Questa risorsa digitale è liberamente accessibile per uso personale o scientifico. Ogni uso commerciale è vietato
Tutti i materiali paratestuali della fonte cartacea non riconducibili alla responsabilità dell'autore dell'opera sono stati soppressi nella versione digitale
Livello medio: controllo a video con collazione con edizione di riferimento
I simboli di citazione e di discorso diretto presenti sulla fonte cartacea sono stati rappresentati sulla versione digitale
I trattini di sillabazione a fine riga sono stati soppressi e le parole ricomposte
Quando nell'originale cartaceo nella lista dei personaggi la medesima descrizione era attribuita a più di un personaggio con una parentesi graffa, la descrizione è stata ripetuta per ciascun personaggio cui era stata attribuita.
Il termine
Chiozza è una bella, e ricca città venticinque miglia
distante da Venezia, piantata anch'essa nelle lagune, e
isolata, ma resa penisola per via di un lunghissimo ponte di
legno, che comunica colla terraferma. Ha un governatore con
titolo di Podestà, ch'è sempre di una delle prime case
patrizie della Repubblica di Venezia, a cui appartiene. Ha
un vescovo, colà trasportato dall'antica sede di Malamocco.
Ha un porto vastissimo, e comodo, e bene fortificato. Evvi
il ceto nobile, il civile ed il mercantile. Vi sono delle
persone di merito, e di distinzione. Il Cavaliere della
città ha il titolo di
Il fondo del linguaggio di questa città è veneziano; ma
la gente bassa principalmente ha de' termini particolari, ed
una maniera di pronunziare assai differente. I veneziani,
pronunziando i verbi dicono, per esempio «andar»,
«star», «vegnir» (per venire), «voler» ecc. ed i
chiozzotti dicono: «andare», «stare», «vegnire»,
«volere» ecc. Pare perciò, che pronunzino i verbi, come i
toscani, terminandoli colla vocale senza troncarli; ma non è
vero, poiché allungano talmente la finale, che diviene una
caricatura. Io ho appreso un poco quel linguaggio, e quella
pronunzia nel tempo ch'io era colà impiegato nell'uffizio di
Coadiutore del Cancelliere Criminale, come accennai nella
prefazione del tomo ottavo di questa edizione, ed ho fatto
una fatica grandissima ad instruire i miei comici, affine di
ridurli ad imitare la cantilena, e l'appoggiatura delle
finali, terminando i verbi, per così dire, con tre o quattro
Diranno forse taluni, che gli autori comici devono bensì
imitar la natura; ma la bella natura, e non la bassa, e la
difettosa. Io dico all'incontro, che tutto è suscettibile di
commedia, fuorché i difetti, che rattristano, ed i vizi, che
offendono. Un uomo, che parla presto, e mangia le parole
parlando, ha un difetto ridicolo, che diviene comico, quando
è adoperato con parsimonia, come il
Altri condanneranno? può essere, ch'io abbia troppo moltiplicato sopra le scene questa sorta di soggetti, e di argomenti bassi, e volgari.
I
Questo è quel genere di commedie, che diconsi dai latini
L'editore delle Opere di
E in un altro luogo:
Supplico i signori critici ad osservare, che l'autor francese suddetto erasi dato a questo genere di componimenti, e con questo solo piaceva. Io all'incontro ho fatto le mie
Io aveva levato al popolo minuto la frequenza dell'Arlecchino; sentivano parlare della riforma delle commedie, voleano gustarle; ma tutti i caratteri non erano adattati alla loro intelligenza: ed era ben giusto, che per piacere a quest'ordine di persone, che pagano come i nobili, e come i ricchi, facessi delle commedie, nelle quali riconoscessero i loro costumi, e i loro difetti, e, mi sia permesso di dirlo, le loro virtù.
Ma quest'ultima giustificazione è affatto inutile; poiché a tali commedie le persone le più nobili, le più gravi, e le più delicate si sono divertite egualmente, per la ragione allegata di sopra in francese, che: «tutto quello che è vero, ha il diritto di piacere, e tutto quello ch'è piacevole, ha il diritto di far ridere».
La scena si rappresenta in Chiozza.
Creature, cossa diseu de sto tempo?
Che ordene xèlo?
Mi no so, varè. Oe, cugnà, che ordene xèlo?
No ti senti, che boccon de sirocco?
Xèlo bon da vegnire de sottovento?
Sì ben, sì ben. Si i vien i nostri omeni, i gh'ha el vento in poppe.
Ancùo o doman i doverave vegnire.
Oh! bisogna donca che spessega a laorare: avanti che i vegna, lo vorave fenire sto merlo.
Di', Checca: quanto te n'amanca a fenire?
Oh! me n'amanca un brazzo.
Ti laori molto puoco, fia mia
Oh! quanto xè, che gh'ho sto merlo su sto balon?
Una settemana.
Ben! una settemana?
Destrìghete, se ti vuol la carpetta.
Oe, Checca, che carpetta te fastu?
Una carpetta niova de caliman.
Dasseno? Te mettistu in donzelon?
In donzelon? No so miga cossa, che voggia dire.
O che pandola! No ti sa, che co una putta xè granda, se ghe fa el donzelon; e che co la gh'ha el donzelon, xè segno, che i soi i la vuol maridare?
Oe, sorella!
Fia mia.
Me voleu maridare?
Aspetta, che vegna mio mario.
Donna Pasqua: mio cugnà Fortunato no xèlo andà a pescare co paron Toni?
Sì, no lo sàstu, che el xè in tartana col mio paron, e co Beppe so fradelo?
No ghe xè anca Titta Nane co lori?
Sì ben: cossa voressistu dire? Cossa pretenderavistu da Titta Nane?
Mi? gnente.
No ti sa, che xè do anni, che mi ghe parlo? E che col vien in terra, el m'ha promesso de darme el segno?
(Malignaza culìa! La i vol tutti per ela!)
Via, via, Lucietta, no star a bacilare. Avanti che Checca mia sorella se maride, m'ho da maridare mi, m'ho da maridare. Co vegnirà in terra Beppe to fradello, el me sposerà mi, e se Titta Nane vorrà, ti te poderà sposare anca ti. Per mia sorela, gh'è tempo.
Oh! vu, siora, no voressi mai, che me maridasse
Tasi là; tendi al to laoriere.
Se fusse viva mia dona mare...
Tasi, che te trago el balon in coste.
(Sì, sì, me voggio maridare, se credesse de aver da tiòre un de quei squartai, che va a granzi).
Oe, bondì, Toffolo.
Bondì, Lucietta.
Sior mamara, cossa sémio nualtre?
Se averè pazenzia, ve saluderò anca vualtre.
(Anca Toffolo me piaserave).
Coss'è, putto? No laorè ancùo?
Ho laorà fin adesso. So stà col battelo sotto marina a cargar dei fenochi: i ho portai a Brondolo al corrier de Ferrara, e ho chiapà la zornada.
Ne pagheu gnente?
Sì ben; comandè.
(Uh! senti, che sfazzada?)
Aspettè. Oe! zucche barucche
Comandè, paron.
Lassè véder.
Adesso: varè, la xè vegnua fora de forno.
Voleu, Lucietta?
Sì ben, dè qua.
E vu, donna Pasqua, voleu?
De diana! la me piase tanto la zucca barucca! Dèmene un pezzo.
Tolè. No la magnè, Lucietta?
La scotta. Aspetto che la se giazze.
Oe! bara Canocchia.
So qua.
Dèmene anca a mi un bezze.
So qua mi; ve la pagherò mi.
Sior no, no voggio.
Mo per cossa?
Perché no me degno.
S'ha degnà Lucietta.
Sì, sì, Lucietta xè degnevole, la se degna de tutto.
Coss'è, siora? Ve ne aveu per mal, perché so stada la prima mi?
Mi co vu, siora, no me n'impazzo. E mi no togo gnente da nissun.
E mi cossa tóghio?
Siora sì, avè tolto anca i trìgoli dal putto donzelo de bara Losco.
Mi, busiara?
A monte.
A monte, a monte.
Gh'è nissun, che voggia altro?
Andè a bon viazo.
Zucca barucca, barucca calda
(Accordève, siora Checca, che m'avè dito che de mi no ve degnè).
(Andè via, che no ve tendo).
(E sì, mare de diana, gh'aveva qualche bona intenzion).
(De cossa?)
(Mio santolo me vol metter suso peota, e co son a traghetto, anca mi me vòi maridare).
(Dasseno?)
(Ma vu avè dito che no ve degnè).
(Oh! ho dito della zucca, no ho miga dito de vu).
Oe, oe, digo: cossa xè sti parlari?
Varè? vardo a laorare.
Andè via de là, ve digo.
Cossa ve fazzio? Tolè; anderò via
(Sia malignazo!)
(Mo via, cara sorela, se el la volesse, savè che putto che el xè: no ghe la voressi dare?)
(Cossa diseu, cugnà? La se mette suso a bonora).
(Se ti savessi che rabbia, che la me fa!)
(Varè che fusto! Viva cocchietto! la voggio far desperare)
Sfadighève a pian, donna Pasqua.
Oh! no me sfadigo, no, fio: no vedè, che mazzete rosse? El xè merlo da diese soldi.
E vu, Lucietta?
Oh! el mio xè da trenta.
E co belo, che el xè!
Ve piàselo?
Mo co pulito! Mo cari quei deolini.
Vegnì qua, sentève.
(Oh! qua son più alla bonazza)
(Oe! cossa diseu?)
(Lassa, che i fazza, no te n'impazzare)
(Se starò qua, me bastonerali?)
(Oh che matto!)
(Cossa diseu?)
Donna Pasqua, voleu tabacco?
Xèlo bon?
El xè de quello de Malamocco.
Dàmene una presa.
Volentiera.
(Se Titta Nane lo sa, poveretta ela)
E vu, Lucietta, ghe ne voleu?
(Dè qua, sì ben. Per far despetto a culìa)
(Mo che occhi baroni!)
(Oh giusto! No i xè miga queli de Checca)
(Chi? Checca? gnanca in mente)
(Vardè, co bela che la xè!)
(Vara chiòe!)
(Anca sì, che i parla de mi)
(No la ve piase?)
(Made)
(I ghe dise puinetta)
(Puinetta i ghe dise?)
Oe, digo, no so miga orba, varè. La voleu fenire?
Puina fresca, puina
Cossa xè sto parlare? Cossa xè sto puinare?
No te n'impazzare
Tendi a laorare
Che el se varda elo, sior Toffolo Marmottina.
Coss'è sto Marmottina?
Sior sì; credeu, che nol sapiemo, che i ve dise Toffolo Marmottina?
Varè che sesti! Varè che bela prudenzia!
Eh! via, cara siora Lucietta Panchiana.
Cossa xè sta Panchiana? Tendè a vu, siora Orsetta Meggiotto.
No stè a strapazzar mie sorele, che mare di diana...
Portè respetto a mia cugnà
Eh! tasè, donna Pasqua Fersora.
Tasè vu, donna Libera Galozzo.
Se no fussi donne, sangue de un anguria...
Vegnirà el mio paron.
Vegnirà Titta Nane. Ghe vòi contare tutto, ghe vòi contare.
Cóntighe. Cossa m'importa?
Che el vegna paron Toni Canestro...
Sì, sì, che el vegna paron Fortunato Baìcolo...
Oh che temporale!
Oh che sùsio!
Oh che bissabuova!
Oh che stramanìo!
Olà, olà! zitto, donne. Cossa diavolo gh'aveu?
Oe, vegnì qua, paron Vicenzo.
Oe, sentì paron Vicenzo Lasagna.
