, assunadi in siembre, crudel mente descaza li romani, in tanto che abiandone molti abatuti e priesi, con gran priegi del papa a pena che'li prese fosse restituidi. Questo, driedo la morte de adrian papa, pessima mente chon alexandro papa stete, in preiudicio de quello a IV scismatici successiva mente adrizandose, dagandoli alturio el re de franza, niente li zoa, choli qual papa alexandro era fuzido; e abiando congregado gran moltitudene, maxima mente de doi regni, zoe de Boemia e de dacia abiando abiu alturio, vignando in Bergogna se sforzava de extirpare; ma dagando alturioel re de Engelterra al re de franza, niente fe de ben. Millan da federigo fo destruto, del mese de marzo in l'anno del segnor MCLXII, elli muri de quella cita altissimi dali fondamenti fo ruinadi, e tute le altre chosse fo arse e metude in cenere; Albano dali romani fo arso el sexto di de avril. Questo, driedo molte persecucion per molti tempi fate ad allexandro, temandose che dela soa segnoria ello non descazisse, perche li lombardi li aveva revelado, [e] per la prosperita del papa alexandro abiando mando di messi solenne, che'l se reconciliasse al papa se fadigha; e da poi che a venisa el fo reconciliado al dito papa, elo fo poi retornado in la soa siedia de roma missier lo papa, e per missier lo dux e per lo comun de veniesia; e abiando federigo tolto el segno dela croxe per caxon de andare per terra e non per mare, chon gran moltitudene e deliberacion dela terra santa procedando, conzo fosse chossa che'l fosse in Armenia, in un pizol fiume el se anegha; e so fyo, el qual in quella fyada con si avea menado, el corpo de quello el tolse e portallo in fina al tyro, e li fo sepelido; e conzo fosse chossa che lu assediasse tholomaida zoe acri, el mori quasi tuti li
In quel medesmo tempo fo l'abade Ioachim in Calavria, el qual scrisse ploxor libri sovra Ieremia e sovra lo apocalypsi e de tuti libri deli propheti. Questo avea predito ali diti re, li quali a ello avea demandado dela pelegrinacion, ch'eli voleva fare ala terra santa, che puocho ben farave, imperzo che anchora non era vegnudo el tempo. In lo tempo de federico imperador, Rodolfo arziveschovo de Colognia, li corpi deli tre magi de persia, portadi a Constantinopoli del imperador, e dende luogho de san zorzi miraculosa mente a Millan era portadi, siando Millan destruto de quel medesmo federico, li fo transportadi a Colognia. Sotto questo imperador, san Thomaso arziveschovo de Cantuaria in la chiesia soa nel arziveschovado fo morto, e alle perfine fazando gran miraculi, per Allexandro papa fo canonizado. Inlo tempo eciamdio de questo predito imperador, flori piero, dito manzador, in franza, el qual compuose la ystoria, che ven dita scolastica, d'entrambi doi li testamenti. In quel tempo Henrico re de Engelterra per caxon
Inl'anno del segnor MCCXLV Henrigo quinto impera anni VIII. Coronado fo del mese d'avril, lo segondo di driedo la pasqua, e in quel medesmo mese fo dado el regno tusculano alli romani dal imperador, e destruto fo da elli. In quel medesmo anno el sole se oscura a IX del kalende de luio, quasi da terza in fine a nona. Questo, soto Celestino e Innocencio, impera anni VII e mesi IV. Questo, in l'anno primo dela soa corona, intra inlo regno de Sicilla, e prese le terre infine e napoli, e assedia, napoli per III mese, e li tanta infermitade assaij l'oste soa, che quasi tutti mori, si che l'imperador con puochi, siando infermo, retorna. Questo tolse Constanza fya del re de Sicilia; e in l'anno quarto del imperio so, tuto lo regno de pulgia assi lo suiuga, e li flazella ploxor rebelli de diverse pene; e tancreto, fyo del re Tancredo deli Siciliani, chon soa mare margarita, e'l re deli impiratari (sic) condusse con si priesi in allemagna; el qual siando morto a panormo, dessensio nassi intro li principi de allemagna; una parte elleze otto, el l'altra philippo, ma otto fo coronado de comandamento del papa; ma alle perfin ottegnando philippo [sotto] la paxe formada intra li altri, dolosa mente da lanturgnio el fo morto, e chosi ottene Otto; e Innocencio papa, el qual in quel anno aveva soccedu a celestin in lo papado, era stado aversario de philippo per so frar Henrico imperador, el qual era andado contra la cristiana religion in lo regno de Sicilia, e li arziveschovi e veschovi aveva talgiadi, e contra la romana chiesia sempre aveva adovrado tyrannia; per la qual chossa lo scomunegha quello e tuti li suoi fautori, e a otto duxe de saxognia viril mente se aderse et apoza, e quello in aquisgrani in re de Allemagnia fe coronare; e philippo duxe de Saxonia gran parte de allemagnia per si avea abiu.