Quietève, che xè arivà in sto ponto la tartana de paron Toni.
Oe, zitto, che xè arivà mio mario
Uh, ghe sarà Titta Nane!
Oe, putte, no fè, che vostro cugnà sappia gnente.
Zitto, zitto, che gnanca Beppe no sappia.
Lucietta, so qua mi, no ve stè a stremire.
Va' via
Via
A mi? sangue d'un bisatto!
Va' a ziogare al trottolo.
Va' a ziogare a chiba.
A mi, mare de diana? Anderò mo giusto, mo, da Checchina
Via, sporco.
Càvete.
Va' in malora.
A mi sporco? A mi va' in malora?
Va' in burchio.
Olà, olà, paron Vicenzo
Va' a tirar l'alzana
Gh'avè rason, che no voggio precipitare
Dove xèli co la tartana?
In rio xè secco, no i ghe può vegnire. I xè ligai a Vigo. Se volè gnente, vago a vedere se i gh'ha del pesse, e se i ghe n'ha, ghe ne vòi comprare per mandarlo a vendere a Pontelongo.
Oe, no ghe disè gnente
Oe, paron Vicenzo, no ghe stessi miga a contare.
Che cade!
No ghe stessi a dire...
Mo no stè a bacilare
Via, no fermo, che i nostri omeni n'abbia da trovare in baruffa.
Oh! mi presto la me monta, e presto la me passa.
Checca, xèstu in colera?
No ti sa far altro, che far despetti.
A monte a monte. Sémio amighe?
No voleu, che lo siemo?
Dàme un baso, Lucietta.
Tiò, vissere
Anca ti Checca.
(No gh'ho bon stomego).
Via, matta.
Via, che ti xè doppia co fa le ceóle.
Mi? Oh! ti me cognossi puoco. Viè qua; dàme un baso.
Tiò. Varda ben, no me minchionare.
Tiò el to balon, e andemo in cà, che po anderemo in tartana
Putte, andemo anca nu, che li anderemo a incontrare
No vedo l'ora de véderlo el mio caro Beppe
Bondì, Checca
Bondì. Vòggieme ben
No t'indubitare
Via, da bravi, a bel belo, mettè in terra quel pesse.
Ben vegnuo, paron Toni.
Schiao, paron Vicenzo.
Com'èla andada?
Eh! no se podemo descontentare.
Cossa gh'aveu in tartana?
Gh'avemo un puoco de tutto, gh'avemo.
Me dareu quattro cai de sfoggi?
Pare sì.
Me dareu quattro cai de barboni?
Pare sì.
Bòseghe ghe n'aveu?
Mare de diana, ghe n'avemo de cusì grande, che le pare, co buò respetto lengue de manzo, le pare.
E rombi?
Ghe n'aémo sié, ghe n'aémo, co è el fondi d'una barila.
Se porlo véder sto pesse?
Andè in tartana, che ghe xè paron Fortunato; avanti che lo spartimo, fèvelo mostrare.
Anderò a véde, se se podemo giustare.
Andè a pian. Oe, deghe man a paron Vicenzo.
(Gran boni omeni, che xè i pescaori!)
Magari lo podessimo vende tutto a bordo el pesse, che lo venderia volentiera. Se andemo in man de sti bazariotti, no i vuol dar gnente; i vuol tutto per lori. Nualtri, poverazzi, andemo a rischiare la vita in mare, e sti marcanti col bareton de veludo i se fa ricchi co le nostre fadighe.
Oe, fradello?
Coss'è, Beppe? Cossa vustu?
Se ve contentessi, vorria mandar a donare sto cao de barboni al Lustrissimo.
Per cossa mo ghe li vustu donare?
No savè, che l'ha da essere mio compare?
Ben! màndegheli, se ti ghe li vuol mandare. Ma cossa credistu? Che in t'un bisogno, che ti gh'avessi, el se moverave gnanca dalla cariega? Col te vederà, el te metterà una man sulla spalla: Bravo Beppe, te ringrazio, comàndeme. Ma se ti ghe disi: Lustrissimo, me premeria sto servizio; nol s'arecorda più dei barboni: nol te gh'ha gnanca in mente; nol te cognosse più, né per compare, né per prossimo, né per gnente a sto mondo.
Cossa voleu, che fazze? Per sta volta, lassè, che ghe li mande.
Mi no te digo che no ti li mandi.
Chiò, Ménola. Porta sti barboni a sior Cavaliere; dìghe che ghe lo mando mi sto presente
Paron!
Oh muggiere!
Fradello!
Bondì, Lucietta.
Bondì, Beppe.
Stastu ben, sorela?
Mi, sì. E ti?
Ben, ben. E vu, cugnà, steu ben?
Sì, fio. Aveu fatto bon viazo?
Cossa parleu de viazo? Co semo in terra, no se recordemo più de quel, che s'ha passao in mare. Co se pesca, se fa bon viazo, e co se chiapa, no se ghe pensa a rischiar la vita. Avemo portà del pesse, e semo aliegri, e semo tutti contenti.
Via via, manco mal. Seu stai in porto?
Sì ben, semo stai a Senegaggia.
Oe, m'aveu portà gnente?
Sì, t'ho portà do pera de calze sguarde, e un fazzoletto da colo.
Oh! caro el mio caro fradelo; el me vol ben mio fradelo.
E a mi, sior, m'aveu portà gnente?
Anca a vu v'ho portao da farve un còttolo e una vestina.
De cossa?
Vederè.
Mo de cossa?
Vederè, ve digo, vederè.
E ti m'àstu portà gnente?
Vara, chiòe! Cossa vustu, che mi te porte? Mi ho comprà l'anelo per la mia novizza.
Xè bello?
Vèlo qua eh! Varda
Oh co belo, che el xè! Per culìa sto anelo?
Per cossa mo ghe distu culìa?
Se ti savessi, cossa che la n'ha fatto! Domandighe a la cugnà: quella frascona de Orsetta, e quell'altra scagazzera de Checca, comuodo che le n'ha strapazzao. Oh! cossa che le n'ha dito!
E donna Libera n'àla dito puoco? Ne podévela malmenare più de quello che la n'ha malmenao?
Coss'è? Coss'è stà?
Cossa xè successo?
Gnente. Lengue cattive. Lengue da tenaggiare.
Semo là sulla porta, che laoremo col nostro balon...
Nu no se n'impazzemo...
Se savessi! Causa quel baron de Toffolo Marmottina.
Le gh'ha zelusia de quel bel suggetto.
Cossa! Le ha parlà co Toffolo Marmottina?
Se ve piase.
O via, no vegnì adesso a metter suso sto putto, e a far nassere delle custion.
Uh se savessè!
Tasi, tasi, Lucietta, che debotto toremo de mezo nu.
Con chi parlàvelo Marmottina?
Con tutte.
Anca con Orsetta?
Me par de sì.
Sangue de Diana!
Oh! via, fenìmola, che no voggio sussuri.
No, Orsetta, no la voggio altro, e Marmottina, corpo de una balena, el me l'ha da pagare.
Anemo, andemo a casa.
Titta Nane dove xèlo?
El xè in tartana
Almanco lo voria saludare.
Andemo a casa, ve digo.
Via, che pressa gh'aveu?
Podevi far de manco de vegnire qua a sussurare.
Vedeu, cugnà? Avevimo dito de no parlare.
E chi xè stada la prima a schittare?
Oh! mi coss'òggio dito?
E mi coss'òggio parlà?
Avè dito tanto, che se fusse qua Orsetta, ghe daria un schiaffazzo in tel muso. Da culìa no vòi altro. Voggio vender l'anelo.
Dàmelo a mi, dàmelo.
El diavolo, che ve porta.
Oh che bestia!
To danno, ti meriti pezo. A casa, te digo. Subito, a casa.
Varè, che sesti! Cossa songio? La vostra massera? Sì, sì, no v'indubitè, che co vu no ghe voggio stare. Co vederò Titta Nane, ghe lo dirò. O che el me sposa subito, o per diana de dia, voggio andar più tosto a servire.
Mo gh'avè dei gran tiri da matto.
Voleu ziogar che debotto...
Mo, che omeni! Mo, che omeni malignazi
Mo, che donne; mo, che donne da pestare co fa i granzi per andare a pescare
Cossa diavolo xè stà quel sussuro?
Gnente, fradelo, no saveu? Donna Pasqua Fersora la xè una donna, che sempre cria.
Con chi criàvela?
Con so mario.
Lucietta ghe gièrela?
Me par de sì, che la ghe fusse anca ela.
Sia maledìo. Giera là sotto prova a stivare el pesse: no ho gnanca podesto vegnire in terra.
Oh che caro Titta Nane! Aveu paura de no véderla la vostra novizza?
Se savessi! Muoro de voggia.
Parò Izenzo
Coss'è, paron Fortunato?
Questo xè otto pesse. Quato cai foggi, do cai baboni, sie, sie, sie boseghe, e un cao baccole.
Cossa?
E un cao baccole.
No v'intendo miga.
No intendè? Quattro cai de sfoggi, do cai de barboni, sie boseghe, e un cao de baracole.
(El parla in t'una certa maniera...)
Mandè a casa e pesse, vegniò po mi a tò i bezzi.
Missier sì, co volè i vostri bezzi, vegnì, che i sarà parecchiai.
Na pesa abacco.
Come?
Tabacco, tabacco.
Ho capìo. Volentiera
Ho perso a scattoa in mare, e in tartana gh'è puochi e tò tabacco. A Senegaggia e n'ho comprao un puoco, ma no xè e nostro da Chioza. Tabacco, tabacco de Senegaggia, e tabacco e pare balini chioppo.
Compatìme, paron Fortunato, mi no v'intendo una maledetta.
Oh bella, bella bella! no intendè? Bella! no parlo mia foeto, parlo chiozzotto, parlo.
Ho capìo. A revéderse, paron Fortunato.
Sioìa, paó Izenzo.
Schiavo, Titta Nane.
Paron, ve saludo.
Putti, andemo. Portè quel pesse con mi. (Mo caro quel paron Fortunato! El parla, che el consola)
Voleu che andemo, paron Fortunato?
Petè.
Cossa voleu, che aspettemo?
Petè.
Petè, petè, cossa ghe xè da aspettare?
I ha a potare i terra de atro pesse, e de a faìna. Petè.
Petémo
Coss'è to bulare? Coss'è to ciare, coss'è to zigare?
Oh! tasè, paron Fortunato. Xè qua vostra muggiere co so sorella Orsetta, e co so sorella Checchina.
Oh, oh mia muggiere, mia muggiere!
Paron, cossa feu, che non vegnì a casa?
Apetto e pesse, apetto. Ossa fàtu, muggiere? Tàtu ben, muggiere?
Stago ben, fio: e vu steu ben?
Tago ben, tago. Cugnà, saudo; saudo, Checca, saudo
Sioria, cugnà.
Cugnà, bondì sioria.
Sior Titta Nane gnanca?
Patrone.
Stè molto alla larga, sior. Cossa, gh'aveu paura? Che Lucietta ve diga roba?
Cossa fàla Lucietta? Stàla ben?
Eh! la sta ben, sì, quella cara zoggia.
Coss'è, no sè più amighe?
Oh! e come che semo amighe
La ne vol tanto ben!
Via, putte, tasè. Avemo donà tutto; avemo dito de no parlare, e no voggio che le possa dire de madesì, e de qua, de là, che vegnimo a pettegolare.
Oe, muggiere, ho portao de a faìna da sottovento, de a faìna, e sogo tucco, e faemo a poenta, faemo.
Bravo! avè portà della farina, de sorgo turco? Gh'ho ben a caro dasseno.
E ho portao...
Vorave, che me disessi...
Lassè parlare i omeni, lassè parlare
Caro vu, quietève un pochetto
Vorave, che me disessi, cossa ghe xè stà con Lucietta
Gnente
Gnente?
Gnente via gnente
Xè meggio cussì, gnente
Oe, putti poté in terra e sacco faìna
Mo, via, care creature, se gh'è stà qualcossa, disèlo. Mi no voggio, che siè nemighe. So, che vualtre sè bona zente. So, che anca Lucietta la xè una perla.
Oh caro!
Oh che perla!
Oh co palicaria!
Cossa podeu dire de quela putta?
Gnente.
Domandèghelo a Marmottina.
Chi èlo sto Marmottina?
Mo via, putte, tasè. Cossa diavolo gh'aveu, che no ve podè tasentare?
E chi èlo sto Marmottina?
No lo cognossè Toffolo Marmottina?
Quel battelante, no lo cognossè?
Andemo, andemo, el pesse, e a faìna
Eh! sia maledetto
Cossa gh'ìntrelo con Lucietta?
El se ghe senta darente.
El vol imparar a laorare a mazzette.
El ghe paga la zucca barucca.
E po sto baron, per causa soa, el ne strapazza.
Mo, me la disè ben grandonazza.
A casa, a casa, a casa
Oe, el n'ha manazzà fina
El m'ha dito puinetta.
Tutto per causa della vostra perla.
Dov'èlo? dove stallo? dove zìrelo? dove lo poderavio trovare?
Oe, el sta de casa in cale della Corona, sotto el sottoportego in fondi per sboccar in canale.
El sta in casa co bara Trìgolo.
E el battelo el lo gh'ha in rio de Palazzo, in fazza a la pescaria, arente al battelo de Checco Bòdolo.
A mi; lassé far a mi: se lo trovo, lo taggio in fette co fa l'asiao.
Eh! se lo volè trovare, lo troverè da Lucietta.
Da Lucietta?
Sì, dalla vostra novizza.
No, no la xè più la mia novizza. La voggio lassare, la voggio impiantare; e quel galiotto de Marmottina, sangue de diana, che lo voggio scanare
Anemo, a casa ve digo; andemo a casa, andemo.
Sì, andemo, burattaora, andemo.
Cossa seu egnue a dire? Cossa seu egnue a fare? Cossa seu egnue a tegolare? A fare precipitare a fare? Mae e diana! Se nasse gnente, gnente se nasse, e oggio maccare el muso, e oggio maccare, e oggio fae stae in letto, e oggio: in letto, in letto, maleettonazze in letto.
Tolè suso! Anca mio mario me manazza. Per causa de vualtre pettazze, me tocca sempre a tiòre de mezzo a mi, me tocca. Mo cossa diavolo seu? Mo, che lengua gh'aveu? Avè promesso de no parlare, e po vegnì a dire, e po vegnì a fare. Mare de tròccolo, che me volè far desperare
Séntistu?
Oe, cossa gh'àstu paura?
Mi? gnente.
Se Lucietta perderà el novizzo, so danno.
Mi lo gh'ho intanto.
E mi me lo saverò trovare.
Oh che spasemi!
Oh che travaggi!
Gnanca in mente!
Gnanca in ti busi del naso
Sì ben, ho fatto male; ho fatto male, ho fatto male. Co Lucietta no me ne doveva impazzare. La xè novizza; co ela no me n'ho da impazzare. Checca xè ancora donzela: un de sti zorni i la metterà in donzelon, e co ela posso fare l'amore. La se n'ha avuo per male. La gh'ha rason, se la se n'ha avuo per male. Xè segno, che la me vol ben, xè segno. Se la podesse vedè almanco! Se ghe podesse un puoco parlare, la voria pasentare. Xè vegnù paron Fortunato: sì ben, che no la gh'ha el donzelon, ghe la poderia domandare. La porta xè serada; no so, se i ghe sia in casa, o se no i ghe sia in casa
Vèlo qua, quel furbazzo!
Se podesse, vorave un puoco spionare
Olà! olà! sior Marmottina.
Coss'è sto Marmottina?
Càvete.
Vara, chiòe! Càvete! Coss'è sto càvete?
Vustu ziogare, che te dago tante peae, quante, che ti ghe ne può portare?
Che impazzo ve daghio?
Cossa fàstu qua?
Fazzo quel, che voggio, fazzo.
E mi qua no voggio, che ti ghe staghe.
E mi ghe voggio mo stare. Ghe voggio stare, ghe voggio.
Va' via, te digo.
Made.
Va' via, che te dago una sberla.
Mare de diana, ve trarò una pierada
A mi, galiotto?
Làsseme stare, làsseme.
Càvete, te digo.
No me voggio cavare gnente, no me voggio cavare.
Va' via, che te sbuso.
Sta' da lonzi, che te spacco la testa
Tìreme, se ti gh'ha cuor.
Cossa xè sta cagnara?
Agiuto; i m'ha dà una pierà. Aspetta, galiotto, che vòi, che ti me la paghe
Mi no fazzo gnente a nissun, no fazzo. Cossa me vegniu a insolentare?
Metti zo quelle piere.
Metti via quel cortelo.
Via, che te taggio a tocchi
Paron, fermève
Fradei, fermève
Lo volemo mazzare.
Via, strambazzo férmete
Stè in drio, che ve coppo
Zente!
Creature!
Com'èla? Com'èla? Forti, forti, com'èla?
Oe! custion.
Custion? poveretta mi!
Inspiritai, fermève.
Per causa vostra
Chi? cossa?
Me maraveggio de sto parlare.
Sì, sì, vualtre tegnì tenzon.
Sì, sì, vualtre sè zente da precipitare.
Sentì, che sproposità!
Sentì, che lengue!
Ve lo mazzerò su la porta.
Chi?
Quel furbazzo de Marmottina.
Via, che mi no son Marmottina
Paron, in casa
In casa, fradelo, in casa
Stè ferma.
In casa, ve digo, in casa
Lasseme stare
Va' drento, te digo, matto; va' drento
Baroni, sassini, vegnì fuora, se gh'avè coraggio.
Va' in malora
Vatte a far squartare
Coss'è sto spenzere? Cossa xè sto parlare?
Va' la, va' la, che debotto, se te metto e ma a torno, te fazzo egnì fuora e buele pe a bocca.
Ve porto respetto, ve porto, perché sè vecchio, e perché sè cugnà de Checchina. Ma sti baroni, sti cani sangue de diana, me l'ha da pagare
Vàrdete, che te sbuso
Agiuto!
Saldi. Fermève
No fè!
Tegnilo.
Lassème andare, lassème
Agiuto!
Titta Nane, Titta Nane, Titta Nane
Menèlo in casa, menèlo
No ghe voggio vegnire
Ti gh'ha ben da egnire
Oh che tremazzo!
Oh che batticuore!
Va' via de qua.
Va' in malora.
Scarcavalo
Scavezzacolo
Cossa diseu, creature?
To danno
Magari pezo
Sangue de diana, che li vòi querelare
Lustrissimo sió Canciliere.
Mi no son el Cancelier; son el Cogitor.
Lustrissimo sió Cogitore.
Cossa vustu?
L'abbia da savere, che un baron, lustrissimo, m'ha fatto impazzo, e el m'ha manazao col cortelo, e el me voleva dare, e po dopo xè vegnù un'altra canaggia, lustrissimo...
Siestu maledetto! Lassa star quel lustrissimo.
Mo no, sió Cogitore, la me staga a sentire, e cussì, comuodo, ch'a ghe diseva, mi no ghe fazzo gnente, e i m'ha dito, che i me vuol amazzare.
Vien qua; aspetta
So qua, lustrissimo. (Maledii! I me la gh'ha da pagare).
Chi èstu ti?
So battelante, lustrissimo.
Cossa gh'àstu nome?
Toffolo.
El cognome?
Zavatta.
Ah! no ti xè
Zavatta, lustrissimo.
Da dove xèstu?
So chiozzotto, da Chiozza.
Àstu padre?
Mio pare, lustrissimo, el xè morto in mare.
Cossa gh'avevelo nome?
Toni Zavatta, Baracucco.
E ti gh'àstu nissun sorannome?
Mi no, lustrissimo.
Xè impossibile, che no ti gh'abbi anca ti el to sorannome.
Che sorannome vuolla, che gh'abbia?
Dime, caro ti: no xèstu stà ancora, me par, in canceleria?
Sió sì, una volta me son vegnù a esaminare.
Me par, se no m'ingano, d'averte fatto citar col nome de Toffolo Marmottina.
Mi so Zavatta, no so Marmottina. Chi m'ha messo sto nome, xè stao una carogna, lustrissimo.
Debotto te dago un lustrissimo su la copa.
L'abbia la bontà de compatire.
Chi xè quei che t'ha manazzà?
Paron Toni Canestro, e so fradello, Beppe Cospettoni, e po dopo Titta Nane Moletto.
Gh'aveveli arme?
Mare de diana se i ghe n'aveva! Beppe Cospettoni gh'aveva un cortelo da pescaore. Paron Toni xè vegnuo fuora con un spadon da taggiare la testa al toro, e Titta Nane gh'aveva una sguèa de quele che i tien sotto pope in tartana.
T'hai dà? T'hai ferìo?
Made. I m'ha fatto paura.
Per cossa t'hai manazzà? Per cossa te voleveli dar?
Per gnente.
Aveu crià? Ghe xè stà parole?
Mi no gh'ho dito gnente.
Xèstu scampà? T'àstu defeso? Come xèla fenìa?
Mi so stà là... cussì... Fradei, digo, se me volè mazzare, mazzème, digo.
Ma come xèla fenìa?
Xè arrivao delle buone creature, e i li ha fatti desmettere, e i m'ha salvao la vita.
Chi xè stà ste creature?
Paron Fortunato Cavicchio, e so muggiere donna Libera Galozzo, e so cugnà Orsetta Meggiotto, e un'altra so cugnà Checca Puinetta.
(Sì, sì, le cognosso tutte custìe. Checca tra le altre xè un bon tocchetto)
Ghe giera altri presenti?
Ghe giera donna Pasqua Fersora e Lucietta Panchiana.
(Oh! anca queste so chi le xè).
Gh'àstu altro da dir?
Mi no, lustrissimo.
Fàstu nissuna istanza ala giustizia?
De cossa?
Domandistu, che i sia condanai in gnente?
Lustrissimo sì.
In cossa?
In galìa, lustrissimo.
Ti sulle forche, pezzo de aseno.
Mi, sior? Per cossa?
Via, via pampalugo. Basta cussì, ho inteso tutto
(No vorave, che i me vegnisse anca lori a querelare, perché gh'ho tratto delle pierae. Ma che i vegna pure; mi so stà el primo a vegnire, e chi è 'l primo, porta via la bandiera)
Lustrissimo.
Andè a citar sti testimoni
Lustrissimo sì, la sarà servida.
Lustrissimo, me raccomando.
Bondì, Marmottina.
Zavatta, per servirla.
Sì, zavatta, senza siòla, senza tomera, senza sesto, e senza modelo
El me vol ben el sió cogitore
Sì, me n'accorzo. Xèli per vu sti testimoni?
Sió sì, sió comandadore.
Ve preme, che i sia citai?
Me preme seguro, sió comandadore.
Me paghereu da bever?
Volentiera, sió comandadore.
Ma mi no so miga dove, che i staga.
Ve l'insegnerò mi, sió comandadore.
Bravo sior Marmottina.