Inl'anno del segnor MCCL preso fo Constantinopoli da franceschi e da veneciani, e Balduin conte de fiandra li constitui imperador; la qual [dela] presa, eciamdio driedo ploxor di, [e] ploxor abitador dela cita non credeva, o ver per la forteza dela cita, o ver per amor dela antigha profecia deli propheti, la qual lu avea prophetizado che la dovesse esser presa per l'angelo, e chossi li non credeva per ho4 podere esser presa; ma intrando l'inimisi per lo muro in la citade, oe era impento l'agnolo, li abitadori dela cita cognosci si esser inganadi per equivocacion del angelo. In questo anno, seghondo che da ploxor ven dito, la segnoria dali thartari avea commenzamento; e questi, soto li monti de india, in la region dita thartara, constituidi contra lo segnor so, re de india, david per nome, fyo de zuane prevede de occidente, a debellacion dele altre terre procede.
Inl'anno del segnor MCCLIII, da Innocentio papa XII abbadi del ordene de Castella in la terra deli Albigeni a predicare la fe alli heretixi fo mandadi, ali quali didato veschovo de oxo
Inl'anno del segnor MCCLIII Otto IV dela zente de saxognia da missier Innocencio papa III fo coronado inla basilica, zoe in la chiesia de san piero, ma non fo ad ello per caxon deli maleficii honor attribuido. Questo, in contenente chomo l'ave tolta la corona, ave batalgia cholli romani, e, contra la volonta da missier lo papa, intra inlo regno de pulgia, tolgiando quello a federico re de Sicilia; onde el papa scomunegha quello. El quarto anno del imperio so li principi elesse federico in imperador; el qual vignando chon navilio in fina a roma, da missier lo papa e dal puovolo honorevol mente fo recevudo; el qual vignando in Allemagnia contra Otto, li meravelgiosa mente triumpha.
Inl'anno del segnor MCCLVII Federico II fo incoronado da honorio terzo inla chiesia de san piero, e regna anni XXIII. Questo, dela infancia per la chiesia si chomo per mare fo nudrigado, e siando promovesto al alteza del imperio, don fina tanto che otto fosse desposto, ello non favoreza la chiesia
Inlo tempo de questo, inl'anno del segnor MCCXLVIII, lovixe re de franza passa oltra mare; lu ave alliegro principio, tristo insimento, e intrando in la terra santa el prese damiata; ma puocho driedo, quasi abiando perduda la soa zente, el fo preso, quamvis, volgiando dio, el fosse restituido. Questo federigo, da poi che'l fosse desposto del imperio, conzo fosse chossa che lu assediasse parma con gran possanza, intra le altre cita de lombardia plu desiderata, del legato da missier lo papa e da li parmesani el fo vento; e abiando perso el so thezoro elle soe chosse, retornando in pulgia, li infermado grieve mente, el mori; e manfredo, so fyo natural, partandose la segnoria e li thesauri, [e] ale perfine el regno de Sicilia obtene e ave; don fina tanto che Karlo, frar del re de franza, in quella fia conte de proenza, chiamado per urban IV papa, soto Clemente papa IV vignando, quello Manfredo priva dela vita e del regno.
Questo federico, da Augusto primo nonagesimo quinto fo imperador. Inlo tempo da quelli medesmi federico imperador, in l'anno del segnor MCCXXXIX, la gente deli thartari, siando occupade le parte orientale e crudel mente soiette, partandose in do parte, in ungaria e pollonia; inlo qual luogho abiando abiu con quelli bathalgia de campo, el frar del re de ungaria, dux de Cologna, de panonia e de polonia, e'l nobile duxe de flessia fo morti; e l'altro puovolo, si inli homini chomo in le femene, li quali pote trovare, chon gladio li fe morir; e chossi quelle terre, maxima mente ungaria, ello la messe in solitudene e in destrucion in tal muodo, che per gran fame le mare manzasse la carne deli so fantolini, e ploxor dala polver da un monte per farina li usasse.