Sieu maledetto, sió comandadore
Àle mo fatto una bella cossa quelle pettazze? Andare a dire a Titta Nane, che Marmottina m'è vegnù a parlare?
E ti àstu fatto ben a dire ai to fradei quelo, che ti gh'ha dito?
E vu, siora? No avè dito gnente, siora?
Sì ben; ho parlà anca mi, e ho fatto mal a parlare.
Malignazo! Aveva zurà anca mi de no dire.
La xè cussì, cugnà, credème, la xè cussì. Nualtre femene, se no parlemo, crepemo.
Oe; no voleva parlare, e no m'ho podesto tegnire. Me vegniva la parola ala bocca, procurava a ingiottire e me soffegava. Da una recchia i me diseva: tasi, da quell'altra i diseva: parla. Oe, ho serà la recchia del tasi, e ho slargà la recchia del parla; e ho parlà fina che ho podesto.
Me despiase, che i nostri omeni i ha avuo da precipitare.
Eh! gnente. Toffolo xè un martuffo; no sarà gnente.
Beppe vol licenziar Orsetta.
Ben! El ghe ne troverà un'altra; a Chiozza no gh'è carestia de putte.
No, no; de quarantamile aneme, che semo, mi credo, che ghe ne sia trentamile de donne.
E quante, che ghe ne xè da maridare!
Per questo, védistu? me despiase, che se Titta Nane te lassa, ti stenterà a trovarghene un altro.
Cossa gh'òggio fatto mi a Titta Nane?
Gnente non ti gh'ha fatto; ma quele pettegole l'ha messo suso.
Se el me volesse ben, nol ghe crederave.
No sàstu, che el xè zeloso?
De cossa? No se può gnanca parlare? No se può ridere? No se se può devertire? I omeni i sta diese mesi in mare; e nualtre avemo da star qua muffe muffe a tambascare co ste malignaze mazzocche?
Oe, tasi, tasi; el xè qua Titta Nane.
Oh! el gh'ha la smara. Me n'accorzo, col gh'ha la smara.
No ghe star a fare el muson.
Se el me lo farà elo, ghe lo farò anca mi.
Ghe vustu ben?
Mi sì.
Mòlighe, se ti ghe vol ben.
Mi no, varè.
Mo via, no buttare testarda.
Oh! piuttosto crepare.
Mo che putta morgnona!
(La voria licenziare; ma no so come fare)
(Vàrdelo un poco)
(Eh! che ho da vardare il mio merlo mi, ho da vardare)
(Ghe pesterave la testa su quel balon!)
(No la me varda gnanca. No la me gh'ha gnanca in mente).
Sioria, Titta Nane.
Sioria.
(Saludilo)
(Figurève, se voggio esser la prima mi!)
Gran premura de laorare.
Cossa diseu? Semio donne de garbo, fio?
Sì, sì, co se puol, se fa ben a spessegare, perché co vien dei zoveni a sentarse arente, no se puol laorare.
(Mòlighe)
(Made).
Donna Pasqua, ve piase la zucca barucca?
Varè vedè! Per cossa me lo domandeu?
Perché gh'ho la bocca.
Gran cataro, patrona!
La zucca me fa spuare
Cussì v'avessela soffegà
Possa crepare chi me vuol male
(Orsù, l'ho dita, e la voggio fare). Donna Pasqua, parlo co vu, che sè donna. A vu v'ho domandà vostra cugnà Lucietta, e a vu ve digo, che la licenzio.
Varè che sesti! Per cossa?
Per cossa, per cossa!...
Dove vastu?
Dove, che voggio
No stè a badare ai pettegolezzi
So tutto, e me maraveggio de vu, e me maraveggio de ela.
Mo se la ve vol tanto ben.
Se la me volesse ben, no la me volterave le spale.
Poverazza! La sarà andada a pianzere, la sarà andada.
Per chi a pianzer? Per Marmottina?
Mo no, Titta Nane, mo no, che la ve vol tanto ben! che co la ve vede andar in mare, ghe vien l'angossa. Co vien suso dei temporali, la xè mezza matta; la se stremisse per causa vostra. La se leva suso la notte, la va al balcon a vardar el tempo. La ve xè persa drio, no la varda per altri occhi, che per i vostri.
E perché mo no dirme gnanca una bona parola?
No la puol; la gh'ha paura; la xè propriamente ingropà.
No gh'ho rason fursi de lamentarme de ela?
Ve conterò mi, come che la xè stà.
Sior no; vòi, che ela mel diga, e che la confessa, e che la me domanda perdon.
Ghe perdonereu?
Chi sa? Poderave esser de sì. Dove xèla andà?
Vèla qua, vèla qua, che la vien.
Tolè, sior, le vostre scarpe, le vostre cordele, e la vostra zendalina che m'avè dà
Oh poveretta mi! Xèstu matta?
A mi sto affronto?
No m'aveu licenzià? Tolè la vostra roba, e pettèvela.
Se parlerè co Marmottina, lo mazzerò.
Oh viva diana! M'avè licenzià, e me voressi anca mo comandare?
V'ho licenzià per colù, v'ho licenzià.
Me maraveggio anca, che crediè, che Lucietta se voggia taccare con quel squartao.
So brutta, so poveretta, so tutto quel che volè; ma gnanca co un battelante no me ghe tacco.
Per cossa ve lo feu sentar arente? Per cossa toleu la zucca barucca?
Varè, che casi!
Varè, che gran criminali!
Mi, co fazzo l'amore, no voggio, che nissun possa dire. E la voggio cussì, la voggio. Mare de diana! A Titta Nane nissun ghe l'ha fatta tegnire. Nissun ghe la farà portare.
Varè là, che spuzzetta
Mi so omo, saveu? so omo. E no son un putelo, saveu?
Cossa gh'àstu?
Gnente
Ti pianzi?
Da rabbia, da rabbia, che lo scanerave co le mie man.
Via, digo! Cossa xè sto fifare?
Andè in malora.
Sentìu, siora?
Mo no gh'àla rason? Se sè pezo d'un can.
Voleu ziogare, che me vago a trar in canale?
Via, matto!
Lassè, che el vaga, lassè
Via, frascona!
Gh'ho volesto ben, gh'ho volesto
E adesso no più?
Cossa voleu? Se no la me vuole.
Cossa distu, Lucietta?
Lassème stare, lassème.
Tiò le to scarpe, tiò la to cordela, tiò la to zendalina
(No voggio gnente, no voggio).
Vien qua, senti.
Lassème stare.
Dighe una parola.
No.
Vegnì qua, Titta Nane.
Made.
Mo via
No voggio.
Debotto ve mando tutti do a far squartare.
Seu vu, donna Pasqua, muggier de paron Toni Canestro?
Missiersì, cossa comandeu?
E quella xèla Lucietta, sorella de paron Toni?
Sior sì: cossa voressi da ela?
(Oh poveretta mi! Cossa vuorlo el comandadore?)
Ve cito per ordine de chi comanda, che andè subito a Palazzo in cancelaria a esaminarve.
Per cossa?
Mi no so altro. Andè, e obbedì, pena diese ducati, se no gh'andè.
(Per la custion)
(Oh! mi no ghe voggio andare).
(Oh! bisognerà ben, che gh'andemo).
Xèla quella la casa de paron Vicenzo?
Sior sì, quella.
No occorr'altro. La porta xè averta, anderò de suso
Aveu sentìo, Titta Nane?
Ho sentìo. Quel furbazzo de Marmottina m'averà querelao. Bisogna, che me vaghe a retirare.
E mio mario?
E i mi fradeli?
Oh poverete nu! Va' là, va' a la riva va'a vede, se ti li catti, vàli a avisare. Mi anderò a cercare paron Vicenzo, e mio compare Dottore, anderò da la Lustrissima, anderò da sior Cavaliere. Poveretta mi, la mia roba, el mio oro, la mia povera ca, la mia povera ca!
Vedeu, siora? Per causa vostra.
Mi? Coss'òggio fatto? Per causa mia?
Perché no gh'avè giudicio; perché sè una frasca.
Va' in malora, strambazzo.
Anderò via bandìo, ti sarà contenta.
Bandìo ti anderà? Viè qua. Per cossa bandìo?
Ma se ho d'andare, se m'ha da bandire; Marmottina lo vòi mazzare.
Xèstu matto?
E ti, e ti, ti me l'ha da pagare
Mi? Che colpa ghe n'òggio?
Vàrdete da un desperao, vàrdete.
Oe, oe, vien el comandadore.
Poveretto mi! Presto, che no i me vede, che no i me fazze chiapare
Can, sassin, el va via, el me manazza. Xèlo questo el ben, che el me vuole? Mo, che omeni! Mo, che zente! No, no me voggio più maridare. Più tosto me voggio andar a negare
Mo, caro paron Fortunato, sè omo, savè cossa che xè ste cosse.
Mi a suso no e so mai stao, a suso. Cancelaìa mai stao mi cancelaìa.
No ghe sè mai stà in cancelaria?
Sió no, sió no, so mai stao.
Un'altra volta no dirè più cussì.
E pe cossa gh'ha a andà mia muggiere?
Per esaminarse.
Le cugnae anca?
Anca ele.
Anca e putte a andare? E putte, anca e putte?
No vàle co so sorella maridada? Cossa gh'àle paura?
E pianse, e ha paura, no le vuò andare.
Se no le gh'anderà, sarà pezo per ele. Mi ho fatto el mio debito. Farò la riferta, che sè citai, e pensèghe vu
Bisogna andare, bisogna; bisogna andare, muggiere. Muggiere, méttite el ninzoetto, muggiere. Cugnà Orsetta e ninzoetto. Cugnà Checca e ninzoetto. Bisogna andare
Bisogna, bisogna, andare. Maledìo, e baruffe, i baroni, furbazzi. Via pétto, trighève, cossa feu? Donne, femene: maledìo, maledìo, pétto. Ve vegnio a petubare, ve vegnio a petubare
La vede, lustrissimo, la xè una cossa da gnente.
Mi no ve digo, che la sia una gran cossa. Ma ghe
xè l'
Crédela mo, lustrissimo: che colù, che xè vegnù a querelare, sia innocente? L'ha tratto anca elo dele pierae.
Tanto meggio. Co la formazion del processo rileveremo la verità.
La diga, lustrissimo: no la se poderave giustare?
Ve dirò: se ghe fusse la pase de chi xè offeso, salve le spese del processo, la se poderave giustar.
Via, lustrissimo; la me cognosse, so qua mi, la me varda mi.
Ve dirò, paron Vicenzo. V'ho dito, che la se poderave giustar; perché fin adesso dal costituto dell'indolente no ghe xè gran cosse. Ma no so quel, che possa dir i testimoni; e almanco ghe ne vòi esaminar qualchedun. Se no ghe sarà delle cosse di più; che no ghe sia ruze vecchie, che la baruffa no sia stada premeditada, che no ghe sia prepotenze, pregiudizi del terzo, o cosse de sta natura, mi anzi darò man a l'aggiustamento. Ma mi per altro no vòi arbitrar. Son cogitor, e no son cancelier, e ho da render conto al mio principal. El cancelier xè a Venezia, da un momento all'altro el s'aspetta. El vederà el processetto; ghe parlerè vu, ghe parlerò anca mi; a mi utile no me ne vien, e no ghe ne voggio. Son galantomo, me interesso volentiera per tutti; se poderò farve del ben, ve farò del ben.
Ela parla da quel signor, che la xè; e mi so quel, che averò da fare.
Per mi, ve digo, no voggio gnente.
Via, un pesse, un bel pesse.
Oh! fina un pesse, sì ben. Perché gh'ho la tola, ma anca a mi me piase far le mie regolette.
Eh! lo so, che sió cogitore el xè de bon gusto, sió cogitore.
Cossa voleu far? Se laora; bisogna anca devertirse.
E ghe piase i ninzoletti a sió cogitore.
Orsù bisogna, che vada a spedir un omo. Stè qua. Se vien sta zente, disèghe, che adesso torno. Disèghe ale donne, che le vegna a esaminarse, che no le gh'abbia paura, che son bon con tutti, e co le donne son una pasta de marzapan
Sió sì, el xè un galantomo; ma in casa mia nol ghe bàzzega. Dale mie donne nol vien a far careghetta. Sti siori dalla perucca co nualtri pescaori no i ghe sta ben. Oh per diana! Vèle qua che le se viè a esaminare. Aveva paura, che no le ghe volesse vegnire. Le gh'ha un omo con ele. Ah! sì, el xè paron Fortunato. Vegnì, vegnì, creature, che no gh'è nissun.
Dove sémio?
Dove andémio?
Oh poveretta mi! No ghe so mai vegnua in sto liogo.
Parò Izenzo, sioria, parò Izenzo
Paron Fortunato
Me trema le gambe, me trema.
E mi? Oh che spasemo, che me sento!
Doe xèlo e sió canceliere?
Nol ghe xè; el xè a Venezia el sió canceliere. Ve vegnirà a esaminare el sió cogitore.
(Oe, el cogitore!)
(Oe, quel lustrissimo inspiritao)
(Àstu sentìo? Ne esaminerà el cogitore)
(Oh! gh'ho da caro. Almanco lo cognossemo)
(Sì, el xè bonazzo)
(V'arecordeu, che l'ha comprà da nu sie brazza de merlo da trenta soldi, e el ne l'ha pagà tre lire?)
Cossa feu qua?
Lustrissimo, lustrissimo.
Cossa voleu? Che ve esamina tutti in t'una volta? Andè in sala, aspettè; ve chiamerò una alla volta.
Prima nu.
Prima nu.
Semo vegnue prima nu.
Mi no fazzo torto a nissun: ve chiamerò per ordene, come che troverò i nomi scritti in processo. Checca xè la prima. Che Checca resta, e vualtre andè fora.
Mo za, seguro, la xè zovenetta
No basta miga. Bisogna esser fortunae
(Gran donne! Le vol dir certo. Le vol dir, se le credesse de dir la verità).
Andemo fuoa, andemo fuoa andemo
Oe, sió cogitore: no la ne fazza star qua tre ore, che gh'avemo da fare, gh'avemo
Sì, sì ve destrigherò presto.
Oe, ghe la raccomando, sàlo? El varda ben, che la xè una povera innocente
In sti loghi no ghe xè pericolo de ste cosse.
(El xè tanto ingalbanìo, che me fido puoco)
Vegnì qua, fia, sentève qua
Eh! sior no, stago ben in piè.
Sentève, no ve voggio véder in piè.
Quel, che la comanda
Cossa gh'aveu nome?
G'ho nome Checca.
El cognome?
Schiantina.
Gh'aveu nissun soranome?
Oh giusto soranome!
No i ve dise Puinetta?
Oh! certo, anca elo me vuol minchionare
Via se sè bella, siè anca bona. Respondème: Saveu per cossa che siè chiamada qua a esaminarve?
Sior sì, per una baruffa.
Contème come, che la xè stada.
Mi no so gnente, che mi no ghe giera. Andava a ca co mia sorella Libera, e co mia sorella Orsetta, e co mio cugnà Fortunato; e ghe giera paron Toni, e Beppe Cospettoni, e Titta Nane, che i ghe voleva dare a Toffolo Marmottina, e elo ghe trava delle pierae.
Per cossa mo ghe voléveli dar a Toffolo Marmottina?
Perché Titta Nane fa l'amore co Lucietta Panchiana, e Marmottina ghe xè andao a parlare, e el gh'ha pagao la zucca barucca.
Ben; ho capio, basta cussì. Quanti anni gh'aveu?
El vuol saver anca i anni?
Siora sì; tutti chi se esamina, ha da dir i so anni; e in fondo dell'esame se scrive i anni. E cussì quanti ghe n'aveu?
Oh! mi no me li scondo i mi anni. Disisette fenii.
Zurè d'aver dito la verità.
De cossa?
Zurè, che tutto quel, che avè dito nel vostro esame, xè la verità!
Sior sì, zuro, che ho dito la verità.
El vostro esame xè finio.
Posso andar via donca.
No, fermève un pochetto. Come steu de morosi?
Oh! mi no ghe n'ho morosi.
No disè busie.
Òggio da zurare?
No, adesso no avè più da zurar; ma le busie no sta ben a dirle. Quanti morosi gh'aveu?
Oh mi! nissun me vuol, perché son poveretta.
Voleu, che ve fazza aver una dota?
Magari!
Se gh'avessi la dota, ve marideressi?
Mi sì, lustrissimo, che me marideria.
Gh'aveu nissun per le man?
Chi vorlo, che gh'abbia?
Gh'aveu nissun, che ve vaga a genio?
El me fa vergognare.
No ve vergognè, semo soli; parlème con libertà.
Titta Nane, se lo podesse avere, mi lo chiorave.
No xèlo el moroso de Lucietta?
El la gh'ha licenzià.
Se el l'ha licenziada, podemo véder, se el ve volesse.
De quanto sarala la dota?
De cinquanta ducati.
Oh sior sì! Cento me ne dà mio cugnà. Altri cinquanta me ne ho messi da banda col mio balon. Mi credo, che Lucietta no ghe ne daghe tanti.
Voleu, che ghe fazza parlar a Titta Nane?
Magari, lustrissimo!
Dove xèlo?
El xè retirà.
Dove?
Ghel dirò in t'una recchia, che no voria, che qualcun me sentisse
Ho inteso. Lo manderò a chiamar. Ghe parlerò mi, e lassè far a mi. Andè, putta, andè, che no i diga, se me capì
Uh! caro lustrissimo benedetto.
La comandi.
Che vegna Orsetta.
Subito
Ve saverò dir. Ve vegnirò a trovar.
Lustrissimo sì
Magari, che ghe la fasse véder a Lucietta! Magari!
(Tanto ti xè stada? Cossa t'àlo esaminà?)
(Oh sorela! Che bel esame, che ho fatto! Te conterò tutto)
Vegnì qua, sentève.
Sior sì
(Oh, la xè più franca custìa!) Cossa gh'aveu nome?
Orsetta Schiantina.
Detta?
Coss'è sto detta?
Gh'aveu soranome?
Che soranome vorlo, che gh'abbia?
No ve dìseli de soranome Meggiotto?
In veritae, lustrissimo, che se no fusse dove che son, ghe vorave pettenare quella perucca.
Oe parlè con rispetto.
Cossa xè sto Meggiotto? I meggiotti a Chiozza xè fatti col semolei e colla farina zala; e mi no son né zala né del color dei meggiotti.
Via no ve scaldè, patrona, che questo no xè logo da far ste scene. Respondème a mi. Saveu la causa, per la qual sè vegnua a esaminarve?
Sior no.
Ve lo podeu immaginar?
Sior no.
Saveu gnente de una certa baruffa?
So, e no so.
Via, contème quel, che savè.
Che el me interoga, che responderò.
(Custìa xè de quele, che fa deventar matti i poveri cogitori). Conosseu Toffolo Zavatta?
Sior no.
Toffolo Marmottina?
Sior sì.
Saveu, che nissun ghe volesse dar?
Mi no posso saver, che intenzion che gh'abbia la zente.
(Oh che dretta!) Aveu visto nissun con de le arme contro de elo?
Sior sì.
Chi gièrili?
No m'arecordo.
Se i nominerò, ve i arecordereu?
Se la i nominerà, ghe responderò.
(Siestu maladetta! La me vuol far star qua fin sta sera) Ghe giera Titta Nane Moletto?
Sior sì.
Ghe giera paron Toni Canestro?
Sior sì.
Ghe giera Beppo Cospettoni?
Sior sì.
Brava, siora Meggiotto.
El diga: gh'àlo nissun soranome elo?
Via via manco chiaccole
(Oh! ghe lo metterò mi: el sior cogitore giazzao).
Toffolo Marmottina àlo tratto de le pierae?
Sior sì, el ghe n'ha tratto (Magari in te la testa del cogitore).
Cossa diseu?
Gnente, parlo da mia posta. No posso gnanca parlare?
Per cossa xè nato sta contesa?
Cossa vorlo, che sappia?
(Oh son debotto stuffo!) Saveu gnente, che Titta Nane gh'avesse zelusia de Toffolo Marmottina?
Sior sì; per Lucietta Panchiana.
Saveu gnente, che Titta Nane abbia licenzià Lucietta Panchiana?
Sior sì, ho sentìo a dir, che el la gh'ha licenzià.
(Checca ha dito la verità. Vederò de farghe sto ben). Oh! via, debotto sè destrigada. Quanti anni gh'aveu?
Oh ca de dia! Anca i anni el vuol savere?
Siora sì, anca i anni.
El li ha da scrivere?
I ho da scriver.
Ben; che el scriva... disnove.
Zurè d'aver dito la verità.
Ho da zurare?
Zurè d'aver dito la verità.
Ghe dirò: co ho da zurare, veramente ghe n'ho venti quattro.
Mi no ve digo, che zurè di anni, che a vualtre donne sto zuramento nol se pol dar. Ve digo che zurè, che quel, che avè dito in te l'esame, xè la verità.
Oh sior sì, zuro.
Chi vorla?
Donna Libera.
La servo
(Varè. Anca i anni se gh'ha da dire!)
(T'àstu destrigà?)
(Oe, sentì. Anca i anni, che se gh'ha, el vuol savere).
(Bùrlistu?).
(E bisogna zurare)
(Varè che sùghi! s'ha da dire i so anni, e s'ha da zurare? So ben quel, che farò mi. Oh! i mi anni no li voggio dire, e no voggio zurare).
O via, vegnì qua, sentève.
Oe, digo, vegnì qua, sentève
Chi seu?
Respondè, chi seu?
Sior.
Chi seu?
Cossa dìsela?
Seu sorda?
Ghe sento puoco.
(Stago fresco!) Cossa gh'aveu nome?
Piase?
El vostro nome.
La diga un poco più forte.
Eh! che no voggio deventar matto
La comandi.
Che vegna drento quell'omo.
Subito
Andè a bon viazo
Sior?
Andè via de qua
(Oh! l'ho scapolada pulito. I fatti mì, no ghe li voggio dire)
Sto mistier xè bello, civil, decoroso, anca utile. Ma delle volte xè cosse da deventar matti.
Tissimo sió cogitore, tissimo.
Chi seu?
Fortunato Aichio.
Parlè schietto, se volè che v'intenda. Capisso per discrezione: paron Fortunato Cavicchio. Saveu per cossa, che siè cità a esaminarve?
Sió sì, sió.
Via donca: disè per cossa, che sè vegnù?
So egnù, peché me ha dito e comandadore.
Bella da galantomo! So anca mi, che sè vegnù, perché ve l'ha dito el comandador. Saveu gnente de una certa baruffa?
Sió sì, sió.
Via, disème, come che la xè stada.
L'ha a saere, che ancuò so egnù da mare, e so rivao a Igo co a tatana; e xè egnuo mia muggiere, e a cugnà Ossetta, e a cugnà Checca.
Se no parlè più schietto, mi no ve capisso.