Inlo tempo de questo, in bergogna imperial, per la terra, soluta dali monti, circha V milia homini fo soffogadi; e uno grandissimo monte, partandose dali altri monti, passando per ploxor meia de una valle, alli altri monti se conzonse, e inla valle tute le ville de terra e de piere lo covri. Inlo tempo etiamdio del re ferando, in toleta de Spagna
El romano imperio, o ver driedo la morte o ver driedo la disposicion de federico imperador segondo, dal imperador commenza a vaccare; e driedo la desposicion de quello, el papa Innocencio quarto, el qual aveva quello deponudo, feze elettore ploxore a elezere lo impierio per li principi de Allemagnia, zoe lanturgio de turingha, el conte de holandia, l'un driedo l'altro per succession, li quali in anti che alla imperiale benedicion
E imperzo, inl'anno del segnor MCCL inducia henrico, re de dacia inclito, da Abel so frar fo anegado in mare, per caxon de regnare driedo ello; el qual Abel puocho honore hebe e de pro per questo receve; imperzo che'l seguente anno del regno so, conzo fosse chossa che lu avesse voiu suiugare li frixon, da elli el fo morto. Inl'anno del segnor MCCLI, Conrado re, fyo de federico, siando morto so pare, vene in pulgia per mare, per caxon de tuor el regno, de Sicilia; e abiando preso napoli, li muri de quella cita el destrusse infina inli fondamenti; ma conzo fosse chossa che'l seguente anno del so intramento in pulgia ello avesse comenzado a infermarse, el criestero, el qual dali medisi vegniva zudigado esser a salude, mesceado con veneno de ad ello la morte.
Inl'anno del segnor MCCLIX Constantinopoli, la qual de qua in driedo per li franceschi e veneciani era stada presa, per palealuogho imperador deli griesi in bathalgia fo recovrada. In quel anno, in Toschana de ytalia florentini e luchesi miserabile aiugnimento ave; imperzo, che, confidandose dela moltitudine e dela forteza dali suoi, conzo fosse chossa ch'eli fosse intrado inlo contado deli senesi, e li senesi, con forte alturio de missier Manfriedo in quella fiada re de Sicilia, fosse essudo [a] in contra a bataia chon quelli, florentini e luchesi, per inganno dali suoi, fo scomfiti e inganadi; e imperzo che, inlo comenzamento dela scomfita, li primi intro li florentini era li inimisi che andava denanzi, [e] inli suoi, choli senesi andando a ferire, molti fo scombatudi e morti; e fo dito, che deli florentini e deli luchesi in quella fiada fo, dentro morti e presi, plu cha VI milia homini.
Inl'anno del segnor MCCLX, el re de ungaria assaij de batalgia el re de bohemia, per caxon dele suoe terre, abiando in l'oste soa de diverse nacion de quelli de oriente e de pagani, cerca XL milia chavalieri; al qual el re de Boemia con C milia chavallieri venne in contra. Anchora ven dito che lu avesse abiu VII milia cavalli coverti da ferro; e conzo fosse chossa che in le confine deli regni fosse comenzado, per movimento dali chavalieri e dele arme tanta polvere de terra se leva, che da mezo die a pena che un cognossesse l'altro; alle perfine li ungari, siando el re so grievemente inplagato, volzando le spalle, conzo fosse chossa che lor se affrezasse de fuzire, in un flume profondissimo, el qual li deveva passar, cercha XIV milia homini fi dito de esser anegadi, excepto li altri che fo morti. Soto lo re de Bohemi, el qual avea abiu vitoria, e era intrado in ungaria, el re de ungaria demanda paxe; e le terre, le quale era stade caxon dela discordia, ello le restitui e confirma amistade per lo tempo che devea vegnir, amezando el matrimonio.
Inl'anno del segnor MCCLXII, urban IV el regno de Sicilia, el qual manfredo violente mente tegniva, a Karlo conte de proenza, frar del re de franza, lo dona, azo che lu lo tolesse dele man de quello.
Inl'anno del segnor MCCLXIV, una stella appellada cometes si nobele aparse, che nessun, che vivesse a quel tempo, non vete una chossi fata, che da oriente chon gran splendor levava
Inl'anno del segnor MCCLXV, el predito Karlo, el qual per recuperacion del regno de Sicilia per urban papa era stado chiamado, con navilio venne a roma, dove in quella fiada in senador lu era stado eleto; e de la intrando in pulgia, per bathalgia de campo abuto, al predito Mamfredo tolse el regno ella vita.