Sió sì, sió. Andando a ca co mia muggiere, e co
mia cugnà, ho isto paró Toni, ho isto, e bara Beppe ho isto,
e Titta Nane Moetto, e Toffolo Maottina; e paró Toni
Gnanca una parola.
Mi pao chiozzotto, utissimo. De che paese xèla, utissimo?
Mi son venezian; ma no ve capisso una maledetta.
Omàndela e tona a die?
Cossa?
Comàndela e tona a dire? a dire? a dire?
Va' in malora, va' in malora, va' in malora.
Tissimo
Papagà maledetto!
Tissimo
Se el fusse un processo de premura poveretto mi!
Sió cogitore! Tissimo
El diavolo, che te porta!
Son a servirla.
Licenziè quelle donne, mandèle via, che le vaga via, che no vòi sentir altro.
Subito
Bisogna dar in impazienze per forza.
Per cossa ne màndelo via?
Per cossa no ne vorlo esaminare?
Perché son stuffo.
Sì, sì, caretto, savemo tutto.
L'ha sentìo quele, che g'ha premesto, e nualtre semo scoazze.
La fenìmio?
Puinetta el l'ha tegnua più d'un'ora.
E Meggiotto quanto ghe xèla stada?
Ma nu anderemo da chi s'ha d'andare.
E se faremo fare giustizia.
No savè gnente. Sentì.
Cossa voravelo dire?
Cossa ne voravelo infenocchiare?
Vualtre sè parte interessada; no podè servir per testimonio.
No xè vero gnente, no xè vero gnente. No semo interessà, no xè vero gnente.
E anca nu volemo testimoniare.
Fenìla, una volta.
E se faremo sentire.
E saveremo parlare.
Sieu maledette.
Lustrissimo.
Cossa gh'è?
Xè vegnù el lustrissimo sior cancelier.
Oh! giusto elo.
Anderemo da elo.
Andè, dove diavolo che volè. Bestie, diavoli, satanassi
Mare de diana! che ghe la faremo tegnire
Viva cocchietto, che ghe la faremo portare
No m'importa; che i me chiappe, se i me vo' chiapare. Anderò in preson; no m'importa gnente; ma mi retirà no ghe voggio più stare. No muoro contento, se a Orsetta no ghe dago una slepa. E a Marmottina ghe voggio taggiare una recchia, se credesse d'andare in galìa, se credesse. La porta xè serà de custìe, xè serà anca da mi, xè serà. Lucietta e mia cugnà le sarà andae a parlare per mi e per mio fradello Toni; e custìe le sarà andae a parlare per Marmottina. Sento zente, sento. Me pare sempre d'aver i zaffi alla schina. Zitto, zitto, che viè Orsetta. Viè, viè, che te voggio giustare.
Beppe!
El mio caro Beppe!
In malora, va'.
Con chi la gh'àstu?
A chi in malora?
In malora quante che sè.
Vaghe ti in malórzega
Tasi
Cossa t'avémio fatto?
Ti sarà contenta, anderò in preson; ma avanti, ch'a ghe vaghe...
No, no t'indubitare. No sarà gnente.
Paron Vicenzo l'ha dito cussì, ch'a no se stemo a travaggiare, che la cossa sarà giustà.
E po gh'avemo per nu el cogitore.
Se può savere con chi ti la gh'ha almanco?
Con ti la gh'ho.
Co mi?
Sì, con ti.
Cossa t'òggio fatto?
Cossa te vastu a impazzare co Marmottina? Perché ghe pàrlistu? Per cossa te vienlo a cattare?
Mi?
Ti.
Chi te l'ha dito?
Mia cugnà e mia sorella me l'ha dito.
Busiare!
Busiare!
Oh che busiare!
El xè vegnù a parlare con Checca.
E po el se xè andao a sentare da to sorella.
E el gh'ha pagao la zucca.
Basta dire, che Titta Nane ha licenziao Lucietta.
L'ha licenzià mia sorella? Per cossa?
Per amore de Marmottina.
E mi cossa gh'òggio da intrare?
Marmottina no xè vegnù a parlare co ti?
L'ha parlao co Lucietta? E Titta Nane l'ha licenzià?
Sì, can, no ti me credi, baron? No ti credi alla to povera Orsetta, che te vol tanto ben; che ho fatto tanti pianti per ti; che me desconisso per causa toa?
Cossa donca me vienle a dire quelle petazze?
Per scaregarse ele le ne càrega nu.
Nu no ghe femo gnente, e ele le ne vuol male.
Che le vegna a ca, che le vegna!
Zitto, che le xè qua.
Tasè.
No ghe disè gnente.
Coss'è?
Cossa fastu qua?
Cossa me seu vegnue a dire?
Senti.
Viè qua, senti.
Cossa v'andeu a inventare?...
Mo viè qua, presto
Presto, poveretto ti!
Coss'è? Cossa gh'è da niovo?
Va'via.
Vatte a retirare
Mo se le m'ha dito, che non xè gnente.
No te fidare.
Le te vol sassinare.
Semo stae a Palazzo, e nu no i n'ha gnanca volesto ascoltare.
Ele i le gh'ha riceveste, e nualtre i n'ha cazzao via
E Orsetta xè stada drento più de un'ora col cogitore.
Ti xè processà!
Ti xè in cattura.
Vatte a retirare.
Comuodo? a sta via se sassina i omeni?
Coss'è stà?
Tegnirme qua per farme precipitare?
Chi l'ha dito?
L'ho dito mi, l'ho dito.
Eh savemo tutto, savemo.
Va' via
Va' via
Vago, via... ma me l'averè da pagare
Marìo!
Fradello!
Andè via.
No ve lassè trovare.
Tasè, tasè, non abbiè paura, tasè. Xè vegnuo a trovarme paron Vicenzo, e el m'ha dito, che l'ha parlà co sior canceliere, che tutto xè accomodao, che se può caminare.
Sentìu?
Ve l'avémio dito?
Sémio nu le busiare?
Sémio nu, che ve vuol sassinare?
Cossa v'insunieu? Cossa v'andeu a inventare?
Vèlo qua paron Vicenzo. No xè giustà tutto, paron Vicenzo?
No xè giustà gnente.
Come no xè giustà gnente?
No gh'è caso, che quel musso ustinà de Marmottina voggia dar la pase, e senza la pase no se puol giustare.
Oe, sentìu?
No ve l'òggio dito?
No ghe credè gnente.
No xè giustà gnente.
No ve fidè a caminare.
Andève subito a retirare.
Oh! Titta Nane, cossa feu qua?
Fazzo quelo, che voggio, fazzo.
(Oh! no la ghe xè gnancora passà).
No gh'avè paura dei zaffi?
No gh'ho paura de gnente
So stao dal cogitore; el m'ha mandao a chiamare, e el m'ha dito, che camine quanto che voggio, e che no staghe più a bacilare
Parlè mo adesso, se gh'avè fià de parlare
No ve l'òggio dito, che gh'avemo per nu el cogitore?
Paron Toni Canestro, Beppo Cospettoni e Titta Nane Moletto, vegnì subito a Palazzo con mi da sior cancelier
Oh poveretta mi!
Semo sassinai.
Che fondamento ghe xè in te le vostre parole?
De cossa ve podeu fidare de quel panchiana del cogitore?
(Uh!)
Chi è, che me favorisse?
Vèla là lustrissimo. Mi no so gnente
Cossa vorli da i nostri omeni? Cossa ghe vorli fare?
Gnente; che i vegna con mi, e che no i gh'abbia paura de gnente. Son galantomo. Me son impegnà de giustarla, e sior cancelier se remette in mi. Andè, paron Vicenzo, andè a cercar Marmottina, e fè de tutto de menarlo da mi; e se nol vol vegnir per amor, disèghe che lo farò vegnir mi per forza.
Sior sì, so qua, co se tratta de far del ben. Vago subito. Beppe, paron Toni, vegnì co mi, che v'ho da parlare.
So co vu, compare. Co so co vu, so seguro.
(Oe! mi no me slontano dal cogitore).
Orsetta, a revéderse.
Xèstu in còlera?
Via, che cade? A monte, a monte. Se parleremo.
(La diga, lustrissimo?)
(Coss'è, fia?)
(Gh'àlo parlà?)
(Gh'ho parlà).
(Coss'àlo dito?)
(Per dirvela, nol m'ha dito né sì, né no. Ma me par, che i dusento ducati no ghe despiasa).
(Me raccomando).
(Lassè far a mi). Via andemo, Titta Nane.
So qua con ela
Gnanca, patron? Gnanca un strazzo de saludo?
Che creanza gh'aveu?
Patrone
Via, saludè Checchina
Bella putta, ve saludo
Siorìa, Titta Nane.
(Gh'ho gusto, che la magna l'agio Lucietta, gh'ho gusto; me voggio refare)
(Anca questo per mi xè un divertimento)
(Aveu sentìo cossa che el gh'ha dito? Bella putta el gh'ha dito).
(Mo via cossa vustu andar a pensare?)
E ela? Siorìa, Titta Nane, siorìa, Titta Nane
Coss'è, siora me burleu?
Dìghe, che la se varda ela.
Che la gh'ha el so bel da vardare.
Mi? Oh de mi ghe xè puoco da dire; che cattive azion mi no ghe ne so fare.
Via, tasi, no te n'impazzare. No sastu, chi la xè? Tasi
Cossa sémio?
Cossa voressi dire?
Via; chi ha più giudizio, el dopera
Oh la savia Sibilla! Le putte, che gh'ha giudizio, parona, le lassa star i novizzi, e no le va a robar i morosi.
A vu cossa ve robémio?
Titta Nane xè mio novizzo.
Titta Nane v'ha licenzià.
No xè vero gnente.
Tutta la contrà l'ha sentìo.
Via, che sè una pettegola.
Tasè là donna stramba.
Sentì, che sbrenà!
Sentì, che bella putta!
Meggio de to sorella.
No ti xè gnanca degna de minzonarme.
Povera sporca!
Come parlistu?
Voleu ziogare, che ve petuffo?
Chi?
Mare de diana! che te sflazelo, vara.
Oh che giandussa!
Parla ben, parla
Oe!
Tìrete in là, oe!
Coss'è sto spenze
Oe, oe!
Oe, oe!
Fermève, fermève, donne, donne, fermève.
Ti gh'ha rason
Ti me l'ha da pagare
Ve vòi cavare la petta, vara.
Maledetta! Se no me fava male a sto brazzo, te voleva collegare per terra
E vu, savè, sior carogno, se no ghe farè far giudizio a culìe, ve trarò sulla testa un de quei pitteri che spuzza
Andè là, puh! Maledìe! Donne, donne, sempre bauffe, sempre chià. Dise be e proverbio: Donna danno; donna malanno, malanno, danno, malanno
Vegnì con mi, non abbiè suggizion: qua no semo a Palazzo, qua no semo in cancelaria. Semo in casa de un galantuomo, de un venezian, che vien a Chiozza do volte all'anno, e co nol ghe xè elo, el me lassa le chiave a mi, e adesso de sta casa son paron mi, e qua s'ha da far sta pase, e s'ha da giustar tutti i pettegolezzi, perché mi son amigo di amici, e a vualtri Chiozzotti ve voggio ben.
Per so grazia, sió cogitore.
Vegnì qua, za che semo soli...
Dove xèli sti altri?
Paron Vicenzo xè andà a cercar Marmottina, e el vegnirà qua, che za el sa dove, che l'ha da vegnir. Paron Toni l'ho mandà da mi in cancelaria a chiamar el mio servitor, perché vòi che sigilemo sta pase con un per de fiaschetti. E Beppo, co v'ho da dir la verità, el xè andà a chiamar donna Libera, e paron Fortunato.