Inl'anno del segnor MCCLXV, molto gran moltitudene de sarrasini de Affrica passando per lo mare Augusto, in Spagna gran plaga lor fe in li cristiani, intendando recovrare spagna, la qual de qua indriedo li aveva persa; ma li cristiani de quelle parte siando assunadi e aidadi per l'alturio deli segnadi dela croxe de diverse parte, quamvisdio con molto sangue dali cristiani, triompha e ave vitoria dali sarraxini.
Inl'anno del segnor MCCLXVII el sol
In l'anno del segnor MCCLXVIII, Coradin, de qua in driedo nievo de federico imperador, desprexiando la scomunegaxon de missier lo papa, contra missir lo re Karlo presumando de andar (el qual re Karlo la chiesia avea fato re), deli todeschi, li quali l'ave, siando li azonti lombardi e toschani ploxor, pervene infina a roma; doe, conzo fosse chossa che, si chomo e usanza de imperador, el fosse recevudo solenne mente, siando acompagnado chon lui el senador de roma, missier henrigo frar del re de Castella e ploxor deli romani, contra lo re Carlo intra in pulgia; ma, driedo la dura batalgia de campo, Coradino choli suoi volzando le spalle fo preso, e da Karlo a ello con molti altri nobili fo talgiada la testa.
Inl'anno del segnor MCCLXX, lovixe re de franza, non spaventado dele fadige e dele spensarie, le qual de qua indriedo lu aveva fate, oltra mare daltre cavo, con doi fyoli, siando conzonto con ello el re de Navara e ploxor prelati e baroni, per recovrare la terra santa prese de andare. Vero e, azo che la terra santa plu leziera mente se recovrasse, ave so conseio che inprima el regno de tonisto, el quale e in mezo, el qual non daxeva pizolo imbrigamento a quelli che faxea passazo, fosse sotto messo ala possanza dali cristiani; e conzo fosse chossa che con potente man li avesse preso el porto e Cartagene, la qual e apresso tonixto, la infermita, la qual in quel anno fo grande, maxima mente circha le confine del mare, in l'oste de quelli tropo regna. Inprima tolse la morte un deli figioli del re de franza; poi el legato da missier lo papa, missier lo cardenale albanese; e poi instesso lo re lovixe cristianissimo, con ploxor conti e baroni e altri simplici homini. Chomo beata mente el predito re abia termena la vita soa, el re de navara per soe lettere scrisse a missir toscholano, che inla soa infirmitade non cessando de laldare el nome de cristo, quella oracion alguna fiada el diseva: Fa nui, missier, che demandemo con desiderio, le prosperita de questo mondo despresiar, e nessune aversita temere. Orava eciamdio per lo puovolo, el qual lu avea conduto con si, digando: Missier, seras al puovolo to santificador e guardador et cetera; e conzo fosse che lu approximasse alla fine, el guarda in cielo digando: Io entraro in caxa toa, e adorero el templo santo, lo nome to, e confessero el nome to, missier. E questo dito, el dormi in lo segnior, zoe passa de questa vita; e conzo fosse chossa che dala morte del piatoso re l'oste deli cristiani se turbasse, e l'oste dali sarraxini sen allegrasse, missier Carlo re de Sicilia, combatidor fortissimo, per lo qual, vivando anchora, so frar el re de franza aveva mandado chon navilio, venne con gran cavallaria, del aiugnimento del qual cresce allegreza alli cristiani e tristicia alli sarraxini; e conzo fosse che molto plu paresse esser sarrasini che cristiani, in nessun muodo ampo se aldegava li sarrasini choli cristiani vegnire a batalgia generale, ma, per alguni scaltrimenti, molti senestri o ver danni a quelli faxeva, deli quali uno fo chotal: imperzo che ello e quella region molto sablonegna, e inlo tempo dela secheza molto polverosa; onde li sarraxini ordena ploxor meiera de homini, suso un monte visino ali cristiani, azo che, quando el vento ferisse, movando el sabion si sussitasse polvere la dela parte deli cristiani, la qual polvere fe molta molestia alli cristiani; ma alla perfine andada via
L'e complida la cronica deli Imperadori romani, e questo fato e in MCCCI, inditione XIV,