E se Marmottina no volesse vegnire?
Se nol vorrà vegnir, lo farò portar. Orsù za che semo soli, respondème a ton sul proposito, che v'ho parlà. Checchina ve piàsela? La voleu?
Co gh'ho da dire la giusta veritae, la me piase puoco, e fazzo conto de no la volere.
Come! No m'avè miga dito cussì stamattina.
Cossa gh'òggio dito?
M'avè dito: no so, son mezzo impegnà. M'avè domandà, cossa che la gh'ha de dota. Mi v'ho anca dito, che la gh'aveva dusento, e passa ducati. M'ha parso, che la dota ve comoda; m'ha parso, che la putta ve piasa. Cossa me scambieu adesso le carte in man?
Lustrissimo, mi no ghe scambio gnente, lustrissimo. L'abbia da saere, che a Lucietta, lustrissimo, xè do anni, che ghe fazzo l'amore, e me son instizzao e ho fatto quel, che ho fatto per zelusia, e per amore, e la gh'ho licenzià. Ma la gh'abbia da saere, lustrissimo, che a Lucietta ghe voggio ben, ghe voggio; e co un omo xè instizao, nol sa quello ch'a se dighe. Stamattina Lucietta l'averave mazzà, e za un puoco gh'ho volesto dare martello, ma co ghe penso, mare de diana! lustrissimo, no la posso lassare; e ghe voggio ben, ghe voggio. La m'ha affrontao, la gh'ho licenzià; ma me schioppa el cuor.
Oh bela da galantomo! E mi ho mandà a chiamar donna Libera, e paron Fortunato, per parlarghe de sto negozio, e domandarghe Checca per vu.
Grazie, lustrissimo
No la volè donca?
Grazie alla so bontae
Sì? o no?
Co bo respetto: mi no, lustrissimo.
Andève a far squartar che no me n'importa.
Comuodo pàrlela lustrissimo? So poveromo, so un povero pescaore; ma so galantomo, lustrissimo.
Me despiase, perché gh'averave gusto de maridar quella putta.
Lustrissimo, la me compatissa, se no ghe fasse affronto, ghe vorave dire do parole, ghe vorave dire.
Disè pur: cossa me voressi dir?
Caro lustrissimo, la prego, no la se n'abbia per male.
No, no me n'averò per mal. (Son curioso de sentir, cossa che el gh'ha in testa de dirme).
Mi parlo co tutto e respetto. Baso dove, che zappa e sió cogitore; ma se m'avesse da maridare, no voria, che un lustrissimo gh'avesse tanta premura per mia muggier.
Oh che caro Titta Nane! Ti me fa da rider, da galantomo. Per cossa credistu, che gh'abbia sta premura per quella putta?
Che cade? Affin de ben, affin de ben, che cade?
Son un zovene onesto, e non son capace...
Eh! via che cade?
(Oh che galiotto!)
So qua, lustrissimo. Finalmente l'ho persuaso a vegnire.
Dov'èlo?
El xè de fuora: che lo chiame?
Chiamèlo.
Toffolo, vegnì a nua.
So qua, pare, Tissimo
Vien avanti.
Lustrissimo sió cogitore
Dime un poco, per cossa no vustu dar la pase a quei tre omeni, coi quali ti ha avù stamattina quela contesa?
Perché, lustrissimo, i me vuol amazzare.
Co i te domanda la pase, no i te vol mazzar.
I xè galiotti, lustrissimo.
Olà, olà!
Quietève.
E ti parla ben, o te farò andar in t'un camerotto.
Quel che la comanda, lustrissimo.
Sastu, che per le pierae, che ti ha tratto, ti meriti anca ti d'esser processà, e che stante la malizia, co la qual ti xè vegnù a querelar, ti sarà condanà in te le spese?
Mi so pover omo, lustrissimo; mi no posso spendere. Vegnì qua, mazzème; so pover omo, mazzème.
(Costù el par semplice; ma el gh'ha un fondo de malizia de casa del diavolo).
Daghe la pase, e la xè fenìa.
Voggio esser seguro della mia vita.
Ben, e mi te farò assicurar. Titta Nane, me deu parola a mi de no molestarlo?
Mi sì, lustrissimo. Basta, che el lassa stare Lucietta, e che nol bàzzega per quele contrae.
Mi, fradelo, Lucietta no la gh'ho gnanca in mente, e no ziro colà per ela, no ziro.
Per chi ziristu donca?
Lustrissimo, anca mi so da maridare.
Mo via, di' suso, Chi gh'àstu da quele bande?
Lustrissimo...
Orsetta?
Made.
Checca fursi?
Ah, ah! bravo lustrissimo, bravo
Ti xè un busiaro.
Per cossa busiaro?
Perché Checca m'ha dito, e donna Libera, e Orsetta m'ha dito, che ti t'ha sentao da Lucietta, e ti gh'ha pagao da marenda.
Per fare despetto l'ho fatto.
A chi?
Quietève.
Distu dasseno, che ti ghe vol ben a Checca?
Mi sì, da putto.
La toréssistu per muggier?
Mare de diana, se la chiorave!
E ela mo te voràla?
Vara chiòe! Per cossa no m'averàvela da volere? La m'ha dito de le parole, la m'ha dito, che no le posso mo gnanca dire. So sorela m'ha descazzao, da resto... e co metto peota a Vigo, la poderò mantegnire.
(Mo el sarave giusto a proposito per Checchina).
Xè qua el servitor, lustrissimo.
Bravo. Metti zoso quei fiaschi, e va' de là in cusina, e varda in quel armeretto, che gh'è dei gotti
(Com'èla, paron Vicenzo?)
(Ben, ben! S'ha scoverto delle cosse... Anderà tutto ben).
Toffolo, allegramente, che vòi, che femo sto matrimonio.
Magari, lustrissimo!
Olà, Toffolo, con chi?
Con Checchina.
E mio fradello Beppe sposerà Orsetta.
Bravi! E Titta Nane sposerà Lucietta.
Se la vegnirà co le bone, può essere, che mi la spose.
A monte tutto. No gh'ha da esser puntigli. Avemo da far ste nozze, e vegnì qua tutti, e sposève qua. Provederò mi i confetti, e ceneremo, e faremo un festin, e staremo allegri.
Paró Toni, alliegri.
Alliegri, paró Vicenzo.
Alliegri.
Via, Titta Nane, anca vu alliegri.
So qua, so qua, no me cavo.
Via, fè pase.
Pase
Pase
Amigo
Amigo
Paró Vicenzo
Amici, amici.
Amigo, pase, parente, amigo
Férmete. Oh che strepiti! Oh che sussuri! Fradello, no ve posso fenir de dire.
Coss'è stà?
Le ha criao, le s'ha dao, le s'ha petuffao
Chi?
Mia cugnà Pasqua, Lucietta, donna Libera, Checca, Orsetta. So andao per andare, come che m'ha dito e sió cogitore. No le m'ha volesto in ca, no le m'ha volesto. Orsetta m'ha serrao el balcon in tel muso. Lucietta no vol più Titta Nane. Le cria, che le s'averze, e ho paura, che le se voggia tornar a dare.
Sangue de diana! Com'èla? Sangue de diana!
Voggio andar a defendere mia muggiere
Se daremo, se daremo, faremo custion, se daremo.
Fermève, fermève; no stè a precipitare
Che i lassa stare Checca, oe! che i la lassa stare
Sieu maledetti, sieu maledetti, sieu maledetti!
Coss'è? No ti vol più mio fradello? No ti xè gnanca degna d'averlo.
Oh! ghe vuol puoco a trovare de meggio.
Chi troverastu?
Rulo.
Ghe mancherave puoco, che no te fasse la rima.
No se sàlo, che ti xè una sboccà.
Sì, se fusse co fa ti.
Tasi sa, che son una putta da ben.
Se tale ti fussi, tale ti operaressi.
Via, sussurante.
Catta baruffe.
Lucietta vien drento, Lucietta
Ti gh'anderà via ve' de sta contrà.
Chi?
Ti.
Lucietta!
Chiò, vara
Va' al turo
Povera sporca! Con chi credistu aver da fare? Mi sì, che me mariderò; ma ti? No ti troverà nissun, che te voggia. Uh! quel povero desgrazià, che te voleva, el stava fresco; el giera conzà co le ceolette. Nol te vol più, ve', Titta Nane, no, ve', nol te vol più, ve'.
Mi no me n'importa; che anca se el me volesse, mi no lo voggio.
La volpe no vol ceriese.
Sì, sì, el sposerà quella sporca de to sorella.
Oe! parla ben.
Lucietta
A mi, se ghe ne voggio, no me n'amanca.
Eh! lo so, che ti gh'ha el protettore.
Tasi, sa, che ti farò desdire.
Lucietta, Lucietta!
Oh che paura!
Te farò vegnire l'angossa.
Marameo, squaquarà, marameo.
Vago via, perché no me degno
Va' via, va' via, no te far smattare
Meggiotto
Panchiana
Tuffe
Malagrazia
Mo che bella zoggia.
Mo, che boccoletto da riosa!
Coss'è? Cossa àstu dito dei fatti mii?
Va' in malora. Va' a parlare con Checca
No ghe tendo, che la xè una matta
Che muodo xè questo de strapazzare?
Via, che sè tutta zente cattiva
Orsetta, Orsetta!
Vàtte a far squartare
E ti no stare più a vegnire per casa, che no te voggio
E no bazzegare qua oltra, che no te volemo
Giusto, mo, per questo, mo ghe voggio vegnire.
Se a Marmottina ghe l'ho prometue a ti, mare de diana! te le darò, vara
Chiò sto canelao
In tartana da mi no ghe stare a vegnire. Provedite de paron, che mi me provederò de omo
Corpo de una gaggiandra! qualchedun me l'ha da pagare.
Titta Nane, com'èla?
Petto de diana! petto de diana! Arme, fora arme.
Va' via, matto. No star a precipitare.
Voggio farme piccare, ma avanti, sangue de diana, ghe ne voggio colegare tre, o quattro!
So qua. Come xèla?
Arme, fora arme.
Mi no so gnente
Ah bestia!
Aiuto.
Con chi la gh'àstu?
I me vol dare
Chi è, che te vuol dar?
Titta Nane.
No xè vero gnente.
Va' via de qua subito
Nol la gh'ha co elo, lustrissimo; el la gh'ha co Beppo, e con paron Toni.
Va' via de qua, te digo
Via, andemo, cognè obbedire, cognè
(Menèlo via, paron Vicenzo, e tegnilo con vu, e trattegnive sotto el portego in piazza, dal barbier, o dal marzeretto, che se vorò, se ghe sarà bisogno, ve manderò po a chiamar)
(Sarà obedìa, lustrissimo). Andemo
No voggio vegnire.
Andemo co mi, no te dubitare. So omo, so galantomo, viè co mi, no te dubitare.
Via, va' con elo; e fa' quel, che te dise paron Vicenzo, e abbi pasenzia, e aspetta, che pol esser, che ti sii contento, e che te fazza dar quanta sodisfazion, che ti vol.
Me raccomando a ela, lustrissimo. So poveromo, so galantomo, sió cogitore; me raccomando a ela, sió cogitore lustrissimo
(Mi so, cossa ghe voria per giustarli. Un pezzo de legno ghe voria. Ma averave perso el devertimento). Vien qua, Toffolo.
Lustrissimo.
Vustu, che parlemo a sta putta, e che vedemo, se se pol concluder sto maridozzo?
Magari, lustrissimo! Ma bisogna parlare co donna Libera so sorella, e co so cugnà paró Fortunato.
Sarali in casa sta zente?
No so, lustrissimo. Adesso, se la vuò che chiame...
Andemo drento piutosto.
Mi in ca no ghe posso vegnire.
Perché no ghe pustu vegnir?
A Chiozza, lustrissimo, un putto donzelo nol ghe può andare, dove ghe xè de le putte da maridare.
E pur so, che tra vualtri se fa continuamente l'amor.
In stra lustrissimo, se fa l'amore; e po la se fa domandare, e co la s'ha domandà, se può andare.
Chiamémole in strada donca.
Olà, paró Fortunato ghe seu? Donna Libera, olà.
(Eh! co sta sorda no me ne voggio impazzar).
Coss'è? Cossa vustu?
Qua e sió cogitore...
Lustrissimo, cossa comàndelo?
Com'èla? No sè più sorda?
Oh! lustrissimo, no. Gh'aveva una flussion. So varìa.
Cussì presto?
Da un momento all'altro.
Anca sì, che gieri deventada sorda, per no dir...
Tissimo
Ho gusto, che sia qua anca compare burataora. Son qua per dirve, se marideressi Checchina.
Magari, lustrissimo! Me la destrigheria volentiera.
Mi, utissimo, gh'ho pomesso cento ucati.
E altri cinquanta ghe li averemo sunai.
E mi ghe farò aver una grazia de altri cinquanta.
Sìelo benedetto! Gh'àlo qualche partio?
Vardè: ve piàselo quel partio?
Toffao? Toffao? Catta bauffe, catta bauffe.
Mi no dago impazzo a nissun, co i me lassa stare...
Con un puo' de battelo, come l'àlo da mantegnire?
No metteroggio suso peota, no metteroggio?
E dove la menerastu, se no ti gh'ha né tetto, né cà?
La ustu menare i battelo la novizza a dormire?
Ve podè tegnire i cento ducati, ve podè tegnire, e farme le spese a mi, e a mia muggiere.
Sì ben; nol dise mal, el gh'ha più giudizio, che no credeva. Podè per qualche tempo tegnirlo in casa.
Mo per quanto, lustrissimo?
A conto de sti cento ducati, per quanto voressistu, che i te fasse le spese?
No so, almanco sié anni.
Puffeta! puffeta! Sié anni? Puffeta!
Ti voressi ben spender poco.
Che la fazza ela, lustrissimo.
Via, per un anno ve comoda?
Cossa diseu, paron?
Fè vu, parona; parona fè vu, parona
Mi stago a tutto, lustrissimo.
Chiamè la putta. Sentimo, cossa che la dise
Oe, Checca!
Checca, Checca!
So qua: cossa voleu?
No ti sa?
Eh! ho sentìo tutto.
Bava! E tà a pionare, bava!
E cussì, cossa diseu?
La senta una parola
Son qua.
(De Titta Nane no ghe xè speranza?)
(El m'ha dito un de no tanto fatto)
(Anca in recchia el ghe parla?)
(Mo per cossa?)
(Perché el xè innamorà de Lucietta)
Lustrissimo sió cogitore.
Cossa gh'è?
Vorave sentire anca mi, vorave.
Via, destrighève. Lo voleu, o no lo voleu?
Cossa diseu, sorella?
Cossa diseu, cugnà?
Cossa distu ti? Lo vustu?
Perché no?
Oh cara, la me vuole, oh cara!
Fioli, co gh'intro mi in te le cosse, mi no voggio brui longhi. Destrighémose, e maridève.
Comuodo? Checca s'ha da maridare avanti de mi? Mi che xè tre anni, che so in donzelon, no m'averò gnancora da maridare; e custìa, che xè la minore, s'ha da sposare avanti della maggiore?
Sì bè, sì bè, a gh'ha rason, sì bè.
Gh'àstu invidia? Marìdete. Chi te tien, che no ti te maridi?
Sió sì, sió sì, marìdete, se ti te vuò maridare.
Ti lo gh'avevi el novizzo. Per cossa lo xèstu andà a desgustare?
Ah! per cossa?
No gièrelo Beppo el so novizzo?
Sior sì, Beppo.
Beppo.
Aspettè. Beppo ghe xèlo in casa?
So qua, lustrissimo.
Per cossa seu andà in còlera con Orsetta?
Mi, lustrissimo? L'è stada ela, che m'ha strapazzao; l'è stada ela, che m'ha descazzao.
Sentìu, siora?
No sàla, che la còlera orba che no se sa de le volte quel, che se diga!
Sentìu? No la xè più in còlera
Anca mi son uno, che presto me la lasso passare.
Via donca; la xè giustada. Se no volè, che Checca se marida prima de vu, e vu dèghe la man a Beppo avanti de ela
Cossa diseu, sorella?
A mi ti me domandi?
Fala bela, Orsetta. Fala bela, fala bela
Come, puoco de bon! Sior omo senza reputazion, averessi tanto ardire de sposare culìa, che n'ha strapazzà
(Meggio da galantomo!)
Cossa xè sta culìa?
Oe, no se femo in vissere.
Olà, olà, olà.
Mi no so cossa dire, mi no so cossa fare; mi me vòi maridare.
Mi prima m'ho da maridare; e fin che ghe so mi in ca, altre cugnà no ghe n'ha da vegnire.
Mo perché no la marideu?
Perché Titta Nane la gh'ha licenzià.
Va' là, Toffolo; va' in piazza sotto el portego dal barbier; dìghe a paron Vicenzo, che el vegna qua, e che el mena qua Titta Nane, e che i vegna subito.
Tissimo sì. Checca, vegno ve', vegno
(Co Checca xè novizza co Marmottina, mi de Titta Nane no gh'ho più zelusia)
Ghe xè caso, donne, donne, che no digo altro; che voggiè far pase, che voggiè tornar a esser amighe?
Se ele no gh'ha gnente co mi; mi no gh'ho gnente co ele.
Cossa diseu?
Mi da là a là no gh'è altro.
Mi? Co no son tirada per i cavei, no parlo mai co nissun.
E vu, Checca?
De diana! A mi me piase stare in pase co tutti.
Via donca pacifichève, basève.
Mi sì.
So qua.
Cossa? cossa fastu? Ti vuò far pase? Con custìe? co sta zente?
Oh! vegnireu vu adesso a romper le scatole?
Me maraveggio: le m'ha strapazzà.
Quietève anca vu, fenìmola.
No me voggio quietare; me diole ancora sto brazzo. No me voggio quietare.
(Magari l'avessio strupià).
Oe, paron Toni.
Lustrissimo.
Se no farè far giudizio a vostra muggier...
Ho sentìo, ho sentìo, lustrissimo, ho sentìo. Animo; fa' pase
No voggio.
Fa' pase
No, no voggio.
Fa' pase, te digo; fa' pase
Sì, sì, mario, farò pase
Oh bravo! Oh bravo! Oh co bravo!
Viè qua, Pasqua.
So qua
Anca vu, putte
Brave, e viva; e che la dura fin che la se rompe.
Semo qua, lustrissimo.
Oh! vegnì qua, Titta Nane adesso xè el tempo, che mi ve fazza cognosser, se ve vòi ben, e che vu fè cognosser, che sè omo.
Gh'ho tanto dito anca mi a Titta Nane, che el me par mezzo a segno; e gh'ho speranza, che el farà tutto quello, che vuole el lustrissimo sió cogitore.
Via donca, mandè a monte tutto. Tornè amigo de tutti, e disponève a sposar Lucietta.
Mi, lustrissimo? No la sposo, gnanca se i me picche.
Oh bella!
(Mo no xèle cosse da pestarlo co fa el bacalà!)
Oe, senti; se ti credessi, che t'avesse da toccare Checca, vara ve': la s'ha da sposare co Toffolo
E mi cento uccati e dago.
Mi no ghe ne penso, che la se spose co chi la vuole.
E perché no voleu più Lucietta?
Perché la m'ha dito: va' in malora, la m'ha dito.
Oh, vara ve'! E a mi cossa no m'àstu dito?
Orsù chi vol, vol: e chi no vol, so danno. Vualtri a bon conto, Checca, e Toffolo, deve la man.
So qua.
So qua anca mi.
Sior no, fermève, che m'ho da maridar prima mi.
Animo, Beppo, da bravo.
Oe, mi no me farò pregare.
Sior no, se no me marido mi, no ti t'ha da maridar gnanca ti
E la gh'ha rason Lucietta.
E mi cossa soggio? Mi no gh'ho da intrare? A mi no s'ha da parlare?
Voleu, che ve la diga? Andè al diavolo quanti che sè, che son stuffo
Via, che nol vaga
Tissimo
Che el se ferma
Tissimo
Che el gh'abbia pazenzia
Per causa vostra tutti i altri torà de mezzo
Via, lustrissimo, che nol me mortifica più davantazo. Per causa mia no voggio, che toga de mezo nissun. Se son mi la cattiva, sarò mi la desfortunà. Nol me vuol Titta Nane? Pazenzia. Cossa gh'òggio fatto? Se ho dito qualcossa, el m'ha dito de pezo elo. Ma mi ghe voggio ben, e gh'ho perdonà; e se elo no me vol perdonare, xè segno, che nol me vuol ben
Lucietta?
Oe la pianze
La pianze
La me fa peccao
(Maledìo! Se no me vergognasse?...)
Mo via, pussibile, che gh'abbiè sto cuor? Poverazza! Vardè, se no la farave muover i sassi
Cossa gh'àstu?
Gnente
Via, animo
Cossa vustu?
Coss'è sto fiffare?
Can, sassin
Tasi
Ti me vuol lassare?
Me farastu più desperare?
No.
Me vorastu ben?
Sì.
Paron Toni, donna Pasqua, lustrissimo, co bona licenzia. Dàme la man
Tiò
Ti xè mia muggiere
Oh bella! Oe, Sansuga?
Lustrissimo.
Va' subito a far quel, che t'ho dito.
Subito
A vu, Beppo. Sotto, vu.
Mi? La varda co che facilitae. Paron Fortunato, donna Libera, lustrissimo, co so bona grazia
Mario, e muggiere.
Oh! adesso mo, marìdete anca ti, che no me n'importa
Toffolo, chi è de volta?
Mi prima barca. Paró Fortunato, donna Libera, lustrissimo, co so bona licenzia
Oe, la dota
Son galantomo, ve la prometto.
Tiò la man
Muggiere.
Mario.
E viva.
E viva allegramente. Muggiere, anca mi so in grìngola.
Xè qua tutti, co la comanda
Novizzi allegramente. V'ho parecchià un poco de rinfresco; gh'ho un per de sonadori: vegnì con mi, che vòi, che se devertimo. Andemo, che baleremo quattro furlane.
Qua, qua balemo, qua.
Sì ben, dove che volè. Animo, portè fuora delle careghe. Fè vegnir avanti quei sonadori; e ti, Sansuga, va' al casin, e porta qua quel rinfresco.
Sior sì, balemo, devertìmose, za che semo novizzi; ma la senta, lustrissimo, ghe vorave dire do parolette. Mi ghe son obbligà de quel che l'ha fatto per mi, e anche ste altre novizze le ghe xè obbligae; ma me despiase, che el xè foresto e col va via de sto liogo, no vorave, che el parlasse de nu, e che andasse fuora la nomina, che le Chiozzotte xè baruffante; perché quel, che l'ha visto, e sentìo, xè stà un accidente. Semo donne da ben, e semo donne onorate; ma semo aliegre, e volemo stare aliegre, e volemo balare, e volemo saltare. E volemo che tutti possa dire: e viva le Chiozzotte, e viva le Chiozzotte.